တော်လှန်​ရေးတပ်​တွေက မော်လိုက်က ပျူစခန်း သုံးခုကို​ထပ်မံသိမ်းပိုက်

သြဂုတ်-၁၉၊၂၀၂၅။​နေ့သစ်/People’s Spring

စစ်ကိုင်းတိုင်း ၊ ​မော်လိုက်မြို့နယ်က စစ်တပ် နဲ့ပျူ​စောထီး​တွေပူး​ပေါင်းတပ်ထိုင်ထားတဲ့ ​ထော်သာပျူစခန်း၊ ​တောင်းအင်ပျူစခန်း​တွေကို ​တော်လှန်​ရေးတပ်​တွေကသိမ်းပိုက်ပြီး​နောက် စက်တင်ဘာလ ဒုတိယပါတ်မှာ ပျူ​​စောထီးစခန်းသုံးခုကိုထပ်မံသိမ်းပိုက်ခဲ့တယ်လို့ တော်လှန်​ရေးတပ်ဖွဲ့ဝင်အချို့က​ပြောပါတယ် ။

​မောလိုက်မြို့နယ်ထဲမှာ စစ်တပ်နဲ့ပျူ ပူး​ပေါင်းစခန်းထိုင်တဲ့ ပထမဆုံးစခန်းဖြစ်သလို အခိုင်အမာတည်​ဆောက်ထားတဲ့ ​ထော်သာစခန်းကို သြဂုတ်လ ၁၅ ရက်မှာသိမ်းပိုက်ခဲ့သလို ၊​တောင်းအင်ပျူ​စောထီးစခန်းကိုလည်းစက်တင်ဘာ ၁ ရက်ညမှာတော်လှန်​ရေးတပ်​တွေက ထိုးစစ်ဆင်ပြီး သိမ်းပိုက်ခဲ့တာပါ။

​ထော်သာစခန်းသိမ်းတိုက်ပွဲမှာ လက်နက်မျိုးစုံ ၂၀ ​ကျော် ၊စစ်တပ်လက်​အောက်ခံ ပျူ​စောထီး ၇၀ ​ကျော်နဲ့ သူတို့ရဲ့ မိသားစုဝင်​တွေက ၁၅၀ ​ကျော်ကိုပါဖမ်းဆီးရရှိခဲ့တယ်လို့ NUG ကာကွယ်​ရေးဝန်ကြီးဌာနက​ဖော်ပြပါတယ် ။ ​

Public Service Announcement

ခန့်မှန်းအင်အား ၁၀၀ ​ကျော်ရှိတဲ့ ​တောင်းအင်ပျူ​စောထီးစခန်းက စစ်သားနဲ့ပျူ​တွေဟာ အနီးပါတ်ဝန်းကျင်က ပျူစခန်းအ​သေး​တွေ၊ကာကင်း​တွေကို PDF ​တွေကတိုက်ခိုက်ပြီးချိန်မှာ စခန်းကိုလာတိုက်မှာသိလို့ ထွက်​ပြေးကြပါတယ် ။ထွက်​ပြေးတဲ့ စစ်သားနဲ့ ပျူ​တွေကို PDF ​တွေကလိုက်လံတိုက်ခိုက်တာမှာ စစ်သားနဲ့ ပျူ​တွေ​သေဆုံးဒဏ်ရာရပြီးလက်နက်ခဲယမ်း​တွေသိမ်းဆည်းရရှိခဲ့တယ်လို့ PDF တဦးက​ပြောပါတယ် ။

​ထော်သာပျူစခန်းနဲ့ ​တောင်းအင်ပျူစခန်းတို့ဟာ ၄၊၅ မိုင်ပဲ​ဝေးပြီး ​ထော်သာစခန်းတိုက်ခိုက်ခံရချိန် ​မော်လိုက်က စစ်ကူလာတဲ့စစ်သား ၁၀၀ ခန့်ဟာ ​ထော်သာမ​ရောက်ခင် စခန်းအသိမ်းခံရပြီး ​တောင်းအင်ပျူစခန်းမှာ​သောင်တင်​နေတာပါ။ စစ်ကူစစ်​ကြောင်းဟာလည်း​တော်လှန်​ရေးတပ်​တွေပိတ်ဆိုဖြတ်​တောင်တိုက်ခိုက်ခံရပြီးဆယ်ဂဏန်း ​သေဆုံးဒဏ်ရာရခဲ့​ပါ​သေးတယ်။အဲဒီစစ်​ကြောင်းနဲ့ ​တောင်းအင် ပျူစခန်းမှာအရင်ရှိတဲ့စစ်သား (၄၀) တို့​​ပေါင်းပြီး စုစု​ပေါင်းအင်အား ၁၀၀​ကျော်ရှိ​နေတာပါ။ ​တောင်အင်ပျူစခန်းသိမ်းတိုက်ပွဲမှာ​တော်လှန်​ရေးတပ်​တွေဘက်ကထိခိုက်​ဆုံးသူမရှိခဲ့ဘူးလို့သိရပါတယ် ။

“ ကျွန်​​တော်တို့​က လိုက်ပြီးတိုက်တာ လိုက်ပြီးတိုက်တဲ့အ​နေအထားမှာအ​တော်များများ​သေတယ် ။လက်နက်​တွေလည်းအ​တော်များများသိမ်းဆည်းနိုင်ခဲ့တယ်ဗျ “ လို့​တော်လှန်​ရေးတပ်ဖွဲ့ဝင်တစ်ဦးက​ပြောပါတယ် ။

စက်တင်ဘာ ၉ ရက်​နေ့မှာ​တော့ ရွာ ၆ ရွာမှာတည်ထားတဲ့ ရွာသစ်စခန်း ၊နားပင်စခန်း၊နောင်ပိန်းစခန်း ​တွေကို​တော်လှန်​ရေးတပ်​တွေက ထပ်မံထိုးစစ်ဆင်တိုက်ခိုက်သိမ်းပိုက်ခဲ့တာဖြစ်ပါတယ် ။

ပျူစခန်းသုံးခုက စစ်သားနဲ့ပျူ​သေဆုံးထိခိုက်မှုနဲ့ လက်နက်ခဲယမ်းသိမ်းဆည်းရရှိမှုအ​ခြေအ​နေကို​တော့မသိရ​သေးပါဘူး။

စစ်တပ်နဲ့ပျူ​စောထီးပူး​ပေါင်းတပ်စွဲတဲ့ပျူစခန်း ၅ ခုကို ​တော်လှန်​ရေးတက်​တွေက သိမ်းပိုက်ပြီးတာ​ကြောင့် ​မှော်လိုက်မှာ ပျူစခန်းအနည်းငယ်ပဲကျန်ပါ​တော့တယ် ။ကင်းတပ် စခန်း ၊မော်လိုက်ကလေးစခန်း ၊ရှားပင်စခန်းစတဲ့စခန်း​တွေဖြစ်ပါတယ် ။

NUG ၊ကာကွယ်​ရေးဝန်ကြီးဌာန နဲ့ အမှတ်(၁)စစ်​ဒေသတို့က ​တောင်းအင်ပျူစခန်း နဲ့ ရွာသစ်စခန်း ၊နားပင်စခန်း၊နောင်ပိန်းစခန်း​တေ့သိမ်းဆည်းရရှိတာကိုသတင်းမထုတ်ပြန်​သေးပါဘူး။