နိုင်ပကောင်း/People’s Spring
ကရင်ပြည်နယ်၊ ဘားအံမြို့နယ် ၊ သာမည ဒေသထဲမှာ ဒီနေ့မနက်ပိုင်းက သန်းခေါင်စာရင်းကောက်ဖို့ လုံခြုံရေး လိုက်ပေးတဲ့ စစ်ကောင်စီတပ်ဖွဲ့ဝင်ရဲ့ ကား တိုက်ခိုက်ခံရပြီး ၃ ဦီးသေဆုံးသွားတယ်လို့ ဒေသတွင်း သတင်းရင်းမြစ်တွေထံကသိရပါတယ်။
ဒီနေ့ အောက်တိုဘာလ ၁၀ ရက် မနက် ၇ နာရီခန့်က သာမည ဒေသ မှာ သန်းခေါင်စာရင်း ကောက်ဖို့ လုံခြုံရေးလိုက်ပါတဲ့ စစ်ကောင်စီတပ်ဖွဲ့ဝင်တွေရဲ့ ကား စောင့်ကြိုတိုက်ခိုက်ခံရတာပါ။
Public Service Announcement
“သာမညမြောက်ဘက်ပေါ့၊ အဖွဲ့စုံဂိတ်တစ်ခုရှိတယ်၊ အဲ့ဂိတ်နား မရောက်ခင်မှာ လုံခြုံရေးလာယူမယ့် စစ်ကောင်စီတပ်ကားတစ်စီး ပစ်ခတ်တိုက်ခိုက်ခံရတယ်” လို့ဒေသတွင်း သတင်းရင်းမြစ်က ပြောပါတယ်။
အဲဒီတိုက်ခိုက်မှုမှာ စစ်ကောင်စီတပ်ဖွဲ့ဝင် ၃ ဦီးသေဆုံးပြီး ၊ ၃ ဦးဒဏ်ရာရသလို ကားလည်း ဆိုးဆိုးရွားရွားထိခိုက်ပျက်စီးသွားတယ်လို့သိရပါတယ်။
ပစ်ခတ်တိုက်ခိုက်မှု ဖြစ်ပွားတဲ့နေရာ က နယ်ခြားစောင့်တပ်(BGF) ၊ ကရင်ငြိမ်းချမ်းရေးကောင်စီ ၊ ဒီမိုကရေစီအကျိုးပြုကရင့်တပ်မတော်(DKBA) ၊ KNU တပ်ဖွဲ့ဝင်တွေ သွားလာလှုပ်ရှားတဲ့ဒေသဖြစ်ပါတယ်။
စစ်ကောင်စီ ကိုထောက်ခံတဲ့ လူမှုကွန်ရက်စာမျက်နှာအချို့မှာတော့ သာမညကျေးရွာမြောက်ဘက် ဝင်းစိန်ကျေးရွာ၊ ဘုန်းကြီးကျောင်းမုခ်ဦးအနီး တိုက်ခိုက်ခံရတာလို့ ဖြန့်ဝေပါတယ်။
သန်းခေါင်စာရင်ကောက်အဖွဲ့တွေအတွက် လုံခြုံရေးပေးတဲ့ စစ်ကောင်စီတပ်ဖွဲ့ ကို KNU ၊ PDF အဖွဲ့က လက်နက်ကြီးနဲ့ ပစ်ခတ်တိုက်ခိုက်တာလို့ ဖြန့်ဝေပါတယ်။
တိုက်ခိုက်မှုကြောင့် တပ်ဖွဲ့ဝင် ၃ ဦး သေဆုံးပြီး ၊ ၃ဦးဒဏ်ရာရခဲ့သလို ကား ၁ စီးလည်းပျက်စီးသွားတယ်လို့ အဲဒီဖြန့်ဝေချက်မှာပါရှိပါတယ်။
တိုက်ခိုက်မှုဖြစ်ပွားပြီးနောက် သာမည ဒေသထဲကို စစ်ကောင်စီတပ်ဖွဲ့ အင်အားအများအပြားနဲ့ဝင်ရောက်လာတယ်လို့ ဒေသခံသတင်းရင်းမြစ်ကပြောပါတယ်။
