Connect with us

Hi, what are you looking for?

သတင်း

AA က နခခ (၅)ကိုသိမ်းပိုက်ပြီး​မောင်​တောတစ်မြို့နယ်လုံးကိုသိမ်းပိုက်ထိန်းချုပ်

​AA က​မောင်​တောမြို့ကို အလုံးစုံသိမ်းပိုက်နိုင်ပြီဖြစ်၍ မြန်မာ-ဘဂ်လား​​ဒေရှ်နယ်စပ် ​ဒေသတစ်ခုလုံးကိုထိန်းချုပ်နိုင်ခဲ့ခြင်းဖြစ်သည်။

AA က နခခ (၅)ကိုသိမ်းပိုက်ပြီး​မောင်​တောတစ်မြို့နယ်လုံးကိုသိမ်းပိုက်ထိန်းချုပ်
AA က နခခ (၅)ကိုသိမ်းပိုက်ပြီး​မောင်​တောတစ်မြို့နယ်လုံးကိုသိမ်းပိုက်ထိန်းချုပ်

▪︎မြန်မာ-ဘဂ်လား​ဒေရှ်နယ်စပ် ​ဒေသတစ်ခုလုံးကိုAA ထိန်းချုပ်နိုင်ခဲ့ခြင်းဖြစ်

အိမ်သွင်/People’s Spring

မောင်တောမြို့မှ တစ်ခုတည်းသော နောက်ဆုံးလက်ကျန်စခန်း နယ်ခြားစောင့်ရဲ ဌာနချုပ်- နခခ (၅)ကို အာရက္ခတပ်တော်(AA)က သိမ်းယူလိုက်ပြီး တမြို့လုံးကို ရာနှုန်းပြည့် ထိန်းချုပ်နိူင်ပြီဟု ရခိုင်စစ်ရေးသတင်းရင်းမြစ်ကပြောသည်။

” တပ်တော်က နခခ(၅)ထဲကို မနေ့က(ဒီဇင်ဘာလ ၆ရက်) ဝင်စီးနိုင်ပြီး ထိန်းချုပ်နိုင်ခဲ့ပါပြီ။ စစ်ကောင်စီက လေကြောင်းကနေ ဆက်တိုက်ပစ်နေဆဲပါ။ ဒါပေမယ့် တပ်တော်က ရပြီးပါပြီ” ဟု အထက်ပါစစ်ရေးသတင်းရင်းမြစ်ကပြောသည်။

မောင်တောမြို့သိမ်းတိုက်ပွဲကို AAက သြဂုတ်၄ ရက်မှစတင်ခဲ့ခြင်းဖြစ်သည်။ အောက်တိုဘာလအထိ တိုက်ပွဲများတွင် နခခ(၅)မှလွဲ၍ကျန် စခန်းများကိုသိမ်းယူထားနိုင်ခဲ့သည်။ စစ်‌ကောင်စီက နခခ (၅) ကို လေကြောင်းမှတစ်ဆင့် လက်နက်၊ လူ၊ ရိက္ခာများ ပို့ပြီး မြို့ပေါ်ရပ်ကွက်များကို လေကြောင်းမှတိုက်ခိုက်ကာ ခုခံနေခဲ့သည်။ AAကလည်း နခခ(၅) ကို သိမ်းယူရေး အပြင်းအထန်ထိုးစစ်ဆင်နေကြောင်း ရခိုင်စစ်ရေးသတင်းများနှင့်အတူ ထုတ်ပြန်သည်ပေးခဲ့သည်။

Public Service Announcement

Public Service Announcement

အာရက္ခတပ်တပ်၏ ဒီဇင်ဘာ ၆ ရက် ညပိုင်းထုတ်ပြန်ချက်တွင် နခခ(၅)စခန်းအတွင်းမှ ခုခံနေသော ရန်သူများအဖို့ ဝေဟင်မှ ခဲယမ်း၊ ရိက္ခာများ ဖြည့်တင်းပေး ရုံမှလွဲ၍ ကုန်းလမ်း၊ ရေလမ်းမှ မည်သည့်စစ်ကူမျှ လာရောက်ဖြည့်တင်းပေးနိုင်သော အခြေအနေမျိုး မဟုတ်သောကြောင့် နခခ (၅) စခန်းကို မကြာမီသိမ်းပိုက် ရရှိနိုင်တော့မည့် မောင်တောမြို့၏ နောက်ဆုံး လက်ကျန်စခန်းဟု ထုတ်ပြန်ခဲ့သည်။ ယခု‌နောက်ဆုံးအခြေနေကို ထုတ်ပြန်လာခြင်းမရှိသေးပေ။

