ဇွန် – ၁ ၊၂၀၂၆ /People’s Spring
ချင်းပြည်နယ်တောင်ပိုင်းကန်ပက်လက်မြို့နယ်မှာစစ်ရှောင်ပြည်သူတွေရဲ့နေအိမ်တွေကိုမသမာသူလူတစ်စုကဖောက်ထွင်းနေတာကြောင့်ညမထွက်ရအမိန့်ကို မြို့နယ်ပြည်သူ့အုပ်ချုပ်ရေးအဖွဲ့(ပ.အ.ဖ)က မေလ ၃၀ ရက်မှာ ထုတ်ပြန်လာပါတယ်။
အာဏာသိမ်းစစ်တပ်ရဲ့ထိုးစစ်ကိုခုခံတိုက်ခိုက်နေတဲ့ကာလအတွင်းကန်ပက်လက်မြို့ပေါ်ကဒေသခံတချို့ကဘေးလွတ်ရာဆီတိမ်းရှောင်ကြပြီး စစ်ရှောင်တွေရဲ့နေအိမ်တွေကို မသမာသူတွေက ဝင်ရောက်ဖောက်ထွင်းခိုးယူနေတာလို့ ကန်ပက်လက်မြို့နယ် ပ.အ.ဖက အသိပေးထားတာပါ။
ဒါကြောင့်ဒေသခံတွေအနေနဲ့ ညအချိန်မှာနေအိမ်နဲ့ ဘေးကင်းရာပုန်းခိုကျင်းတွေမှာသာနေထိုင်ကြဖို့ ၊ ည ၉ နာရီကနေ မနက် ၅ နာရီအထိ အပြင်မထွက်ကြဖို့ ညမထွက်ရအမိန့် ထုတ်ပြန်ပါတယ်။
Public Service Announcement
အဲဒီညမထွက်ရအမိန့်ဟာနောက်ထပ်အမိန့် မထုတ်မပြန်ချင်းအတည်ဖြစ်တယ်လို့အသိပေးထားပါတယ်။
ချင်းပြည်နယ်တောင်ပိုင်းကကန်ပက်လက်မြို့ကို ပြီးခဲ့တဲ့ ၂၀၂၄ ခုနှစ် နှစ်ကုန်ပိုင်းမှာ ချင်းညီနောင်တပ်ဖွဲ့က သိမ်းခဲ့တာပါ။
လက်ရှိမှာတော့ စစ်တပ်က ချင်းပြည်နယ်က ဖလမ်းမြို့ နဲ့ တွန်းဇံမြို့ကို ပြန်လည်သိမ််းယူပြီးနောက်မှာ ပြည်နယ်တောင်ပိုင်းက ကန်ပက်လက်ဆီ ဆက်လက်ထိုးစစ်ဆင်လာတာလည်းဖြစ်ပါတယ်။
ကန်ပက်လက်ဟာမကွေးတိုင်း ၊ပခုက္ကူခရိုင်ယောဒေသ နဲ့ ထိစပ်နေတာပါ။
