ဇူလိုင် – ၃၀ ၊၂၀၂၆/People’s Spring
မန္တလေးတိုင်း ၊ ပြင်ဦးလွင်မြို့၊အနီးစခန်းရှိ ဓာတ်တော်ချိုင့် ရေတံခွန်ဆီ လာရောက်လည်ပတ်တဲ့ ဆယ်ကျော်သက်မိန်းကလေးငယ်တစ်ဦး မနေ့ (ဇူလိုင် ၂၉ ရက်)နေ့ခင်းပိုင်းက ပြုတ်ကျပြီးရေနစ်သေဆုံးမှုဖြစ်ပွားခဲ့တယ်လို့ လူမှုကူညီရေးလုပ်ကိုင်သူအချို့ဆီကသိရပါတယ်။
မနေ့နေ့ခင်းပိုင်း ၃ နာရီခွဲခန့်က ဓာတ်တော်ချိုင့်ရေတံခွန်မှာသူငယ်ချင်းတွေနဲ့ အလည်လာရင်း မိန်းကလေးငယ်ဟာ ခြေချော်ပြီး ရေထဲ ပြုတ်ကျသွားတာပါ။
“ရေကစားရင်း ခြေချော်ပြီ ပြုတ်ကျသွားတဲ့သဘောပါ”လို့ လူမူကူညီရေး လုပ်ကိုင်သူ တစ်ဦးကပြောပါတယ်။
Public Service Announcement
သေဆုံးသွားတဲ့ မိန်းကလေးငယ်ဟာ အသက် ၁၆ နှစ်အရွယ်သာရှိပါတယ်။ ရုပ်အလောင်းကိုတော့ လူမှုကူညီရေးအသင်းတွေက ရှာဖွေပြီး ပြင်ဦးလွင်ဆေးရုံဆီ ပို့ထားတယ်လို့သိရပါတယ်။
