စစ်ကိုင်းတိုင်းမှာ သပိတ်အဖွဲ့တွေ၊ ဒေသခံပြည်သူတွေက ILO ရဲ့ ပုဒ်မ (၃၃)အရ စစ်ကောင်စီကို အရေးယူဖို့ တောင်းဆိုတဲ့ ဆန္ဒပြလှုပ်ရှားမှုတွေ ဒီကနေ့ (မတ်လ ၆)မှာ အသီးသီး ပြုလုပ်ခဲ့ကြပါတယ်။
စစ်ကိုင်းတိုင်း ယင်းမာပင်မြောက်ခြမ်းမှာ နောက်ပြန်မလှည့်ကြေးဒီတော်လှန်ရေးသပိတ်စစ်ကြောင်းက “ILO implement Article 33 On Myanmar Now 2025” ခေါင်းစဥ်နဲ့ စစ်အာဏာရှင်ဆန့်ကျင်ရေး လူထုသပိတ်ပြုလုပ်ခဲ့ပါတယ်။
ဓာတ်ပုံ – စစ်ကိုင်းဒေသသပိတ်အင်အားစု၊ ရွှေဘိုသပိတ်၊ လက်ပံတောင်းသပိတ်၊ ချောင်းဦးသပိတ် ဓာတ်ပုံ – စစ်ကိုင်းဒေသသပိတ်အင်အားစု၊ ရွှေဘိုသပိတ်၊ လက်ပံတောင်းသပိတ်၊ ချောင်းဦးသပိတ် ဓာတ်ပုံ – စစ်ကိုင်းဒေသသပိတ်အင်အားစု၊ ရွှေဘိုသပိတ်၊ လက်ပံတောင်းသပိတ်၊ ချောင်းဦးသပိတ် ဓာတ်ပုံ – စစ်ကိုင်းဒေသသပိတ်အင်အားစု၊ ရွှေဘိုသပိတ်၊ လက်ပံတောင်းသပိတ်၊ ချောင်းဦးသပိတ်
ဆားလင်းကြီးမြို့နယ်မှာလည်း လက်ပံတောင်းဒေသ အာဏာရှင်ဆန့်ကျင်ရေး သပိတ်အင်အားစုက အပြည်ပြည်ဆိုင်ရာ အလုပ်သမား အဖွဲ့အစည်းရဲ့ ပုဒ်မ (၃၃)အရ စစ်ကောင်စီကို ချက်ချင်းအရေးယူနိုင်ရေးအတွက် “ILO implement Article 33 On Myanmar Now 2025” ခေါင်းစဥ်နဲ့ လူထုလှုပ်ရှားမှု တစ်ရပ် ဆောင်ရွက်ခဲ့ကြပါတယ်။
Public Service Announcement
ရွှေဘိုမြို့နယ်မှာလည်း သပိတ်အင်အားစုက ဦးဆောင်ပြီး အပြည်ပြည်ဆိုင်ရာ အလုပ်သမား အဖွဲ့အစည်းရဲ့ ပုဒ်မ (၃၃) အရ စစ်ကောင်စီကို ချက်ချင်းအရေးယူနိုင်ရေးအတွက် ” ILO implement Article 33 On Myanmar Now 2025 ” စာသားပါ လက်ကမ်းစာစောင်တွေကို ရွာစဉ်အလိုက် ဖြန့်ဝေတဲ့ လူထုလှုပ်ရှားမှု ပြုလုပ်ခဲ့ပါတယ်။
မုံရွာခရိုင် ချောင်းဦးမြို့နယ်မှာလည်း စစ်ကောင်စီကို ILO က ပုဒ်မ ၃၃ နဲ့ အရေးယူရေး ဆန္ဒပြတောင်းဆိုခဲ့ပါတယ်။
ယင်းသပိတ်ကို ချောင်းဦးမြို့နယ်သပိတ်အင်အားစုက ဦးဆောင်၍ “ILO ပုဒ်မ ၃၃အရ အရေး ယူဆောင်ရွက်ပေး”၊ ILO implement Article 33 on Myanmar Now 2025 ဆောင်ပုဒ်များကိုင်ဆောင်ကာ တောင်သူလယ်သမား၊ အလုပ်သမားပြည်သူတွေက စုပေါင်းတောင်းဆိုခဲ့ကြပါတယ်။
ဒါ့အပြင် အပြည်ပြည်ဆိုင်ရာ အလုပ်သမားရေးရာအဖွဲ့ ILO နဲ့ ဥရောပသမဂ္ဂ EU လိုဂိုတွေ ကိုင်ဆောင်ကာ စစ်ကောင်စီရဲ့ ပြည်သူတွေအပေါ် သတ်ဖြတ်နေမှုကို ထိထိရောက်ရောက်အရေးယူပေးဖို့ ကြွေးကြော်ဆန္ဒပြခဲ့ပါတယ်။
