ဧပြီ ၁၁၊၂၀၂၆။ သုည/People’s Spring
ကချင်ပြည်နယ် ဖားကန့်မြို့နယ်နဲ့ လွတ်မြောက်နယ်မြေက သပိတ်အဖွဲ့တွေ၊ ဒေသခံတော်လှန်ပြည်သူတွေဟာ Blue Shirt ကမ်ပိန်းနဲ့ တော်လှန်သံချပ် လှုပ်ရှားမှုတွေကို ဒီကနေ့ (ဧပြီ ၁၁)မှာ ပြုလုပ်ခဲ့ပါတယ်။
လွတ်မြောက်နယ်မြေမှ တော်လှန်ပြည်သူတွေဟာ နိုင်ငံရေးအကျဉ်းသားတွေ လွတ်မြောက်ရေးအတွက် အမြဲတိုက်ပွဲဝင်ခဲ့တဲ့ ဟံသာဝတီဦးဝင်းတင်ကွယ်လွန်ခြင်း (၁၂)နှစ်ပြည့်အထိမ်းအမှတ် Blue Shirt ကမ်ပိန်းမှာ ပူးပေါင်းပါဝင်ခဲ့ကြပါတယ်။
အဆိုပါ အပြာရောင်အင်္ကျီလှုပ်ရှားမှုဟာ ဒေါ်အောင်ဆန်းစုကြည်နဲ့ သမ္မတကြီး ဦးဝင်းမြင့် အပါအဝင် နိုင်ငံရေးအကျဉ်းသားအားလုံး လွတ်မြောက်ရေးအတွက် ပြုလုပ်ခဲ့တာ ဖြစ်ပါတယ်။
Public Service Announcement
ကချင်ပြည်နယ်၊ ဖားကန့်မြို့နယ်မှာလည်း မှော်လှည့်သပိတ် သံချပ်အဖွဲ့က စစ်အာဏာရှင်ကို ဆန့်ကျင်ကြောင်း တော်လှန်သံချပ်တွေ နဲ့ လှုပ်ရှားမှု ပြုလုပ်ခဲ့ပါတယ်။
ဆန္ဒပြပြည်သူတွေက “ လေယာဉ်ဗုံးကြဲ အမိန့်ပေးသူ၊ လူသတ်ကောင်က သမ္မတတဲ့လား” ၊ “ ဘုန်းကြီးကျောင်းကို ဗုံးကြဲနေတာ မဘသတွေ အသံမထွက်ကြဘူး” ၊ “ သွေးစည်းကြမလေ ညီနောင်တွေ၊ ဖက်ဒရယ်ပြည်သစ် အတူတည်ဆောက်စို့” စတဲ့ တော်လှန်သံချပ်စာသားတွေကိုင်ဆောင်ကာ စီတန်းလှည့်လည်ခဲ့ပါတယ်။
ဒါ့အပြင် နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ သမ္မတ ဦးဝင်းမြင့်နဲ့ နိုင်ငံရေးအကျဉ်းသားတွေ လွတ်မြောက်ရေးအတွက်လည်း တောင်းဆိုခဲ့ကြပါတယ်။
