ဇူလိုင် – ၂ ၊၂၀၂၆ /People’s Spring
ချင်းဒေသကာကွယ်ရေးတပ် -ဟားခါး(CDF – Hakha) ဆီအာဏာသိမ်းစစ်တပ်ရဲ့ တိုက်ခိုက်ရေးတပ်မ ၇၇ လက်အောက်ခံတပ်က တပ်သားနှစ်ဦး ဘက်ပြောင်းလာတယ်လို့ CDF ဟားခါးထောက်ပို့အဖွဲ့ ရဲ့ ဖော်ပြချက်အရသိရပါတယ်။
ဘက်ပြောင်းလာသူနှစ်ဦးရဲ့ဓာတ်ပုံတွေကိုပြီးခဲ့တဲ့ ရက်ပိုင်း ဇွန်လ ၃၀ ရက်ကဖော်ပြခဲ့ပြီးသူတို့နှစ်ဦးဟာ တပ်မ ၇၇ ကဖြစ်တယ်လို့ဆိုထားပါတယ်။
အာဏာသိမ်းစစ်တပ်ကိုစွန့်ခွာပြီးဘက်ပြောင်းလာသူတွေကို ကြိုဆိုပြီး ဘေးကင်းလုံခြုံတဲ့နေရာထိလိုက်ပါပို့ဆောင်မှာဖြစ်သလိုဆုကြေးချီးမြှင့်မယ်လို့လည်း CDF ဟာခါးကအသိပေးထားပါတယ်။
Public Service Announcement
ပြီးခဲ့တဲ့ဇွန်လ၁၇ ရက်ကလည်းချင်းပြည်နယ်နဲ့ စစ်ကိုင်းတိုင်းအစပ်က ကလေး-တီးတိန်-ဟားခါးလမ်းခွဲကသိုင်းငင်းရွာမှာတပ်ဖွဲ့ ထားတဲ့ တပ်မ ၇၇ လက်အောက်ခံခလရ ၁၀၁ ကတပ်ကြပ်ကြီးအဆင့်အပါအဝင် စစ်သားလေးဦးဟာလက်နက်နဲ့အတူဘက်ပြောင်းလာတယ်လို့ချင်းကာကွယ်ရေးတပ် – စီးယင်း (CDF CDM Siyin)ကဖော်ပြထားပါတယ်။
မြန်မာနိုင်ငံမှာစစ်တပ်ရဲ့တကျော့ပြန်အာဏာသိမ်းမှု၂၀၂၁ခုနှစ်၊ဖေ ဖော်ဝါရီလ ၁ ရက်ကစတင်ပြီး ၂၀၂၄ နှစ်ကုန်အထိ စစ်တပ် နဲ့ ရဲ စုစုပေါင်း ဦးရေတစ်သောင်းခွဲခန့် ဘက်ပြောင်းခဲ့တယ်လို့ အမျိုးသားညီညွတ်ရေးအစိုးရ (NUG) ကစာရင်းထုတ်ပြန်ခဲ့ပါတယ်။
အဲဲဒီကာလအတွင်းစစ်တပ်ဘက်ကပြောင်းလာသူတွေထဲမှာလက်နက်၊ခဲယမ်းယူလာသူ ၂၁၀ ဦးရှိတယ်လို့သိရပါတယ်။
