နယ်သာလန်နဲ့ ပြင်သစ်နိုင်ငံမှာ စစ်အာဏာသိမ်း (၅)နှစ်ပြည့် ဆန္ဒပြ

ဖေဖော်ဝါရီ-၂၊၂၀၂၆။ သုည/People’s Spring

နယ်သာလန်နဲ့ ပြင်သစ်နိုင်ငံတို့မှာ ပြည်ပရောက် မြန်မာတွေ စုပေါင်းပြီး စစ်အာဏာသိမ်း (၅)နှစ်ပြည့် လူထုသပိတ်လှုပ်ရှားမှုတွေကို ဖေဖော်ဝါရီ ၁ရက်က ပြုလုပ်ခဲ့ပါတယ်။

နယ်သာလန်နိုင်ငံ၊ အမ်စတာဒမ်မြို့မှာ မြန်မာအရေးလှုပ်ရှားသူတွေက စစ်အာဏာသိမ်း (၅) နှစ်ပြည့်အဖြစ် စစ်အာဏာရှင်ကို ရှုတ်ချကြောင်း ချီတက်ဆန္ဒပြခဲ့ကြပါတယ်။

ဆန္ဒပြသူတွေက “ Say No Just Trap Myanmar’s Shame Elections Crab” ၊ “ Free Daw Aung San Su Kyi & Political Prisoners” စတဲ့ စာသားတွေနဲ့ စစ်အာဏာရှင်စနစ်နဲ့ စစ်တပ်ရဲ့ ရွေးကောက်ပွဲကို ဆန့်ကျင်​ကြောင်း ဆန္ဒထုတ်ဖော်ခဲ့ပြီး ဒေါ်အောင်ဆန်းစုကြည်နဲ့ နိုင်ငံ​​ရေးအကျဥ်းသားတွေ အားလုံး ပြန်လည်လွှတ်ပေးရေး တောင်းဆိုခဲ့ကြပါတယ်။

Public Service Announcement

ဒါ့အပြင် ပြင်သစ်နိုင်ငံ လိုင်ယွန်မြို့မှာလည်း မြန်မာတွေ စုပေါင်းပြီး နွေဦးတော်လှန်ရေး (၅)နှစ်ပြည့် စစ်အာဏာရှင်ဆန့်ကျင်ရေးလူထုဆန္ဒပြပွဲ ကျင်းပပြုလုပ်ခဲ့ပါတယ်။

တော်လှန်ရေး (၅)နှစ်ကြာကာလအတွင်း အာဏာသိမ်းစစ်တပ်ရဲ့ ရက်စက်မှုကြောင့် ကျဆုံးခဲ့ရတဲ့ မြန်မာပြည်သူတွေ ဆုတောင်းခြင်း အထိမ်းအမှတ် ပြုလုပ်ခဲ့ပြီး “ ဆက်၍တော်လှန်ရုံမှတစ်ပါး အခြားမရှိ” စာသားကိုင်ဆောင်ကာ စစ်အာဏာရှင် အမြစ်ပြတ်တဲ့အထိ ဆက်လက်တော်လှန်ဖို့ တိုက်တွန်းနှိုးဆော်ခဲ့ပါတယ်။

ဓာတ်ပုံ – CJ