မွှာလ်ပီးရွာ စစ်စခန်းသိမ်းတိုက်ပွဲစစ်တပ်ထံမှ လက်နက် ၃၀ ကျော်နှင့်ခဲယမ်းများသိမ်းဆည်းရရှိ

ဇူလိုင်-၆၊၂၀၂၅။ထားမြတ်/People’s Spring

ချင်းပြည်နယ် မြောက်ပိုင်းသို့ ထိုးစစ်ဆင်လာသည့် စစ်တပ် စစ်ကြောင်း တပ်စွဲထားသည့် တီးတိန်မြို့နယ်၊ မွှာလ်ပီးရွာကို ချင်းတော်လှန်ရေးပူးပေါင်းတပ်က ဇူလိုင် ၅ရက်တွင် တိုက်ခိုက်သိမ်းပိုက်ခဲ့ရာလက်နက်မျိုးစုံ အလက် ၃၀ကျော် သိမ်းပိုက်ရရှိခဲ့သည်။

အဆိုပါ စစ်တပ်စစ်​ကြောင်းသည် မေလ ၁၈ရက်ကတည်းစစ်ကိုင်းတိုင်းကလေးမြို့မှတဆင့် ချင်းမြောက်ပိုင်း ဖလမ်း၊ တီးတိန်ဘက်သို့ ဦးတည်ထိုးစစ်ဆင်လာရာ ချင်း​တော်လှန်​ရေးတပ်များ၏တိုက်ခိုက်မှု​ကြောင့် ကလေး-သိုင်းငင်းကြား မွှာလ်ပီးရွာမှရှေ့မတိုင်းနိုင်ဘဲ အဆိုပါရွာ၌ ယာယီတပ်စွဲထားခြင်းဖြစ်သည်။

ဇွန်လကုန်ပိုင်းက မွှာလ်ပီးရွာအနီး စစ်ကောင်စီတပ်စွဲရာနေရာအချို့ကို ချင်းပူးပေါင်းတပ်ကတိုက်ခိုက်သိမ်းပိုက်နိုင်ခဲ့ပြီး ဇူလိုင် ၅ရက်တွင် မွှာလ်ပီးရွာကို အပြီးသတ်သိမ်းပိုင်နိုင်ခဲ့သည်ဟုချင်းသတင်းရင်းမြစ်က ပြောသည်။

Public Service Announcement

“စကစက ပြန်ဆုတ်သွားပြီ ထွက်ပြေးသွားပြီဆိုတော့ အခုကလေးမြို့ဘက်ရောက်တော့မယ်ထင်ပါတယ်။အဲဒါကြောင့်အခြေအနေ ကောင်းပါတယ် ။သူတို့ စစ်ကောင်စီတွေက စစ်ကြောင်း ပြန်လည်ထိုးစစ်ဆင်ဖို့က မလုပ်သေးဘူးပေါ့” ဟု ချင်းသတင်းရင်းမြစ်က ပြောသည်။

ဇူလိုင် ၅ ရက်တိုက်ပွဲတွင် စစ်ကောင်စီတပ်ဖွဲ့ဝင်များ သေဆုံးထိခိုက်မှု၊ အရှင်ဖမ်းမိမှုများ ရှိပြီးချင်းအမျိုးသားတပ်မတော်(CNA)မှ ရဲဘော် ၄ဦးကျဆုံးခဲ့သည်လည်း၎င်းက ပြောသည်။စစ်ကောင်စီတပ်ဘက်မှသေဆုံးထိခိုက် အရေအတွက် ကိုမူမသိရ​သေး​ပေ။

စခန်းသိမ်းတိုက်ပွဲမှရရှိခဲ့သည့်လက်နက်ခဲယမ်းများ မှတ်တမ်းဓာတ်ပုံပါအရ လက်နက်ငယ် အလက် ၃၀ ခန့်နှင့်လက်နက်ကြီး အချို့ သိမ်းဆည်းနိုင်ခဲ့သည်ကိုတွေ့ရသည်။ ထိုအပြင် ခဲယမ်း၊ ကျည်၊မိုင်း အများအပြားနှင့်စစ်သုံးပစ္စည်းများစွာကိုလည်း ချင်းတော်လှန်ရေးပူးပေါင်းတပ်က သိမ်းပိုက်ရရှိခဲ့သည်။

အဆိုပါစစ်ကြောင်းသည်ဖလမ်းမြို့ကိုပြန်လည်သိမ်းပိုက်ရန်ဦးတည်လာခြင်းဖြစ်ကြောင်း စစ်သုံ့ပန်းက ပြောကြားသည်ဟုရှေ့တန်းမြေပြင်မှ တော်လှန်ရေးရဲဘော်၏ ပြောကြားချင်းကို ချင်းသတင်းရင်းမြစ်က​ပြောသည်။ စစ်သုံ့ပမ်း၏ ထွက်ဆိုချက်အရ ချင်းမြောက်ပိုင်းသို့ စစ်ကြောင်းထိုးလာသည့် စစ်ကောင်စီတပ်တွင် တပ်ရင်း ၆ခု နှင့် စစ်ကူ စုစုပေါင်း အင်အား ၈၀၀ ခန့်ရှိနိုင်သည်ဟုသိရသည်။

ချင်းမြောက်ပိုင်းသို့ ထိုးစစ်ဆင်လာသည့် စစ်​ကြောင်းတွင် ခမရ(၃၉၁)၊ ခမရ(၅၉)၊ ခမရ(၈)၊ ခမရ(၇)၊ ထပရ-၉၃၄၊ တပ်မ(၃၃) တပ်ရင်းများ မှဖြစ်သည်ဟု စစ်သုံ့ပမ်းက ထွက်ဆိုကြောင်း ချင်းသတင်းရင်း​ပြောသည်။

စစ်ကောင်စီတပ်သည် ချင်းမြောက်ပိုင်းကိုသာမက ချင်းတောင်ပိုင်းမင်းတပ်ကို ဦးတည်ပြီးလည်း မကွေးတိုင်း ပခုက္ကူမှ မော်တော်ယာဉ် အစီး ၁၂၀ ကျော် စစ်အင်အား အများအပြားဖြင့် ထိုးစစ်ဆင်ရန်ကြိုးပမ်း​နေသည်။