ဩဂုတ် -၁၊၂၀၂၆။မိုမို/People’s Spring
မန္တလေးတိုင်း၊ တောင်သာမြို့က စစ်တပ်ရဲ့ စစ်ဆေးရေးဂိတ်တွေကို တော်လှန်ရေးတပ်တွေက တိုက်ခိုက်သိမ်းပိုက်ခဲ့တယ်လို့ မြင်းခြံခရိုင် အမှတ် (၁)တပ်ရင်း တာ၀န်ရှိသူက လူထုနွေဦးကို ပြောပါတယ်။
မြို့အရှေ့ဘက်က မန်ကျည်းရိုးဂိတ်နဲ့ ဗိဿနိုးဂိတ်ကို ဇူလိုင် ၂၈ ရက်က မဟာမိတ်တွေနဲ့ စုပေါင်းပြီးတိုက်ခိုက်ခဲ့တာလို့ ဆိုပါတယ်။
အဲဒီဂိတ်စခန်းတွေထဲမှာ ပြည်သူတွေကို လက်နက်ပြ မိုက်ကြေးခွဲငွေညစ်နေမှုမှာ အဓိကကျတဲ့ မန်ကျည်းရိုးဂိတ်ကို သိမ်းပိုက်ရရှိခဲ့တယ်လို့ အသိပေးပါတယ်။
Public Service Announcement
” တိုက်ခဲ့တဲ့ ဂိတ်စခန်းနှစ်ခုမှာ စစ်တပ်က အင်အား၅၀ ဝန်ကျင်လောက်ရှိတယ်။သေဆုံးတာတော့ နှစ်ယောက်ရှိတယ်ကြားတယ်။သွေးကွက်တွေတွေ့ခဲ့ရတယ်”လို့ အထက်ပါတာ၀န်ရှိသူက ပြောပါတယ်။
တိုက်ခိုက်သိမ်းပိုက်မှုအတွင်း စစ်ကောင်စီတပ်သားတွေ ထွက်ပြေးသွားတာကြောင့် လက်နက် ၂လက်သိမ်းရပြီး ဂိတ်စခန်းကို မီးရှို့ဖျက်ဆီးခဲ့တယ်လို့ သိရပါတယ်။ တိုက်ပွဲမှာ ရဲဘော် ၁ဦးဒဏ်ရာ ရရှိခဲ့တယ်လို့လည်း ဆိုပါတယ်။
” တိုက်ပွဲက ၂၈ ရက်နေ့ မနက်အစော ၄ နာရီ ကျော်ကျော်လောက်ကတည်းက။တပ်ပေါင်းစု ပုံသဏ္ဍာန်စုဖွဲ့ပြီး တိုက်ခဲ့ကြတယ်”လို့ တောင်သာမြို့နယ်အခြေစိုက် တော်လှန်ရေးရဲဘော်တစ်ဦးက ပြောပါတယ်။
တောင်သာမြို့က ဂိတ်စခန်းတွေကို မြင်းခြံခရိုင် အမှတ် (၁၊၂၊၃၊၇၊၈)ခရိုင်တပ်ရင်းတွေနဲ့ မြင်းခြံခရိုင်ပကဖ၊ နွားထ်ိုးကြီးမြို့နယ် ပကဖ၊တောင်သာမြို့နယ် ပကဖ နဲ့ စဉ့်ကိုင် ပကဖ တို့ပူးပေါင်းတိုက်ခိုက်ခဲ့တယ်လို့ သိရပါတယ်။
