'/%3E%3C/svg%3E){kind=small}
မန္တလေးမြို့ ၊အောင်မြေသာစံမြို့နယ်ထဲက မန္တလေးတိုင်းအစိုးရအဖွဲ့ ရုံးအနီးမှာ မနေ့ ဖေ ဖော်ဝါရီလ ၂၀ ရက် ညနေ ၃ နာရီခွဲခန့်က လုယက်မှုဖြစ်ပွားခဲ့တယ်လို့ မြို့ခံတွေ ထံကသိရပါတယ်။
လုယက်မှုဖြစ်ပွားတဲ့နေရာက ၆၃ လမ်း ၊ ၂၂ လမ်းနဲ့ ၂၃ လမ်းကြား ၊ မဟာဇေယျာဘုံရပ်ကွက် ရှိ နိုင်ငံခြားဘာသာတက္ကသိုလ် (UFL) ကျောင်းနောက်ကျောလမ်းမှာ ဖြစ်ပွားခဲ့တာပါ။
ကျောင်းကနေ ပြန်လာတဲ့ မိန်းကလေး တစ်ယောက် ကို အုပ်စုဖွဲ့ လုယက်တာဖြစ်ပြီး ပိုက်ဆံအိတ်နဲ့ ဖုန်း လုယက်ခံလိုက်ရတယ်လို့သိရပါတယ်။
Public Service Announcement
လုယက်ခံရတဲ့နေရာဟာ လူပြတ်လပ်မှုမရှိဘဲ အနီးတဝိုက်မှာလူနေအိမ်ခြေတွေလည်းရှိတယ်လို့ မြို့ခံတွေ က ပြောပါတယ်။
အခုလို လုယက်မှု ဖြစ်ပွားတဲ့နေရာတဝိုက်မှာ ဆိုင်ကယ်လုယက်မှု ၊ ပိုက်ဆံအိတ် လုယက်မှုတွေ မကြာခဏ ဖြစ်ပွားနေတယ်လို့ သိရပါတယ်။
