ဇူလိုင်-၂၄ ၊ ၂၀၂၆။ဇော်ဝင်း/People’s Spring
မြန်မာနိုင်ငံရဲ့ ဟိုတယ်နဲ့ခရီးသွားလုပ်ငန်းစုကြီး Amata က ဟိုတယ် ၂လုံး ထုတ်ရောင်းတော့မယ်လို့ သတင်းရရှိပါတယ်။
အခု ဇူလိုင် ၂၁ ရက်က Amata Holding Public ကုမ္ပဏီ အစည်းအဝေးဆုံးဖြတ်ချက်မှာ အစုရှယ်ယာရှင်တွေရဲ့ သဘောတူညီတဲ့ အတည်ပြုချက်နဲ့ ဟိုတယ် ၂ခုကို ထုတ်ရောင်းမှာလို့ သိရပါတယ်။
လုပ်ငန်းဝင်ငွေနဲ့ လုပ်ငန်းလည်ပတ်မှုကို သိသာထင်ရှားတဲ့ သက်ရောက်မှုမရှိတော့တာကြောင့် လုပ်ငန်းစုပိုင်ဟိုတယ်တွေဖြစ်တဲ့ Amata Resort & Spa (Andaman)နဲ့ My Bagan Residence by Amata ကို ရောင်းချလွှဲပြောင်းဖို့ အတည်ပြုခဲ့တာဖြစ်ပါတယ်။
Public Service Announcement
အဲဒီဟိုတယ် ၂ခုဟာ ကော့သောင်းနဲ့ ပုဂံဒေသမှာရှိပြီး လွန်ခဲ့တဲ့ ၈နှစ်၀န်းကျင်က ဖွင့်လှစ်ခဲ့တာဖြစ်ပါတယ်။
၁၉၉၃က ဦး၀င်းအောင်တည်ထောင်ခဲ့တဲ့ AMATA ဟိုတယ်လုပ်ငန်းစုက နိုင်ငံရဲ့ အဓိကခရီးသွား ဒေသတွေ ဖြစ်တဲ့ ပုဂံ၊ အင်းလေး၊ ရှမ်းပြည်နယ်၊ ကရင်ပြည်နယ် အပါအဝင် ငပလီကမ်းခြေတွေမှာဟိုတယ်လုပ်ငန်းတွေရှိပါတယ်။
ဒါ့အပြင် Myanmar Oriental Ballooning မီးပုံးပျံ ပျံသန်းလုပ်ငန်း၊ခရီးသွားနဲ့ဆက်စပ်တဲ့ လုပ်ငန်းတွေကို လုပ်ကိုင်နေပါတယ်။
ဟိုတယ် ၂ခု ရောင်းချမယ့် ပမာဏနဲ့ လုပ်ငန်းစဉ်အသေးစိတ်ကို Amata Holding Public ကုမ္ပဏီထံ လူထုနွေဦးက ဆက်သွယ်မေးမြန်းပေမယ့် ဖုန်းလက်ခံဖြေကြားခြင်း မရှိခဲ့ပါဘူး။
စစ်တပ်အာဏာသိမ်းပြီးနောက်ပိုင်း ၂၀၂၁ဖေဖော်ဝါရီက စပြီး မြန်မာနိုင်ငံကိုနိုင်ငံခြားသားခရီးသွားလာရောက်လည်ပတ်မှု မရှိသလောက်နည်းသွားတဲ့အတွက် ဟိုတယ်တွေ ၊ခရီးသွားလုပ်ငန်းအများစုရပ်ဆိုင်းသွားသလို ၊အချို့ ဟိုတယ်လုပ်ငန်းတွေဟာ ပြည်တွင်းခရီးသွားလုပ်ငန်းကိုအားထားလည်ပတ်နေကြရပါတယ်။ ဒါအပြင် ရန်ကုန် ၊မန္တလေးမြို့ကဟိုတယ် အချို့ဟာ ကျားဖြန့်လုပ်ငန်းတွေကို ငှားရမ်းလုပ်ကိုင်ခွင့်ပေးနေတယ်လို့ဒေသခံပြည်သူတွေကပြောပါတယ် ။
