ဧပြီ ၁၆၊၂၀၂၅။ဇော်ရမ်း/People’s Spring
စစ်ကိုင်းတိုင်း၊ ကလေးမြို့တောင်ဖီလာရပ်ကွက် ရှိ စစ်ကောင်စီ၏ ဝန်ထမ်းအိမ်ရာတွင် မိုင်းပေါက်ကွဲပြီး ကလေးငယ်နှစ်ဦး သေဆုံးခဲ့သည်။
တောင်ဖီလာရပ်ကွက်၊ နယ်မြေ(၉)ရှိ ဝန်ထမ်းအိမ်ရာတွင် ဧပြီ ၁၄ရက်က မိုင်းပေါက်ကွဲမှုဖြစ်ခဲ့ခြင်းဟု ဒေသခံတစ်ဦးက ပြောသည်။
အဆိုပါအိမ်ယာရှိ အသက် (၃)နှစ်နှင့် (၅)နှစ်အရွယ် ကလေးငယ်နှစ်ဦး သေဆုံးခဲ့ပြီး စစ်ကောင်စီက သတင်းဖုံးထားကြောင်း ကလေးမြို့ခံတစ်ဦးက ပြောသည်။
Public Service Announcement
” ဝန်ထမ်းအိမ်ယာနားမှာဖြစ်တယ်ဆိုတော့ သူတို့တွေဘက်က သတင်းမထွက်စေချင်ဘူး။ သူတို့ထောင်ထားတဲ့မိုင်းကပဲ ပေါက်ကွဲတာလို့ ပြောနေကြတယ်။ မြို့ကတော့ လက်ရှိပုံမှန်ပဲဖြစ် တယ်” ဟု ၎င်းက ပြောသည်။
တောင်ဖီလာရပ်ကွက်သည် စစ်ကောင်စီတပ်နှင့် ပျူစောထီးများထိန်းချုပ်ထားသည့်နေရာဖြစ်ပြီး တော်လှန်ရေးတပ်ဖွဲ့များဝင်ရောက်လာမည် ဆိုသောကြောင့် မိုင်းများထောင်ထားသည်ကို သိရှိထားကြောင်း တော်လှန်ရေးရဲဘော်တစ်ဦးကပြောသည်။
ကလေးမြို့ပေါ်၌ လက်ရှိစစ်ရေးအခြေအနေငြိမ်သက်သော်လည်း ကလေးမြို့တောင်ပိုင်း၊ ဂန့်ဂေါ-ကလေးလမ်းပိုင်းတွင် စစ်ရေးတင်းမာနေပြီး စစ်ကောင်စီနှင့် ပျူစောထီးစခန်းအချို့ကို တော်လှန်ရေးပူး ပေါင်းတပ်များက သိမ်းယူထားသည်။
(ကလေးမြို့ဝန်ထမ်းအိမ်ယာပေါက်ကွဲမှုအတွင်း သေဆုံးခဲ့ရသော ကလေးငယ်နှစ်ဦး။ ဓာတ်ပုံ – CJ)