AAသည် နိုဝင်ဘာလနှင့် ဒီဇင်ဘာလအတွင်းတိုက်ပွဲများ၌ တောင်ကုတ်၊အမ်း၊ မောင်‌‌‌တောမြို့နယ်တို့ကို သိမ်းပိုက်ထိန်းချုပ်ခဲ့ပြီး ဂွမြို့နယ်ကိုလည်း ထိုးစစ်ဆင်တိုက်ခိုက်နေသည်။

​AA က​မောင်​တောမြို့ကို အလုံးစုံသိမ်းပိုက်နိုင်ပြီဖြစ်၍ မြန်မာ-ဘဂ်လား​​ဒေရှ်နယ်စပ် ​ဒေသတစ်ခုလုံးကိုထိန်းချုပ်နိုင်ခဲ့ခြင်းဖြစ်သည်။

AA က ရခိုင်ပြည်နယ်တွင် မြို့နယ် ၁၁မြို့နယ်ကိုအလုံးစုံသိမ်းပိုက်ထိန်းချုပ်ထားပြီး ၊ အမ်း နှင့် ​တောင်ကုတ်မြို့နယ်တို့တွင် လည်း မြို့များကိုထိန်းချုပ်ထားနိုင်ကာ စစ်တပ်လက်ကျန် စခန်းများကို အပြီးသတ်သိမ်းပိုက်ရန်ထိုးစစ်ဆင်​နေသည်။

ဆက်စပ်သတင်းများ

သတင်း

ပဲခူးတိုင်း၊ သာယာဝတီခရိုင်၊ အုတ်ဖိုမြို့နယ်အပိုင် ပဲခူးရိုးမအတွင်းရှိထန်းပင်ကုန်းကျေးရွာ စစ်ဆေးရေးဂိတ်မှ စစ်‌ကောင်စီတပ်သား အောင်တင်မြင့် ကဖေဖော်ဝါရီ၁၇ရက် မနက်တွင်အလင်းဝင်လာကြောင်းသာယာဝတီခရိုင် တပ်ရင်း ၃၈ဝ၂ တပ်ခွဲ ၅က သတင်းထုတ်ပြန်သည်။

သတင်း

စစ်လက်နက်ပစ္စည်းထုတ်လုပ်​ရေးစက်ရုံများရှိသည့် ပဲခူးတိုင်း၊ ပန်းတောင်းမြို့နယ်မှ စစ်ကောင်စီစခန်းများကို အာရက္ခတပ်တော် AA နှင့် ပူးပေါင်းတပ်များက ဆက်လက်တိုက်ခိုက်ပြီး အင်အား၂၀၀ကျော်ဖြင့် ခုခံနေသော ပုဂံကွဲစခန်းကို ထပ်မံသိမ်းယူတာကြောင်း စစ်​ရေးသတင်းရင်းမြစ်အချို့က​ပြောသည်။

သတင်း

ဧရာဝတီတိုင်း၊ ရေကြည်မြို့နယ်ရှိ စစ်​ကောင်စီ၏ အမှတ် ၃၄၄ အမြောက်တပ်(အမတ၃၄၄) ကို တော်လှန်ရေးပူးပေါင်းတပ်များက တိုက်ခိုက်​​​နေပြီး ရွှေ‌သောင်ယံနှင့် သာပေါင်းမြို့နယ်တို့တွင်လည်း စစ်ရေးတင်းမာနေကြောင်း ​ဒေသခံအချို့နှင့် စစ်​ရေးရင်းမြစ်အချို့က​ပြောသည်။

သတင်း

ရခိုင်ပြည်နယ် မြို့နယ် ၊စစ်တွေမြို့နယ်အတွင်း စစ်ကောင်စီတပ် နဲ့ အာရက္ခတပ်တော်(AA)က တိုက်ပွဲဆက်ပွားနေပြီးဖေဖော်ဝါရီလ (၁၁)ရက်​နေ့ ညမှာ စစ်တွေမြို့အဝင်အမြင့်ကျွန်းက စစ်ကောင်စီစခန်းအနီး တိုက်ပွဲ​တွေပြင်းထန်ခဲ့ပါတယ်။