စစ်ကောင်စီ လေကြောင်း တိုက်ခိုက်မှုကြောင့် ဇန်နဝါရီလ၌ တအာင်းဒေသခံ ၁၃ဦးသေဆုံး

ဟန်နွေ/People’s Spring

ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သော မြို့နယ်များကို စစ်ကောင်စီတပ်မှ တိုက်ပွဲဖြစ်ပွားခြင်းမရှိဘဲ လေကြောင်းကိုအသုံးပြုကာ ဗုံးကြဲတိုက်ခိုက်မှုကြောင့် ဇန်နဝါရီလအတွင်း ပြည်သူ၁၃ ဦးသေဆုံးခဲ့ပြီး ၂၆ဦးဒဏ်ရာရရှိခဲ့ဟု TNLAက သတင်းထုတ်ပြန်သည်။

ဇန်နဝါရီလ ၈ ရက်တွင် မိုးကုတ်မြို့အရှေ့ပိုင်း၊ ဇန်နဝါရီ ၂၁ရက်နှင့် ၂၂ရက်တွင် နောင်ချိုမြို့နယ်၊ ဇန်နဝါရီ ၂၅ရက်တွင် ကျောက်မဲမြို့နယ်တို့ကို တိုက်ပွဲဖြစ်ပွားမှုမရှိဘဲ လေကြောင်း တိုက်ခိုက်ခဲ့ခြင်းဖြစ်သည်။

မိုးကုတ်မြိုအရှေ့ပိုင်းအားစစ်ကောင်စီလေကြောင်းတိုက်ခိုက်ရာ ဗုံးအလုံး ၂၀ ခန့် ကြဲချတိုက်ခိုက်ခဲ့ရာ ပြည်သူ လူထုနေအိမ်များ၊ ဘုန်းကြီးကျောင်းနှင့် မော်တော်ယာဉ် ၁စီး ပျက်စီးခဲ့သည်ဟုသိရသည်။

Public Service Announcement

ထိုအပြင် နောင်ချိုမြို့နယ် လေကြောင်း တိုက်ခိုက်ခံရမှုတွင် အမျိုးသား ၅ဦး၊ အမျိုးသမီး ၄ဦး သေဆုံးကာ အမျိုးသမီး (၃)ဦး ဒဏ်ရာရခဲ့သည်ဟုအသိပေးသည်။ ထို့ပြင် နေအိမ်၉လုံးနှင့် ဘုန်းကြီးကျောင်းပျက်စီးမှုများလည်း ရှိခဲ့ကြောင်းအသိ​ပေးထားသည်။

ကျောက်မဲမြို့နယ်လည်း စစ်‌‌ကောင်စီတပ်မှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့ရာအမျိုးသား (၂)ဦး၊ အမျိုးသမီး (၂)ဦးသေဆုံးပြီး အမျိုးသား (၅)ဦး၊ အမျိုးသမီး (၁၈)ဦး ထိခိုက်ဒဏ်ရာရရှိကာ နေအိမ် (၁၂)လုံး ထိမှန်ပျက်စီးသွားခဲ့ကြောင်း ဖော်ပြသည်။

စစ်ကောင်စီတပ်သည်တအာင်းပြည်အတွင်း တိုက်ပွဲဖြစ်ပွားခြင်းမရှိဘဲ ပြည်သူလူထုများကို ဦးတည်ကာ ရည်ရွယ်ချက်ရှိရှိ လေကြောင်းကို အသုံးပြုပြီး လာရောက်ဗုံးကြဲတိုက်ခိုက်လျက်ရှိ၍ ပြည်သူများအနေဖြင့် လေကြာင်းရန် သတိပြုနေထိုင်ကြရန် TNLAက ထုတ်ပြန်ထားသည်။