မတ် – ၂၃ ၊ ၂၀၂၅ ၊ ဆိုင်းမင်း/People’s Spring
မန္တလေးမြို့မှာ စစ်မှုထမ်းဖို့သတ်မှတ်အသက်အရွယ််အကြုံးဝင်တဲ့ လူငယ်အမျိုးသားတွေ လာမယ့်စစ်မှုထမ်းအပတ်စဉ် (၁၂)အတွက် ရပ်ကွက်ရုံးမှာ မဲနှိုက်ဖို့ အသံချဲ့စက်နဲ့ လိုက်လံသတိပေးတာတွေ ရှိနေတယ်လို့ မြို့ခံတွေဆီကသိရပါတယ်။
ချမ်းအေးသာစံနဲ့ ချမ်းမြသာစည်မြို့နယ်တွေမှာ ရာအိမ်မှုးတွေ၊ စစ်ကောင်စီလက်ဝေခံ ပြည်သူ့စစ်တွေက မတ်လ ၂၀ ရက်ကစတင်ပြီး အသံချဲ့စက်နဲ့ လိုက်လံသတိပေးလာတာပါ။
” မနက်အစောကြီး လှည့်အော်သွားတာ ၊ မဲနှိုက်ဖို့ ရုံးကိုလာရမယ်ပေါ့” လို့ ချမ်းအေးသာစံမြို့နယ် ၊ ကံကောက်ရပ်ကွက်တွင်းနေထိုင်သူတစ်ဦးကပြောပါတယ်။
Public Service Announcement
အိမ်ထောင်စုစာရင်းကို စစ်ကောင်စီလက်အောက်ခံ ရပ်ကွက်အုပ်ချုပ်ရေး ရုံးက ကောက်ယူထားပြီး အသက် ၁၈ နှစ်ကနေ ၃၅နှစ်ကြား လူငယ်တွေကို စစ်မှုထမ်းဖို့ ရပ်ကွက်ရုံးမှာ ဒီနေ့ (မတ်လ ၂၃) ကစတင်ပြီး မဲနှိုက်စေတာလို့လည်းသိရပါတယ်။
” အိမ်မှာက သား သုံး ယောက်လုံး အကြုံးဝင်တယ်ဆိုပြီး သုံးယောက်လုံးနှိုက်ရမယ်တဲ့” လို့ ချမ်းအေးသာစံမြို့နယ် နဂါးကွက်သစ်မှာ နေထိုင်တဲ့ မိခင်တစ်ဦးကပြောပါတယ်။
