နိုဝင်ဘာ-၁၀၊၂၀၂၅၊ရှိန်း၊မိုမို/People’s Spring
စစ်ကိုင်းတိုင်း၊ ဒီပဲယင်းမြို့နယ်ကို စစ်ကောင်စီက ဂျက်ဖိုက်တာလေးစီးနဲ့ လေကြောင်းကနေ ဗုံးကြဲတိုက်ခိုက်ခဲ့ရာ ပြည်သူတွေထိခိုက်ဒဏ်ရာရရှိခဲ့တယ်လို့ ဒီပဲယင်းမြို့နယ်ပြည်သူ့ကာကွယ်ရေးအဖွဲ့(ပကဖ)က ထုတ်ပြန်ပါတယ်။
ဒီကနေ့(နိုဝင်ဘာ၁၀ရက်) ညနေပိုင်းမှာ ဒီပဲယင်းမြို့နယ် အနောက်ခြမ်းကကျေးရွာနှစ်ရွာကို စစ်ကောင်စီက အကြောင်းမဲ့ လေကြောင်းတိုက်ခိုက်ခဲ့တာလို့ ဆိုပါတယ်။
ဒီပဲယင်းအနောက်ခြမ်းက ကျေးရွာနှစ်ခုကို မိတ္ထီလာရှမ်းတဲလေတပ်ကလာတဲ့ ဂျက်ဖိုက်တာတစ်စီးနဲ့ နှစ်ကြိမ်၊တံတားဦးလေတပ်က တက်လာတဲ့ ဂျက်ဖိုက်တာနဲ့ နှစ်ကြိမ်နဲ့ နောက်ထပ်ဂျက်ဖိုက်တာတစ်စီးနဲ့ လေးကြိမ် လေကြောင်းတိုက်ခိုက်မှုတွေ ပြုလုပ်ခဲ့တာလို့ အသိပေးပါတယ်။
Public Service Announcement
ဒီပဲယင်းမြို့နယ် အနောက်ခြမ်းကကျေးရွာနှစ်ရွာကို စစ်ကောင်စီလေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – ဒီပဲယင်း ပကဖ 
ဒီပဲယင်းမြို့နယ် အနောက်ခြမ်းကကျေးရွာနှစ်ရွာကို စစ်ကောင်စီလေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – ဒီပဲယင်း ပကဖ 
ဒီပဲယင်းမြို့နယ် အနောက်ခြမ်းကကျေးရွာနှစ်ရွာကို စစ်ကောင်စီလေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – ဒီပဲယင်း ပကဖ 
ဒီပဲယင်းမြို့နယ် အနောက်ခြမ်းကကျေးရွာနှစ်ရွာကို စစ်ကောင်စီလေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – ဒီပဲယင်း ပကဖ 
ဒီပဲယင်းမြို့နယ် အနောက်ခြမ်းကကျေးရွာနှစ်ရွာကို စစ်ကောင်စီလေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – ဒီပဲယင်း ပကဖ
အဲဒီနောက် ညနေ ၆နာရီမှာ နောက်ထပ်လေကြောင်းတိုက်ခိုက်မှု တစ်ကြိမ် ပြုလုပ်ခဲ့တယ်လို့ ဖော်ပြပါတယ်။
လေကြောင်းတိုက်ခိုက်မှုကြောင့် ပြည်သူအချို့ ထိခိုက်ဒဏ်ရာရရှိခဲ့ကာ နွားတစ်ကောင်သေဆုံးပြီး နေအိမ် ခုနစ်လုံးပျက်စီးပြီး နေအိမ်သုံးလုံး မီးလောင်ခဲ့တယ်လို့ သိရပါတယ်။
လေကြောင်းတိုက်ခိုက်မှုကြောင့် အနည်းဆုံးပြည်သူ ၁၃ဦး ထိခိုက်ဒဏ်ရာရတယ်လို့ ကနဦး စုံစမ်းသိရပါတယ်။ဒဏ်ရာရသူတွေထဲမှာ အမျိုးသမီးကြီး တစ်ဦး ဒဏ်ရာပြင်းထန်တယ်လို့ ဒေသခံကာကွယ်ရေးတပ်ဖွဲ့ဝင်တစ်ဦးက ပြောပါတယ်။
စစ်ကောင်စီက ပြည်သူတွေနေထိုင်တဲ့ ကျေးရွာတွေကို လေကြောင်းတိုက်ခိုက်မှု ဆက်တိုက်ပြုလုပ်နေတာကြောင့် ဘေးကင်းလုံခြုံတဲ့နေရာနဲ့ ပုန်းခိုကျင်းတွေတူးကြဖို့ ဒီပဲယင်းပကဖက တိုက်တွန်းထားပါတယ်။
အခုနှစ် ဩဂုတ်၁၈ ရက်ကလည်း ဒီပဲယင်းမြို့နယ်၊ မူးကမ်းကြီးကျေးရွာ ဘုန်းကြီးကျောင်းကို လေကြောင်းကနေ ဗုံးကြဲခဲ့တာကြောင့် သံဃာတော် ၂ ပါးအပါအဝင် ၁၂ဦး သေဆုံးခဲ့ပါတယ်။
