ဖေဖော်ဝါရီ-၇၊၂၀၂၆၊ရှိန်း၊မိုမို /People’s Spring
စစ်ကိုင်းတိုင်း၊ကောလင်းမြို့နယ်အရှေ့ခြမ်းကို စစ်တပ်က လေကြောင်းတိုက်ခိုက်မှုတွေဆက်တိုက်လုပ်နေတယ်လို့ သတင်းရပါတယ်။
ဒီကနေ့(ဖေဖော်ဝါရီ ၇ ရက်) မနက် ၁၀နာရီခွဲကတည်းက ကောလင်းမြို့နယ်အရှေ့ခြမ်းကို ဂျက်ဖိုက်တာ နှစ်စီးနဲ့ လေကြောင်းတိုက်ခိုက်နေတာလို့ သိရပါတယ်။
“တိုက်ပွဲက ဆက်တိုက်ပဲ။။လေယာဥ်ရော ကာမီကာဇေ(အသေခံဒရုန်း)တွေနဲ့ပါ သုံးတာ”လို့ ကောလင်းမြို့နယ်စစ်ရေးသတင်းရင်းမြစ်က ပြောပါတယ်။
Public Service Announcement
မနေ့ကတည်းက ကျောက်တန်းကျေးရွာအနီးမှာ လက်နက်ကြီး၊လက်နက်ငယ် ပစ်ခတ်သံတွေဆူညံနေပြီး စစ်တပ်ကလည်း ဒရုန်းနဲ့ ဗုံးကြဲတာ တွေလုပ်နေတယ်လို့ ဒေသခံတချို့က အသိပေးထားပါတယ်။
တိုက်ပွဲနဲ့ပတ်သက်ပြီး အသေးစိတ်အခြေအနေကို ကောလင်းအခြေစိုက်ကာကွယ်ရေးတပ်ဖွဲ့တွေ ကို ဆက်သွယ်မေးမြန်းနေဆဲ ဖြစ်ပါတယ်။
ကောလင်းမြို့နယ်အရှေ့ဘက်ခြမ်းက ရွှေဘို-မြစ်ကြီးနားလမ်းပိိုင်းဘေးမှာရှိတဲ့ သစ်ဖုလတောင်ကို စစ်တပ်က အထိုင်ချဖို့ကြိုးစားနေတာကြောင့် တိုက်ပွဲတွေ ဖြစ်နေတာလို့ သိရပါတယ်။
အဲဒါကြောင့် စစ်တပ်က မကြာခဏလေကြောင်းကနေ တိုက်ခိုက်နေပြီး ဝန်းသိုမြို့နယ်ကနေပါ စစ်ကူစစ်ကြောင်းတချို့ ပို့ထားတယ်လို့ ဒေသတွင်း စစ်ရေးသတင်းရင်းမြစ်တွေက ပြောထားပါတယ်။
ကောလင်းမြို့အပါအဝင် စစ်ကိုင်းတိုင်းအထက် ပိုင်းက ထီးချိုင့်၊ ကသာနဲ့ ဗန်းမောက်မြို့တွေမှာလည်း တော်လှန်ရေးတပ်တွေနဲ့ စစ်အုပ်စုကြား စစ်ရေးတင်းမာမှု တွေရှိနေပါတယ်။
