စစ်ကိုင်းရေဘေး ရေပြန်ကျပေမယ့် ရိက္ခာနဲ့ ဆေးဝါးအကူအညီ လိုအပ်နေ

သြဂုတ် ၁၅၊ ၂၀၂၆။ ဇေအောင်/People’s Spring

စစ်ကိုင်းတိုင်းက ရေဘေးသင့်ဒေသတွေမှာ ရေပြန်လည်ကျဆင်းနေပေမဲ့ ရိက္ခာနဲ့ ဆေးဝါးအကူအညီတွေ လိုအပ်နေကြောင်း ရေဘေးကူညီနေသူတွေက ပြောပါတယ်။

​ရေ​ဘေးဒဏ် အဆိုးဆုံးရင်ဆိုင်​နေရတဲ့ စစ်ကိုင်းတိုင်းက မြို့နယ် ၁၃ မြို့နယ်မှာ ရေ​ကြီး​ရေလျှံ​မှူတွေ ဖြစ်ပွားခဲ့ရာမှာ ယခုရက်ပိုင်း ရေပြန်လည်ကျဆင်းလာပေမဲ့ စားနပ်ရိက္ခာနဲ့ ဆေးဝါးတွေ အရေး​ပေါ် လိုအပ်နေကြောင်း ရေဘေးကူညီနေသူတွေက ပြောပါတယ်။

“ရေဘေးအခြေအနေကတော့ အောက်ပိုင်းမြို့နယ်တွေကတော့ ကူညီနေရဆဲဖြစ်တယ်။ အဓိကကတော့ ရိက္ခာနဲဆေးဝါး အဓိကလိုမယ်လို့ ယူဆပါတယ်။ ပြီးရင်တော့ ပြန်လည်ထူထောင်ရေးအတွက်လည်း လိုအပ်ပါတယ်”လို့ ကူညီကယ်ဆယ်ရေး လုပ်နေတဲ့ စစ်ကိုင်းတိုင်းဒေသ သပိတ်အင်အားစုမှ ကိုရှင်းသန့်က ပြောပါတယ်။

Public Service Announcement

အလားတူ ရွှေဘိုပကဖ တာဝန်ရှိသူကလည်း “ရေသန့်နဲ့ ဆေးဝါးတွေ အဓိက လိုအပ်ပါတယ်”လို့ ပြောပါတယ်။

ရေကြီးရေလျှံမှုကြောင့် လမ်းပိုင်းတွေလည်း ပျက်စီးသွားတာမို့ ရေဘေးကူညီမှုသွားတဲ့နေရာမှာ ကြန့်ကြာမှုတွေ ရှိနေတယ်လို့လည်း သိရပါတယ်။

ရေကြီးတဲ့ဒေသတွေဟာ စစ်တ​ပ်ရဲ့ အကြမ်းဖက်သတ်ဖြတ်မှုတွေ၊ စစ်ကြောင်းထိုးမီးရှိူ့မှုတွေ၊ လေကြောင်းတိုက်ခိုက်မှုတွေ အ​ကြိမ်ကြိမ်ခံခဲ့ရတဲ့ဒေသတွေ ဖြစ်ပါတယ်။

လက်ရှိ စစ်ကိုင်းတိုင်းက အဲဒီဒေသတွေမှာ ရေဘေးသင့် ပြည်သူ ၂၂၆,၀၀၀ ကျော်ရှိ​နေပါတယ်။ စစ်ကိုင်းတိုင်းမှာ ရေ​ဘေး​ကြောင့် သေဆုံးသူ ၂၃ ဦးထိရှိလာပြီး ၂ ဦး​ပျောက်ဆုံး​နေတယ်လို့ အမျိုးသားညီညွတ်ရေးအစိုးရ(NUG)၊ လူမှုရေးရာ၊အလုပ်သမားနဲ့ လူသားချင်းစာနာထောက်ထားရေးဝန်ကြီးဌာနက သြဂုတ် ၁၁ရက် ညပိုင်းမှာ ထုတ်ပြန်ခဲ့ပါတယ်။

သဖန်းဆိပ်ဆည်က ​ရေလွှတ်တာ၊ မိုးသည်းထန်စွာရွာသွန်းတာ​တွေ​ကြောင့် သဖန်းဆိပ်ဆည်​အောက်ဘက် မူးမြစ်ကမ်းတ​လျှောက်မြို့နယ်​တွေမှာ ​သြဂုတ် ၆ ရက်ကစပြီး ရေ​ဘေးရင်ဆိုင်​နေရတာဖြစ်ပါတယ်။ ​