သြဂုတ်-၁၁၊၂၀၂၅။အိမ်သွင်/People’s Spring
ပြည်သူ့ကာကွယ်ရေးတပ်ဖွဲ့များထိန်းချုပ်ထားသည့် တမူးမြို့နယ်မှ နန်မွန်းတားရွာတိုက်ပွဲတွင် စစ်ကောင်စစ်တပ်ဖွဲ့ဝင် ၆ဦးသေဆုံးပြီး သေနတ် ၉ လက်သိမ်းဆည်းနိုင်ခဲ့ကြောင်း အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာန၊ အမှတ်(၁)စစ်ဒေသကထုတ်ပြန်သည်။
နန်မွန်းတားကျေးရွာက်ို ခလရ (၂၂၈) နှင့် ပြည်သူ့စစ် ပူးပေါင်းအင်အား ၈၀ ခန့်ကဩဂုတ်လ၅ရက်နေ့တွင် စစ်ကြောင်းထိုးလာခြင်းဖြစ်ပြီး တမူးခရိုင် စစ်ကြောင်း၊ မော်လိုက်ခရိုင်စစ်ကြောင်း၊ကလေးခရိုင် စစ်ကြောင်း၊ KNA(B)၊ NLA နှင့် CNA တပ်ဖွဲ့တို့မှ ပူးပေါင်းတိုက်ခိုက်ခဲ့သည်ဟု ထုတ်ပြန်ထားသည်။ တိုက်ပွဲများပြင်းထန်စွာဖြစ်ပွားပြီးနောက် သြဂုတ်လ၈ရက်တွင် စစ်ကောင်စီစစ်ကြောင်းပြန်လည်ဆုတ်ခွာသွားခြင်းဖြစ်သည်။
တိုက်ပွဲအတွင်း စစ်ကောင်စီဘက်မှ ရုပ်အလောင်း ၆ လောင်း၊ လက်နက် ၉ လက် နှင့် ခဲယမ်းတချို့ သိမ်းဆည်းရရှိခဲ့ပြီး ထိခိုက်ဒဏ်ရာရသူ ၂၀ ဦး ကျော်ရှိသည်ဟု အမှတ်(၁)စစ်ဒေသကထုတ်ပြန်သည်။ ထို့အပြင် ကာကွယ်ရေးရဲဘော်ငါးဦး ကျဆုံးပြီးလက်နက် ၃ လက် ဆုံးရှုံးခဲ့ကြောင်း ထုတ်ပြန်ထားသည်။
Public Service Announcement
သြဂုတ်လ၈ရက်နေ့ကတိုက်ပွဲတွ နန်မွန်းတားရွာ ဘုရားကျောင်းသို့ တံတားဦးမှ တက်လာသော Yak-130 ၁စီးဖြင့် ပေါင် ၂၅၀ ဗုံး ၂လုံး၊ တံတားဦးလေတပ်မှ တက်လာသော MIG-29 ၁စီးဖြင့် Cluster ဗုံးကြဲချ တိုက်ခိုက်ခဲ့သလို OWA အသေခံဒရုန်း အမျိုးအစားများကိုလည်း အသုံးပြုခဲ့သည်ဟု ထုတ်ပြန်ချက်၌ဖော်ပြထားသည်။
“သေတဲ့အထဲ စကစဘက်က အရာရှိတွေပါ ပါတယ်။ သင်္ချိုင်းမှာ သင်္ဂြိုလ်သွားတာ။ ဒဏ်ရာ ရတာတွေလည်း ဆေးရုံဟောခန်းအပြည့်”ဟု တမူးမြို့ခံတဦးကပြောသည်။
နန်မွန်းတားရွာသည် ကလေး-တမူးအာရှလမ်းပေါ်တွင်တည်ရှိပြီးတမူးမြို့နှင့် ၁၂မိုင်အကွာ၌ရှိသည်။
တမူးမြို့တွင် ပန်းသာရွာ၊မင်းသာရွာအပြင် နေရာသုံးခု၌ စစ်ကောင်စီက အခိုင်အမာတပ်စွဲထားပြီး ပန်းသာရွာ၌ အဓိကအထိုင်စခန်းအဖြစ် ပြင်ဆင်ထားသည်။တမူးခရိုင်အတွင်းခါမ်းပတ်မြို့နှင့် မြို့သစ်မြို့ကို ပြည်သူ့ကာကွယ်ရေးတပ်ဖွဲ့များက ကထိန်းချုပ်ထားပြီး စစ်ကောင်စီက တမူးမြို့ကိုသာ ထိန်းချုပ်ထားနိုင်သည်။
