မေ-၁၄၊၂၀၂၆။မိထက်/ People’s Spring
ဘင်္ဂလားပင်လယ်အော်မှာဖြစ်နေတဲ့လေဖိအားနည်း ရပ်ဝန်းအရှိန်ကြောင့် နိုင်ငံတစ်ဝန်းမေလ ၁၇ရက်မတိုင်ခင်အထိ မိုးကြီးနိုင်တယ်လို့အမျိုးသားညီညွတ်ရေးအစိုးရ၊လူမှုရေးရာ၊အလုပ်သမားနဲ့လူသားချင်းစာနာထောက်ထားရေးဝန်ကြီးဌာန(MOHADM)ကသတိပေးထုတ်ပြန်ပါတယ်။
ဘင်္ဂလားပင်လယ်အော်အနောက်တောင်ပိုင်းမှာ မေလ(၁၁)ရက်နေ့ကစပြီး လေဖိအားနည်း ရပ်ဝန်းဖြစ်နေတာပါ။ လေဖိအားနည်း ရပ်ဝန်းဟာ ပိုအားကောင်းလာနိုင်ပြီး မုန်တိုင်းငယ်ဖြစ်လာနိုင်တယ်လို့ သတိပေးထားပါတယ်။
လက်ရှိရာသီဥတုအခြေအနေအရမြန်မာနိုင်ငံဒေသအနှံ့မှာမေလ ၁၇ရက်အထိ မိုးရွာနိုင်ပြီးကချင်ပြည်နယ်၊စစ်ကိုင်းတိုင်း(အထက်ပိုင်း)၊မကွေးတိုင်း၊ရခိုင်ပြည်နယ်၊မွန်ပြည်နယ်၊ရန်ကုန်တိုင်းနဲ့ရောဝတီတိုင်းတို့မှာနေရာကွက်ပြီးမိုးကြီးနိုင်တယ်လို့ MOHADMက သတိပေးထားပါတယ်။
Public Service Announcement
အထက်ပါဒေသတွေမှာ ပုံမှန်ထက်မိုးကြီးနေပြီး လေပြင်းတိုက်ခတ်တာတွေလည်း ရှ်ိနေတယ်လို့ ဒေသခံတွေကပြောပါတယ်။
အိန္ဒိယမိုးလေဝသဌာနက မေ ၁၃ ရက်ထုတ်ပြန်ချက်မှာလေဖိအားနည်းရပ်ဝန်းဟာ ပိုအားကောင်းလာပြီး ဆိုင်ကလုန်းမုန်တိုင်းဖြစ်မလာသေးပေမယ့် မြန်မာနဲ့ ဘင်္ဂလားဒေ့ရှ်ကမ်းရိုးတန်းဒေသတွေ မိုးနဲ့လေပြင်းအန္တရာယ်သတိပေးထားပါတယ်။
မေလ ၁၅ ရက်မှ စတင်ပြီး မြန်မာနိုင်ငံတောင်ပိုင်းနဲ့ ကမ်းရိုးတန်းဒေသတွေမှာမိုးပိုကြီးနိုင်ပြီး ကမ်းရိုးတန်းဒေသတွေမှာလေပြင်းတိုက်ခတ်ခြင်းနဲ့ လှိုင်းကြီးခြင်းတို့ကို သတိပြုဖို့လည်း သတိပေးချက်တွေရှိနေပါတယ်။
