ဇွန်-၁၉၊၂၀၂၆။မိုမို/People’s Spring
မကွေးတိုင်း၊ ရေစကြိုမြို့မှာ ကင်းပတ်ထွက်လာတဲ့ စစ်တပ် တိုက်ခံရပြီး သေဆုံးထိခိုက်မှုတွေရှိတယ်လို့ ပြည်သူ့ကာကွယ်ရေးတပ်ဖွဲ့-ရေစကြို(ပကဖ) တာ၀န်ရှိသူက ပြောပါတယ်။
အခု ဇွန်လ ၁၇ ရက် မနက် ၈ နာရီ၀န်းကျင်က ရေစကြိုမြို့တောင်ဘက်က ၂၀၀၀ပြည့်ရပ်ကွက် အနီးမှာ စောင့်ကြိုတိုက်ခိုက်ခဲ့တာဖြစ်ပြီး တိုက်ပွဲက မိနစ် ၃၀ခန့်ကြာမြင့်ခဲ့တယ်လို့ ဆိုပါတယ်။
အဲဒီကင်းပတ်ထွက်လာတဲ့ စစ်တပ်က အင်အား ၂၀ ၀န်းကျင်ပါပြီး တိုက်ခိုက်မှုအတွင်း အမှတ် (၂၅၆)ခြေလျင်တပ်ရင်း (ခလရ-၂၅၆)တပ်ရင်းက တပ်ကြပ်ကြီးဇော်မင်းအပါအ၀င် ၂ဦးမျက်မြင်သေဆုံးပြီး ၃ဦး ဒဏ်ရာရတယ်လို့ အသိပေးပါတယ်။ ဒါ့အပြင် ရဲဘော် ၁ဦး လည်းထိခိုက်ခဲ့တယ်လို့ သိရပါတယ်။
Public Service Announcement
စစ်တပ်က သေဆုံးထိခိုက်မှုနဲ့ ပတ်သက်ပြီး လူထုနွေဦးက သီးခြားအတည်ပြုမရသေးပါဘူး။
စောင့်ကြိုတိုက်ခံရပြီးနောက် စစ်တပ်က ရေစကြိုမြို့ပေါ်ပြန်၀င်သွားတယ်လို့ -ရေစကြို(ပကဖ) တာ၀န်ရှိသူက ပြောပါတယ်။
ရေစကြိုမြို့ပေါ်မှာ ရုံးပေါင်းစုံနဲ့ စစ်မှုထမ်းဟောင်းရုံးတွေမှာ စစ်တပ်က တပ်စွဲထားပါတယ်။
အခု ဇွန်လ ၈ ရက်ကလည်း စစ်တပ်အတွက် တပ်သားသစ်တွေ စုဆောင်းပေးနေတဲ့ ရေစကြိုမြို့ အမှတ်(၄) ရပ်ကွက်အုပ်ချုပ်ရေးမှူးနဲ့သားဖြစ်သူ ပျူစောထီးတို့ နေအိမ်ပေါ်မှာ ပစ်ခတ်ခံရပြီး သေဆုံးခဲ့ပါတယ်။
ရေစကြိုမြို့အနောက်ဘက် (၂)မိုင်၀န်းကျင် အကွာက ဖူလုံရွာအနီးမှာ စစ်တပ်ရဲ့ အမှတ် (၂၅၆၊၂၅၈၊၂၅၈) ခြေလျင်တပ်ရင်းတွေရှိပါတယ်။ဒါ့အပြင် ပခုက္ကူမြို့နယ်နဲ့ ဆက်စပ်နေတာကြောင့်လည်း တပ်မ(၁၀၁)ကနေ ရေစကြိုမြို့နယ်ကို မကြာခဏ စစ်ကြောင်းထိုးမီးရှို့သတ်ဖြတ်တာရှိပါတယ်။
ရုပ်သံ – ရေစကြို ပကဖ
