သတိုး / /People’s Spring
ရန်ကုန်မြို့ မှော်ဘီမြို့နယ် ရဲတပ်ဖွဲ့မှုးရုံးကို အဝေးထိန်းမိုင်းဖြင့် တိုက်ခိုက်ခဲ့ရာ စစ်ကောင်စီလက်အောက်ခံ ရဲတပ်ဖွဲ့ဝင်များ ထိခိုက်မှုရှိနိုင်ကြောင်း Operation Flame(OF) အဖွဲ့၏ သတင်းနှင့်ပြန်ကြားရေးတာဝန်ခံကပြောသည်။
“အဝင်အထွက်ဂိတ်ပေါက်အနီးဆုံးနားချထားနိုင်ပြီးကားရော ဆိုင်ကယ်ရော အဝင်ထွက်လုပ်နေတဲ့အချိန်မှာ ချိန်ကိုက်ဖောက်ခွဲခဲ့တာပါ” ဟု ၎င်းကပြောသည်။
ဖေဖော်ဝါရီ ၂၃ ရက် ည ၇ နာရီခန့်တွင် အဆိုပါစစ်ဆင်ရေးကို လုပ်ဆောင်ခဲ့ခြင်းဖြစ်ပြီး အဝေးထိန်းမိုင်း နှစ်လုံးဖြင့်တိုက်ခိုက်ခဲ့ခြင်းဖြစ်သည်ဟု ဆိုသည်။
Public Service Announcement
မိုင်းနှစ်လုံးအနက် တစ်လုံးသည် ယမ်းအားပျော့သွားသော်လည်း ဂိတ်ပေါက်၌ အဝင်အထွက်ပြုလုပ်ချိန်ဖောက်ခွဲနိုင်သောကြောင့် ရဲတပ်ဖွဲ့ဝင်များ ထိခိုက်မှုရှိနိုင်သည်ဟု အထက်ပါတာဝန်ရှိသူကပြောသည်။
အဆိုပါစစ်ဆင်ရေးလုပ်ဆောင်သည့် OF အဖွဲ့သားအားလုံး ဘေးကင်းကြောင်း နှင့် ဆက်လက်၍ ရန်ကုန်တော်လှန်ရေးမဟာမိတ်များအားလုံးနှင့်အတူလက်တွဲ ကာ စစ်ကောင်စီကို အရှိန်မြင့်တိုက်ခိုက်သွားမည်ဟု ယင်းအဖွဲ့ကထုတ်ပြန်ထားသည်။
