မိသားစုကိုအချိန်​ပေးပြီး မှတ်တမ်းရုပ်ရှင်​တွေဆက်လက်ဖန်တီးမယ်လို့ လွတ်​မြောက်လာတဲ့မရှင်ဒေဝီ​ပြော

ဧပြီ-၁၇၊၂၀၂၆။တာရာ၊​တေဇ/People’s Spring

အာဏာသိမ်းစစ်တပ်ရဲ့မတရားဖမ်းဆီးခံရပြီးထောင်ဒဏ် တစ်သက် တစ်ကျွန်း ချခံထားရတဲ့ မှတ်တမ်းရုပ်ရှင်ဖန်တီးသူ မရှင်ဒေဝီဟာ ဒီက​နေ့ပြန်လည်လွတ်​မြောက်လာခဲ့ပြီး သူ့အ​နေနဲ့ မှတ်တမ်းရုပ်ရှင်​တွေ ဆက်လက်ဖန်တီးသွားမယ်လို့ သတင်း​ထောက်​တွေကို​ပြောပါတယ်။

ဒါအပြင် မိသားစုနဲ့ အကြာကြီး​ဝေးခဲ့ရတာမို့ မိသားစုကို အချိန်​ပေးမယ် ၊မိတ်​ဆွေ​​တွေနဲ့လည်း​တွေ့မယ်လို ​ထောင်ကလွတ်​မြောက်လာပြီး သူမရဲ့အနာဂတ်အစီအစဥ်​တွေကို ​မေးတဲ့အခါ​ပြောကြားပါတယ် ။

“ဘာလုပ်ရမယ်တော့လောလောဆယ်အကြံဉာဏ်မရှိသေးဘူး။ဒါပေမယ့် ကျွန်မရဲ့ ပင်မအလုပ်က Documentary Film Maker ဖြစ်တယ် ။ ကျွန်မအနေနဲ့ကတော့ Documentary ဆက်ရိုက်သွားဦးမှာပါ”လို့ဆက်​ပြောပါတယ် ။

Public Service Announcement

မရှင်ဒေဝီ ကို အာဏာသိမ်းစစ်တပ်က ၂၀၂၃ ခုနှစ် ၊အောက်တိုဘာလလယ်ပိုင်းကဖမ်းဆီးပြီး အ
ကြမ်းဖက်ပုဒ်မ နဲ့ စွဲချက်တင်ကာ အင်းစိန်ထောင်တွင်းစစ်ခုံရုံးကနေ ထောင်ဒဏ် တစ်သက်ချထားတာပါ။ဒါ​ကြောင့် ​ထောင်ထဲမှာ ၂ နှစ်ခွဲဝန်းကျင်​နေခဲ့ရတာဖြစ်ပါတယ် ။

စစ်တပ်က မရှင်​ဒေဝီကို ​ထောင်ဒဏ်တစ်သက် ချမှတ်ပြီး ​နောက်ပိုင်း ​ထောင်ဒဏ် ၁၅ နှစ်​ပြောင်းလဲခဲ့ပြီး ဧပြီ ၁၇ ရက်မှာ​တော့လွတ်​မြောက်လာတာဖြစ်ပါတယ် ။သူမအ​နေနဲ့ လွတ်​မြောက်မှာကို ကြိုမသိဘူးလည်းလည်း သတင်း​ထောက်​တွေကို​ပြောပါတယ် ။

မြန်မာနှစ်ဆန်းတစ်ရက်နေ့ မှာနိုင်ငံတဝန်းအကျဉ်း
ထောင်တွေကအကျဉ်းသူ ၊အကျဉ်းသား ၄,၀၀၀ ကျော်ကို လွှတ်ပေးမယ်လို့ အာဏာသိမ်းစစ်ခေါင်းဆောင်ကကြေညာပါတယ်။

ဒါ​ပေမယ့်P​PNMရဲ့ စာရင်းအရ ဧပြီ ၁၇ရက်၊ မြန်မာနှစ်ဆန်းတစ်ရက်နေ့ မွန်းလွဲ (၂) နာရီအထိ အတည်ပြုနိုင်တဲ့ အချက်အလက်တွေအရ အမှုပေါင်းစုံနဲ့ လွတ်မြောက်လာသူ ၅၀၀ ကျော်ရှိတဲ့အနက် နိုင်ငံရေးအကျဉ်းသားဦးရေမှာ ၁၆၅ ဦးသာ ပါဝင်သေးကြောင်း သိရပါတယ်။

စုစုပေါင်းလွတ်မြောက်လာသူ အရေအတွက်နဲ့ နှိုင်းယှဉ်ပါက နိုင်ငံရေးအကျဉ်းသား ပြန်လည် လွတ်မြောက်လာမှုဟာ နည်းပါးနေတာကို တွေ့ရှိရတယ်လို့ PPNMက အသိ​ပေးပါတယ်။

“သူတို့(စစ်ကောင်စီဘက်က) ၄၃၃၅ ဦးဆိုတာက အမှုတွေအားလုံးပေါင်းပေါ့နော်။ နိုင်ငံရေးအကျဥ်းသား အမှုတွေလည်း ပါသလို အခြားအမှုတွေလည်း ပါတယ်။ အားလုံးပေါင်းကို ပြောချင်တာဖြစ်ပါတယ်။ ကျွန်တော်တို့ရရှိထားတဲ့ အတည်ပြုထားတဲ့ စာရင်းတွေကတော့ တစ်ရာကျော်ပဲ ရှိပါသေးတယ်။”လို့ PPNMရဲ့ ဦးဆောင်ကော်မတီဝင် မရောင်နီလင်းက ပြောပါတယ်။

ကျန်ရှိနေသေးတဲ့ လွတ်မြောက်လာသူတွေရဲ့ အချက်အလက်တွေကို PPNM က ဆက်လက်စိစစ်နေပြီး အတည်ပြုချက်တွေ ထပ်မံရရှိပါက ဆက်လက်ထုတ်ပြန်သွားမယ်လို့ အသိပေးပါတယ်။

ဒါအပြင်စစ်အုပ်စုက နိုင်ကျဥ်း​တွေကို လွှတ်​ပေးတယ်ဆို​ပေမယ့် ပြစ်ဒဏ်ထပ်မံကျူးလွန်ရင် အရင်ပြစ်ဒဏ်ပါ ​ပေါင်းပြီးကျခံရမယ်ဆိုတဲ့ ပုဒ်မ (၄၀၁) ကိုဖိအား​ပေး​ရေးထိုးခိုင်းတယ်လို့သိရပါတယ်။ နိုင်ငံ​တော် သမ္မတဦးဝင်းမြင့်က​တော့ အဲလိုလက်မှတ်ထိုးခိုင်းတာမှာ လက်မှတ်မထိုးခဲ့ဘူးလို့နီးစပ်တဲ့သတင်းရင်းမြစ်အချို့က​ပြောပါတယ်။