'/%3E%3C/svg%3E){kind=small}
မတ် ၉၊ ၂၀၂၆ ဇေအောင်/People’s Spring
မန္တလေးတိုင်းအတွင်း စက်သုံးဆီအရောင်းဆိုင်တွေမှာ မော်တော်ယာဥ်တွေကို တစ်ကြိမ်ဝယ်ရင် ရောင်းချပေးရမယ့် စက်သုံးဆီပမာဏကို စစ်ကောင်စီက ကန့်သတ်လိုက်ကြောင်း သိရပါတယ်။
ပြီးခဲ့တဲ့ မတ်လ ၆ ရက်ကစပြီး ယာဥ်အမျိုးအစားအလိုက် တစ်ကြိမ်ဝယ်ရင် ဆိုင်ကယ် ၂ လီတာ၊ သုံးဘီးနဲ့ အိုးဝေ ၄ လီတာ၊ အိမ်စီးကားများ ၁၂ လီတာ၊ Light Truck (အိမ်စီးကားအမျိုးအစား)၂၀ လီတာ၊ ခရီးသည်တင်ယာဉ်နဲ့ ကုန်ကားကြီးများ ၅၀ လီတာသာ ဝယ်ယူခွင့်ရှိတော့မှာဖြစ်ကြောင်း စစ်ကောင်စီက ဆီဆိုင်တွေမှာ အသိပေးပါတယ်။
“အခုကတော့ ဆိုင်တွေက မမှန်သေးဘူး။ တစ်သောင်းဖိုးရောင်းတဲ့ဆိုင် ရောင်းတယ်။ တစ်သောင်းခွဲဖိုးရောင်းတဲ့ဆိုင် ရောင်းတယ်။ ပတ်ဝယ်နေရတာပဲ”လို့ မန္တလေးမြို့က သုံးဘီးယာဥ်မောင်းတစ်ဦးက ပြောပါတယ်။
Public Service Announcement
ဒါ့အပြင် အရောင်းဆိုင်တွေအနေနဲ့ မနက် ၆ နာရီကနေ ညနေ ၆ နာရီအတွင်းသာ ရောင်းချရမည်ဖြစ်ပြီး၊ ပုံး သို့မဟုတ် ပေပါနဲ့ ရောင်းချခြင်းကို လုံးဝခွင့်မပြုဘဲ တားမြစ်ထားတယ်လို့ သိရပါတယ်။
စက်သုံးဆီဆိုင်တွေအနေနဲ့ ဌာနဆိုင်ရာအကြီးအကဲတွေရဲ့ထောက်ခံချက်ပါတဲ့ ဌာနဆိုင်ရာယာဥ်တွေကို ဦးစားပေးရောင်းဖို့ကိုလည်း စစ်ကောင်စီက ညွှန်ကြားထားပါတယ်။
ဒါ့အပြင် စစ်ကောင်စီရဲ့ စုံမခွဲတဲ့စနစ် ရှုပ်ထွေးမှုကြောင့်မန္တလေးမြို့က စက်သုံးဆီဆိုင်တွေမှာ တစ်ဆိုင်တစ်မျိုး ရောင်းချနေကြပြီး ပြည်သူတွေဝယ်ယူရခက်ခဲနေတယ်လို့ သိရပါတယ်။
