ကရင်ပြည်နယ်မှာ စစ်ရေးပြင်းထန်နေပေမယ့် ပြည်နယ်မြို့တော် ဘားအံမှာ လာမယ့် သင်္ကြန်ပွဲတော်ကာလအတွင်းစည်ကားအောင် အာဏာသိမ်းစစ်ကောင်စီ က စီစဉ်နေပါတယ်။
ဘားအံမြို့ပေါ် ကမ်းနားလမ်းတလျှောက် မှာ လမ်းလျှောက် သင်္ကြန် ၊ ညစျေးတန်းအနီး သံလွင်မြစ် မှာ သဲသောင်ပြင် သင်္ကြန် တို့ကို ကျင်းပမှာ ဖြစ်ပြီး စတုဒီသာမဏ္ဍပ်တွေလည်းထည့်သွင်းကျင်းပမှာဖြစ်တယ်လို့ စစ်ကောင်စီရဲ့ ကရင်ပြည်နယ်အစိုးရ အဖွဲ့ က ကြေညာပါတယ်။
လက်ရှိမှာတော့ ကမ်းနားလမ်း ညစျေးအနီး သံလွင်မြစ်ကမ်း သဲသောင်ပြင်နေရာကို စက်ယန္တယား ယာဉ်တွေနဲ့ မြေညှိနေပြီလို့ မြို့ခံအချို့ကပြောပါ တယ်။
Public Service Announcement
သဲသောင်ပြင်သင်္ကြန်ကိုတော့ ဘားအံမြို့မှာ ပထမဆုံးအကြိမ်အဖြစ် ကျင်းပမှာဖြစ်ပါတယ်။
ပြီးခဲ့တဲ့ နှစ်ကတော့ လမ်းလျှောက် သင်္ကြန် ထည့်သွင်းကျင်းပစေခဲ့ပေမယ့် စည်ကားမှုမရှိဘူးလို့ မြို့ခံတွေဆီကသိရပါတယ်။
ကရင်ပြည်နယ်မှာ ကော့ကရိတ်မြို့ ၊ဖာပွန်မြို့ ၊ ကမမောင်းမြို့နဲ့ လှိုင်းဘွဲ့မြို့နယ်တွေအတွင်း တိုက်ပွဲတွေ ဖြစ်နေပြီး ထိုင်း – မြန်မာ နယ်စပ်အနီးက စစ်ကောင်စီတပ်စခန်းတွေကို KNU နဲ့ ပူးပေါင်းတပ်က တိုက်ခိုက်နေပါတယ်။
တိုက်ပွဲတွေကြောင့် အဲဒီဒေသတွေက ဒေသခံတွေဟာ ဘားအံမြို့ဆီ လာရောက်စစ်ရှောင်ကြတာတွေလည်းရှိနေပါတယ်။
