ဖေဖော်ဝါရီ-၉၊ ၂၀၂၆။ ထားမြတ်/People’s Spring
ကချင်လွတ်လပ်ရေးတပ်မတော်(KIA) စစ်ဦးစီးချုပ်အဖြစ် တာဝန်ယူခဲ့ဖူးသလို လက်ရှိ ကချင်လွတ်လပ်ရေးအဖွဲ့(KIO) ဒုဥက္ကဋ္ဌ ဖြစ်သူ ဗိုလ်ချုပ်ကြီးဂမ်ရှောင် အပါအဝင် ဝန်ထမ်းလုပ်သက် နှစ်(၅၀)ပြည်သူ ၃ဦးကို KIO က ရွှေတံဆိပ်ဆုပေးအပ်ခဲ့ပါတယ်။
(၆၅)နှစ်မြောက် ကချင်တော်လှန်ရေးနေ့ အခမ်းအနားကို ဖေဖော်ဝါရီ ၅ရက်က ကျင်းပခဲ့စဉ် KIO ဒုဥက္ကဋ္ဌ ဂွမ်ထန်ဂမ်ရှောင်၊ KIO ဗဟိုပညာရေးရုံး အခြေခံပညာရေး ညွှန်ကြားရေးမှူး Htawngng Yaw Sau နဲ့ KIA စစ်ဌာနချုပ်က ဒုဗိုလ်ချုပ်ကြီး Udi Awng တို့ကို ရွှေတံဆိပ်ဆုပေးအပ်ခဲ့တာလို့ KIO/KIA သတင်းပြန်ကြားရေးဌာနက ဖော်ပြထားပါတယ်။
ဒါ့အပြင် KIO/KIA အစိုးရမှာ တာဝန်ထမ်းဆောင်တဲ့ ၁၀နှစ်ပြည်၊ ၂၀နှစ်ပြည့်၊ ၃၀နှစ်ပြည့်နဲ့ ၄၀နှစ်ပြည့် သူတွေကိုလည်း ဂုဏ်ပြုလက်မှတ်ပေးအပ်ခဲ့တယ်လို့ ဆိုပါတယ်။
Public Service Announcement
စုစုပေါင်း ဂုဏ်ပြုလက်မှတ်ပေးအပ်ခဲ့တဲ့ ဝန်ထမ်း ၁၄၁၄ ဦးရှိတယ်လို့ အသိပေးပါတယ်။
ကချင်တော်လှန်ရေးနေ့ကို KIO ဗဟို ဌာနချုပ် လိုင်ဇာအပါအဝင် KIO အုပ်ချုပ်ရာ နေရာဒေသတွေနဲ့ ပြည်ပရောက်ကချင်လူမျိုး တွေက အခမ်းအနားတွေ ပြုလုပ်ခဲ့ကြပါတယ်။
