ဇန်နဝါရီ – ၂၁ ၊၂၀၂၆ ၊ နိုင်ပကောင်း/People’s Spring
ရွေးကောက်ပွဲကျင်းပတာနှောင့်ယှက်ဟန့်တားတယ်ဆိုတဲ့စွပ်စွဲချက် လူ ၄၀၀ ကျော်ကိုဖမ်းဆီးထားတယ်လို့အာဏာသိမ်းစစ်ကောင်စီရဲ့ ပြည်ထဲ ရေးဝန်ကြီး က ဇန်နဝါရီလ ၂၀ ရက် မှာ နေပြည်တော်မှာရှိတဲ့ ရဲဌာနချုပ်မှာ ထုတ်ပြောလိုက်ပါတယ်။
ရွေးကောက်ပွဲလုပ်ငန်းစဉ်တွေကို ပျက်ပြားစေဖို့ နည်းအမျိုးမျိုးနဲ့ ကျုးလွန်သူတွေကို အရေးယူရာမှာ ဇန်နဝါရီလ ၁၉ ရက်အထိ ၃၁၁ မှု ရှိခဲ့တယ်လို့ စစ်ကောင်စီပြည်ထဲရေးဝန်ကြီး ဒုတိယဗိုလ်ချုပ်ကြီးထွန်းထွန်းနောင်ကဆိုပါတယ်။
အဲဒီအမှုတွေကို ရွေးကောက်ပွဲကာ ကွယ်တားဆီးရေးဆိုင်ရာ ဥပဒေ နဲ့အရေးယူထားတာပါ။
Public Service Announcement
အရေးယူခံရသူတွေထဲမှာ အမျိုးသား ၃၂၄ ဦး ၊ အမျိုးသမီး ၈၀ ဦး စုစုပေါင်း ၄၀၄ ဦးပါဝင်ပါတယ်။
ဘာကြောင့်အရေးယူရတာလဲဆိုတာနဲ့ အရေးယူတဲ့ပုဒ်မ ကိုတော့အသေးစိတ်ဖော်ပြတာမရှိပါဘူး။
ဒါပေမယ့် ရွေးကောက်ပွဲကို ထိခိုက်စေမယ့် လှုံ့ဆော်မှုတွေ ၊ ဝါဒဖြန့်ဝေမှုတွေ လုပ်ဆောင်သူတွေကို ဆက်လက်အရေးယူသွားမယ်လို့ စစ်ကောင်စီပြည်ထဲရေးဝန်ကြီးက ခြိမ်းခြောက်ထားပါတယ်။
စစ်ကောင်စီခေါင်းဆောင်ဟာသူကျင်းပတဲ့ရွေးကောက်ပွဲကိုနှောက်ယှက်ရင်ဖမ်းဆီးထောင်ချဖို့အတွက်ရွေးကောက်ပွဲနှောက်ယှက်ဟန့်တားဖျက် ဆီးတာကနေကာကွယ်ပေးရေးဥပဒေကိုပြီးခဲ့တဲ့ဇူလိုင်လကုန်ပိုင်းက ပြဌာန်းခဲ့တာပါ။
ဓာတ်ပုံ – စစ်ကောင်စီ
