ထားမြတ်/People’s Spring
တိုင်းရင်းသားပြည်သူတစ်ရပ်လုံးအတွက် မင်းတပ်နှင့် ကန်ပက်လက်နှစ်မြို့ကို နှစ်သစ်လက်ဆောင်အဖြစ်ရယူပေးခဲ့သော ချင်းညီနောင်နှင့် မဟာမိတ်တပ်ဖွဲ့များအား ချီးကျူးဂုဏ်ပြု ကြောင်း
အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနက သတင်းထုတ်ပြန်သည်။
မင်းတပ်ကို ဒီဇင်ဘာ ၂၁ရက်တွင် လည်းကောင်း၊ ကန်ပက်လက်မြို့ကို ဒီဇင်ဘာ၂၂ရက်တွင်လည်းကောင်း ချင်းညီနောင်နှင့်မဟာမိတ်များက သိမ်းပိုက်နိုင်ခဲ့ရာ NUG ကာကွယ်ရေးက ယနေ့ (ဒီဇင်ဘာ ၂၅ရက်)တွင် ဂုဏ်ပြုသဝဏ်လွှာ ပေးပို့ခဲ့ခြင်း ဖြစ်သည်။
Public Service Announcement
စစ်အာဏာရှင်စနစ်အဆုံးသတ်ရေးနှင့် ဖက်ဒရယ်ဒီမိုကရေစီပြည်ထောင်စု တည်ဆောက်ရေး တိုက်ပွဲများအတွင်း အသက် နှင့် ခန္ဓာပေးဆပ်ခဲ့သည့် ချင်းသူရဲကောင်းများ အတွက်လည်း လေးစားဂုဏ်ယူ ကြောင်းဖော်ပြထားသည်။
မင်းတပ်နှင့် ကန်ပက်လက်မြို့များ လွတ်မြောက်မှုမှသည် ချင်းပြည်တခုလုံး လွတ်မြောက်ရေး၊ ထိုမှ ပြည်ထောင်စုတခုလုံး လွတ်မြောက်ရေးအတွက် အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနအနေဖြင့် ချင်းတော်လှန်ရေးအဖွဲ့များအပါအဝင် တော်လှန်ရေးအဖွဲ့အစည်းအားလုံးနှင့် လက်တွဲကြိုးပမ်းသွားမည်ဖြစ်ကြောင်းသဝဏ်လွှာ ပေးပို့ အသိပေးခဲ့သည်။
ချင်းညီနောင်ကလည်း ၎င်းတို့ဒေသသာမက အခြားဒေသများလည်း လွတ်မြောက်ရေးအတွက် တတ်နိုင်သည့်ကဏ္ဍမှ ပူးပေါင်းဆောင်ရွက်သားမည်ဟု ဒီဇင်ဘာ ၂၃ရက်တွင် အသိပေးထားသည်။
