ဆိုင်းမင်း/People’s Spring
အာဏာသိမ်း ကာလ သုံးနှစ်ကျော် အတွင်း လူမှုကွန်ရက်မှာ စစ်တပ်ကို ဆန့်ကျင်ဝေဖန်တာ ၊ တော်လှန်ရေးအင်အားစုတွေကို ထောက်ခံအား ပေးတဲ့အရေးအသားတွေကြောင့် လူ ၁ ,၈၀၀ ကျော် ဖမ်းဆီးခံခဲ့ရတယ်လို့ Data for Myanmar အဖွဲ့က ဒီဇင်ဘာ ၃ ရက်မှာ စာရင်းထုတ်ပြန်ပါတယ်။
မြို့ပေါင်း ၂၂၃ မြို့က အရပ်သားပြည်သူ ၁,၈၄၀ ဦးထိ ဖမ်းခံရတာဖြစ်ပြီး ၂၀၂၂ ခုနှစ်နဲ့ ၂၀၂၃ ခုနှစ်တွေအတွင်းအများဆုံး အဖမ်း ခံရတာလို့သိရပါတယ်။ ဖမ်းခံရသူ တွေထဲမှာ အမျိုးသမီး ၆၅၇ဦး ၊ အမျိုးသား ၁,၁၈၃ဦးပါဝင်ပါတယ်။
ဖမ်းခံရသူဦးရေအများဆုံးဒေသတွေကတော့ ရန်ကုန်နဲ့ မန္တလေး က ဖြစ်တယ်လို့ Data for Myanmar အဖွဲ့ ရဲ့စာရင်းမှာပါရှိပါတယ်။ ရန်ကုန်နဲ့ မန္တလေးမှာတင် ဖမ်းခံရသူဦးရေ က ၈၉၆ ဦးထိရှိခဲ့တာပါ။
Public Service Announcement
စစ်ကောင်စီက ပြည်တွင်းမှာ လူသုံးများတဲ့ ဖေ့ဘွတ်ခ် ၊ တစ်တော့ ၊ တယ်လီဂရမ် လူမှုကွန်ရက်တွေ စောင့်ကြည့်ပြီး စစ်တပ်ကို ဆန့်ကျင်ရေးသားသူတွေ ၊ တော်လှန်ရေးတပ်ဖွဲ့တွေ ကို အားပေးထောက်ခံသူတွေ ဖမ်းခံခဲ့ရတာရှိပါတယ်။
ဒါအပြင် စစ်ဆေးဂိတ်တွေမှာ လက်ကိုင်ဖုန်းတွေကို စစ်ဆေးရာမှာ လူမှုကွန်ရက်က ရေးသား ၊ မျှဝေတာတွေကို အကြာင်းပြပြီး ဖမ်းဆီးတာတွေ လည်းရှိပါသေးတယ်။
ဖမ်းခံရသူတွေထဲမှာ အရပ်သားပြည်သူတွေအပြင် သရုပ်ဆောင်တွေ ၊ အဆိုတော်တွေနဲ့ သတင်းမီဒီယာ သမားတွေ လည်းပါဝင်ခဲ့ပါတယ်။
ဓာတ်ပုံ – စစ်ကောင်စီ
