ဧပြီ ၁၀၊၂၀၂၅။မေ/People’s Spring
မကွေးတိုင်း၊ မြိုင်မြို့နယ် စက်မှု(၂)ထဲကနေ ထန်းရည်ရှာထွက်လာတဲ့ စစ်ကောင်စီတပ်သားတွေ တိုက်ခိုက်ခံရပြီး စစ်သားတစ်ဦးသေဆုံးကာ သေနတ်တစ်လက်နဲ့ ခဲယမ်းအချို့ရရှိခဲ့တယ်လို့ တော်လှန်ရေးတပ်တွေဆီက သိရပါတယ်။
ဧပြီ ၉ရက် နံနက်၇နာရီလောက်က စက်မှု(၂)ကနေ အရှေ့ဘက်တောနယ်ထဲကို ထန်းရည်လာရှာတဲ့ စစ်ကောင်စီတပ်ရဲ့တပ်စိတ်တခုကို တော်လှန်ရေး ပူးပေါင်းတပ်တွေက တိုက်ခိုက်ခဲ့တာလို့ သိရပါတယ်။
“စောင့်နေပြီး ဖြတ်တိုက်လိုက်တာ”လို့ တော်လှန်ရေးရဲဘော်တစ်ဦးက ပြောပါတယ်။
Public Service Announcement
တိုက်ခိုက်မှုမှာ စစ်သားတစ်ဦးသေဆုံးပြီး MA3 သေနတ်တစ်လက်၊လက်ပစ်ဗုံး တစ်လုံးနဲ့ တခြားခဲယမ်းပစ္စည်းတွေ ရရှိခဲ့တယ်လို့ ဆိုပါတယ်။
ဒီတိုက်ခိုက်မှုကို မြိုင်မြို့နယ်ပြည်သူ့ကာကွယ်ရေးအဖွဲ့၊ ဓားမင်းကြီးတပ်ဖွဲ့၊မြိုင်ညီညွတ်ရေးတပ် ပေါင်းစု၊ဝံပုလွေ ပျောက်ကြားတပ်ဖွဲ့၊ကိုမုဆိုး၊ကိုစတီး၊ကိုကင်း စတဲ့တပ်ဖွဲ့တွေ ပူးပေါင်းဆောင်ရွက်ခဲ့တာလို့ သိရပါတယ်။
