ဒီဇင်ဘာ-၂၇၊ ၂၀၂၅။ ဇော်ရမ်း/People’s Spring
မြစ်ကြီးနားမြို့၊ မြောက်ပိုင်းတိုင်းစစ်ဌာနချုပ်ကနေပစ်တဲ့ လက်နက်ကြီးကျည်က လူနေရပ်ကွက်ထဲကိုကျလို့ အရပ်သား ၁ဦးသေဆုံးသွားပါတယ်။
မနေ့က ဒီဇင်ဘာ ၂၆ရက် မနက်ပိုင်းမှာ မြောက်ပိုင်းတိုင်းစစ်ဌာနချုပ်ထဲကနေ စစ်ကောင်စီက လက်နက်ကြီးတွေ ပစ်ခတ်ခဲ့တာဖြစ်ပါတယ်။
“မနေ့က ၁၀မိနစ်၁ခါ၊ ၁၅မိနစ်၁ခါ လက်နက်ကြီးပစ်တာ။ တစ်လုံးကရွှေအိုက်ရပ်ကွက်ထဲကို ကျတာ။ အမျိုးသားတစ်ယောက် သေဆုံးတာပါ” လို့ မြို့ခံတစ်ဦးက ပြောပါတယ်။
Public Service Announcement
မြစ်ကြီးနားမြို့၊ မော်ဖောင်းရပ်ကွက်၊ နမ့်ပေါင်ရွာမှာရှိတဲ့လေတပ်ဝင်းဟာ ဒီဇင်ဘာ ၂၅ရက်နဲ့ ၂၆ရက်မှာ ရှော့တိုက်ဒုန်းနဲ့ ၂ရက်ဆက်တိုက်ခိုက်ခံရပါတယ်။ တိုက်ခိုက်ခံရပြီးတဲ့နောက် စစ်ကောင်စီက လက်နက်ကြီးတွေနဲ့ပစ်ခတ်တာတွေပြုလုပ်ခဲ့တယ်လို့ ဒေသခံတွေကပြောပါတယ်။
ဒီနေ့မှာတော့ မြစ်ကြီးနားမြို့ပေါ်မှာ ပစ်ခတ်သံတွေငြိမ်သက်နေပြီး စစ်ကောင်စီလှည့်ကင်းကားအများအပြားသွားလာနေတယ် ဒေသခံတွေကပြောပါတယ်။
