သြဂုတ် ၄၊၂၀၂၆။သုည/People’s Spring
အိုင်ယာလန်နဲ့ သြစတြေးလျနိုင်ငံရောက်မြန်မာတွေ စုပေါင်းပြီး (၃၈) နှစ်မြောက် ၈လေးလုံး အရေးတော်ပုံနေ့ အထိမ်းအမှတ်အကြို လူထုလှုပ်ရှားမှုတွေ သြဂုတ် ၃ ရက်က ပြုလုပ်ခဲ့ပါတယ်။
အိုင်ယာလန်နိုင်ငံ Kilkenny မြို့ရှိ Kilkenny Castle နဲ့ အခြားသောနေရာတွေမှာ ပြည်ပရောက် မြန်မာတွေ စုပေါင်းပြီး (၃၈) နှစ်မြောက် ရှစ်လေးလုံးအထိမ်းအမှတ်အကြို အနေနဲ့ ထီးသပိတ်လှုပ်ရှားမှုကို လုပ်ဆောင်ခဲ့ကြပါတယ်။
သြစတြေးလျနိုင်ငံ Perth မြို့မှာလည်း ရှစ်လေးလုံးမျိုးဆက် အင်အားစုတွေ ဦးဆောင်ပြီး (၃၈) နှစ်မြောက် ၈လေးလုံး အရေးတော်ပုံနေ့ အထိမ်းအမှတ် အခမ်းအနား ပြုလုပ်ခဲ့ပါတယ်။
Public Service Announcement
အလားတူ သြစတြေးလျနိုင်ငံ ဆစ်ဒနီမြို့မှာလည်း ပြည်ပရောက် မြန်မာတိုင်းရင်းသားတွေက “အကြောက်တရားမှလွတ်မြောက်ရာဆီသို့” စာသားနဲ့ ၈ ဂဏန်းပါ ထီးတွေကို ကိုင်ဆောင်ပြီး ထီးသပိတ်လှုပ်ရှားမှုကို ဆင်နွှဲခဲ့ပါတယ်။
လာမယ့် သြဂုတ် ၈ ရက်မှာ ကျရောက်မယ့် (၃၈) နှစ်မြောက် ၈လေးလုံး ဒီမိုကရေစီအရေးတော်ပုံ အထိမ်းအမှတ်အနေနဲ့ ပြုလုပ်မယ့် “၈၈၈၈ ထီးသပိတ်လှုပ်ရှားမှု” မှာ ပြည်သူတွေနဲ့ ကမ္ဘာတဝန်းက မြန်မာ့အရေးထောက်ခံတွေ ပါဝင်ကြဖို့ ရန်ကုန်လူထုသပိတ်က တိုက်တွန်းလှုံ့ဆော်ထားပါတယ်။
