ဒေါ်အောင်ဆန်းစုကြည်မွေးနေ့မှာ ကဗျာရွတ်လို့ မြင်းခြံထောင်က နိုင်ကျဉ်းတွေ တိုက်ပိတ်ခံရ

ဇူလိုင် – ၂ ၊၂၀၂၅ ၊ ဆိုင်းမင်း/People’s Spring

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အသက် ၈၀ ပြည့်မွေးနေ့ကို ထောင်တွင်းမှာ ကဗျာရွတ်ဆို ဂုဏ်ပြုခဲ့ကြတဲ့ မြင်းခြံထောင်က နိုင်ငံရေးအကျဉ်းသားတွေကို ထောင်အာဏာပိုင်တွေက ရိုက်နှက်ပြီး ခြေချင်းခတ်ကာ တိုက်ပိတ်ထားတယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM)က ဒီနေ့ (ဇူလိုင် ၂ရက် ) မှာ ထုတ်ပြန်အသိပေးပါတယ်။

ဒေါ်အောင်ဆန်းစုကြည်ရဲ့မွေးနေ့မှာ ကဗျာရွတ်တယ်ဆိုတဲ့အကြောင်းပြချက်နဲ့ ဇူလိုင်လ ၁၉ ရက်ကနေ ဒီနေ့ အထိ နှစ်ပတ်နီးပါး ကြာတဲ့အထိ တိုက်ပိတ်ထားတယ်လို့သိရပါတယ်။

တိုက်ပိတ်တယ်ဆိုတာကတော့ အလင်းရောင်နဲ့လေဝင်လေထွက် ကောင်းကောင်းမရတဲ့အခန်းကျဉ်းထဲမှာ ချုပ်နှောင်ထားတာဖြစ်ပါတယ်။

Public Service Announcement

အခုလို ရိုက်နှက်တိုက်ပိတ်ခံရတဲ့ နိုင်ငံရေးအကျဉ်းသားဦးရေကိုတော့ PPNM က မဖော်ပြထားပါတယ်။

ရိုက်နှက်ခံရချိန် ရရှိတဲ့ ဒဏ်ရာတွေကို ဆေးကုပေးတာ ၊ ဆေးပေးတာ မရှိတဲ့အပြင် ထောင်ဝင်စာနဲ့ မိသားစုဆီက အစားအသောက် ပါဆယ်ပေးပို့ခွင့်ကို ပိတ်ပင်ထားတယ်လို့ PPNM ကဆိုပါတယ်။

ဒေါ်အောင်ဆန်းစုကြည် ရဲ့ မွေးနေ့မှာ မွေးနေ့ဆုတောင်းပေးသူတွေ ၊ မွေးနေ့အထိမ်းအမှတ် စစ်အာဏာရှင်ဆန့်ကျင်ရေးအွန်လိုင်း လှုပ်ရှားမှုတွေကို ပါဝင်သူတွေကို စစ်ကောင်စီက ဖမ်းဆီး ထောင်ချလေ့ရှိပါတယ်။

ပြီးခဲ့တဲ့ ဇူလိုင်လ ၁၉ ရက် က မွေးနေ့ မှာဆိုရင်လည်း ဆုတောင်းပေးတဲ့ နေပြည်တော်က ပြန်ကြားရေးဝန်ထမ်းအမျိုးသမီးနဲ့ အခြား အရပ်သား အမျိုးသမီး တစ်ဦးကို စစ်ကောင်စီက ဖမ်းဆီးခဲ့ပါတယ်။

အာဏာသိမ်းစစ်ကောင်စီအတွက် ဝါဒဖြန့်ပေးနေတဲ့ တယ်လီဂရမ်ချန်နယ်တွေကလည်း ဖမ်းဆီးအရေးယူဖို့ လှုံ့ဆော်တာတွေပြုလုပ်ခဲ့ပါတယ်။