ဧပြီ-၆၊၂၀၂၅။ သုည/People’s Spring
အမေရိကန်ပြည်ထောင်စု၊ ကယ်လီဖိုးနီးယားပြည်နယ် ဆန်ဖရန်စစ္စကိုမြို့ မြို့တော်ခန်းမရှေ့တွင် Free Burma Action Committee-Northern Californiaမှ ဦးဆောင်၍ ငလျင်ဘေးဒဏ် ခံစားနေရသော မြန်မာပြည်သူများအတွက် မီးထွန်းဆုတောင်းပွဲကို ယနေ့ (ဧပြီ ၆) ပြုလုပ်ခဲ့သည်။
အဆိုပါဆုတောင်းပွဲကို နွေဦးတော်လှန်ရေးအင်အားစုများ၊ ထောက်ပို့ပြည်သူများနှင့် ကျောင်းသားလူငယ်များ စုပေါင်းပါဝင်ခဲ့ပြီး One Myanmar Community မှ မြန်မာမိသားစုများလည်း ပါဝင်ခဲ့သည်။
ပြည်ပရောက်မြန်မာများက ငလျင်ဒဏ်ကြောင့် အသက်အိုးအိမ်ဆုံးရှုံးခဲ့ကြရသော ရဟန်းရှင်လူ၊ ကျောင်းသားပြည်သူများအတွက် ကောင်းရာမွန်ရာဘဝများ ရောက်ကြပါစေကြောင်း ဆုတောင်းမေတ္တာပို့သခဲ့ကြပြီး ငလျင်ဒဏ်သင့်ပြည်သူများအတွက် အလှူငွေကောက်ခံခြင်းကိုလည်း လုပ်ဆောင်ခဲ့သည်။
Public Service Announcement
ထို့အပြင် “Free Burma” ၊ “ဖက်ဆစ်စစ်တပ် အမြစ်ဖြတ်” စသည့် စာသားများကို ကိုင် ဆောင် ပြီး စစ်အာဏာရှင်ကိုလည်း ဆန့်ကျင်ကြောင်း ဆန္ဒထုတ်ဖော်ခဲ့သည်။
