'/%3E%3C/svg%3E){kind=small}
ကဖေး/People’s Spring
ကချင်ပြည်နယ်၊ ဆော့လော်မြို့နယ်၊ လန်ဆယ်ဒေသရှိ ရွှေတူးဖော်ရေးလုပ်ကွက်တစ်ခုတွင် အမျိုးသားတစ်ဦး မြေစာပုံပေါ်မှပြုတ်ကျ သေဆုံးသည့်ဖြစ်စဉ်ဖြစ်ခဲ့သည်။
ကိုဒီးငူလ်ဒီးဆိုင်းဆိုသူသည် ဖေဖော်ဝါရီ ၈ရက် နံနက်ပိုင်းက မြေစာပုံပေါ်မှ ပြုတ်ကျသေဆုံးခြင်းဟု ဒေသခံတစ်ဦးက ပြောသည်။
” အိမ်ပြန်ဖို့ လမ်းစရိတ်ရှာရင်းနဲ့ခုလိုဖြစ်သွားတယ်။ သူ့မိသားစု၀င်တွေကိုလည်း အသိပေးစေလိုတယ်။ လန်ဆယ်က သက်ဆိုင်ရာတာ၀န်ရှိသူတွေကလည်း အကူညီပေးဖို့တောင်းဆိုချင်တယ်လို့အကူအညီလာတောင်းပါတယ်”ဟု ပူတာအိုမြို့ခံတစ်ဦးက လူမှုကွန်ရက်တွင် ရေးသားထားသည်။
Public Service Announcement
ကိုဒီးငူလ်ဒီးဆိုင်းသည် ပူတာအိုမြို့ ပန်းဥယျာဉ် လူမှုကူညီရေးအသင်းစတင်ဖွဲ့စည်းခဲ့သည့် ဦးဆောင်ကော်မတီဝင်ဖြစ်ပြီး ပူတာအိုမြို့ ကောင်ကထောင်ရပ်ကွက် COCအသင်းတော်၏ လူငယ်ခေါင်းဆောင်လည်း ဖြစ်သည်။
လန််ဆယ်ဒေသသည် ကချင်လွတ်လပ်ရေးတပ်မတော်(KIA)ထိန်းချုပ်ထားသည့် ဒေသဖြစ်ပြီး ဖေဖော်ဝါရီ ၇ရက်တွင် စစ်ကောင်စီက လေကြောင်းမှ ဗုံးကြဲတိုက်ခိုက်ခဲ့၍ ကလေးငယ်အပါအဝင် သုံးဦးသေဆုံးခဲ့သည်။
