'/%3E%3C/svg%3E){kind=small}
မတ် ၂၆၊ ၂၀၂၅။ ရှိန်း/People’s Spring
စစ်ကိုင်းတိုင်း၊ မုံရွာမြို့နယ်က တောပုပျူစောထီး ကျေးရွာကို PDF ပူး ပေါင်းတပ်တွေက အဝေးပစ် လက်နက်ကြီးတွေနဲ့ သွားရောက်ပစ်ခတ်တိုက်ခိုက်ခဲ့ရာ နေအိမ်တွေ ထိခိုက်ပျက်ဆီးခဲ့တယ်လို့ ယင်းမာပင်ခရိုင်တပ်ရင်း(၃၅)၊တပ်ခွဲ(၃)တောင်ပံနီအထူး ပြောက်ကြားတပ်ဖွဲ့က ပြောပါတယ်။
မတ်လ ၂၅ရက် မနေ့ ညနေ ၄နာရီမှာ တောပုပျူစောထီးကျေးရွာကို ၆၀မမ၊ ၈၀မမ၊ ၁၂၀မမ၊ ၁၀၇ရှော့တိုက်ဒုံး၊ လက်နက်ငယ်များနဲ့သွားရောက်ပစ်ခတ်ခဲ့တာလို့ တောင်ပံနီ ပြောက်ကြားတပ်ခွဲမှူး ကိုဆံရှည်က ပြောပါတယ်။
“အတည်ပြုလို့ရတဲ့သတင်းကတော့ ကျွန်တော်တို့ပစ်တဲ့လက်နက်ကြီးတွေရွာထဲအထိ ကျတယ်။ အိမ်တွေအထဲထိကျပြီး ထိခိုက်ပျက်စီးမှုရှိတယ်လို့တော့ သတင်းကအတည်ပြုလို့ရတယ်”လို့ ကိုဆံရှည်က ပြောပါတယ်။
Public Service Announcement
လူသေဆုံးထိခိုက်မှုရှိ၊ မရှိကတော့ စုံစမ်းနေဆဲဖြစ်တယ်လို့ဆိုပါတယ်။
တောပုရွာဟာ ၂၀၂၂ခုနှစ်ကတည်းက အင်အားကြီးပျူစောထီးကျေးရွာဖြစ်ပါတယ်။
ဒီတိုက်ခိုက်မှုကို ယင်းမာပင်ခရိုင်တပ်ရင်း(၃၅)၊တပ်ခွဲ(၃)တောင်ပံနီအထူးပြောက်ကြားတပ်ဖွဲ့ ချင်းတွင်းဒိုင်းနမိုက်၊ တကိုယ်တော် အောင်ကြီး၊၅/ဖိုက်တာGroupတို့ ပူးပေါင်းလုပ်ဆောင်ခဲ့တာလို့ သိရပါတယ်။
