Connect with us

Hi, what are you looking for?

LuduNwayOo

နိုင်ငံတကာ

အိန္ဒိယကို ကုန်းတွင်းဝင်ရောက်ပြီးနောက် အရှိန်လျော့သွားပြီဖြစ်တဲ့ ဆိုင်ကလုန်း တောက်တဲ့

အိန္ဒိယ နိုင်ငံကို ကုန်းတွင်း ဝင်ရောက် တိုက်ခတ်ခဲ့တဲ့နောက် ဆိုင်ကလုန်း မုန်တိုင်းကြီး တောက်တဲ့ဟာ အင်အားပျော့ ပျက်ပြယ်လာနေပြီလို့ သိရပါတယ်။

တောက်တဲ့ဟာ အားအကောင်းဆုံး အချိန်တုန်းက အထူးတလည် ဖျက်ဆီးအား ပြင်းထန်တဲ့ မုန်တိုင်းကြီး အဆင့်မျိုး သတ်မှတ် ခံခဲ့ရပါတယ်။ တောက်တဲ့ဟာ အိန္ဒိယ နိုင်ငံ အနောက်ပိုင်းက ဂူဂျာရတ် ပြည်နယ်ကို ဖြတ်သန်း ဝင်ရောက်ချိန်မှာ အမြင့်ဆုံး လေတိုက်နှုန်း တစ်နာရီကို ကီလိုမီတာ ၁၆၀ လောက်ထိ အားကောင်းခဲ့ပါတယ်။

တောက်တဲ့ ဖြတ်သန်းတဲ့ လမ်းကြောင်းဟာ အိန္ဒိယရဲ့ အဓိက စီးပွားရေး မြို့တော်ကြီး တစ်ခုဖြစ်တဲ့ မွမ်ဘိုင်းနဲ့ ကပ်ပြီး လွဲချော်သွားခဲ့ပါတယ်။ မုန်တိုင်းကြောင့် လူပေါင်း ၁၂ ဦးထက်မနည်း သေဆုံးပြီး ၂ သိန်းကျော် အရေးပေါ် ရွှေ့ပြောင်းခဲ့ရပါတယ်။

အိန္ဒိယဟာ လက်ရှိ ကာလမှာ Covid-19 ကပ်ရောဂါ ဖိစီးမှု အဆိုးရွားဆုံး ကမ္ဘာ့နိုင်ငံအဖြစ် ရပ်တည်နေပါတယ်။ ဒါကြောင့်လည်း မုန်တိုင်းကာလ အရေးပေါ် ရွှေ့ပြောင်းမှုတွေ စီစဉ်တဲ့ အခါမှာ အခက်အခဲတွေ အများကြီး ကြုံတွေ့ခဲ့ရပါတယ်။

အိန္ဒိယ ရေတပ်ဟာ မုန်တိုင်း ကာလအတွင်း ပိတ်မိနေသူတွေကို ကူညီ ကယ်ဆယ်ဖို့ သင်္ဘော ၃ စီးကိုလည်း စေလွှတ်ပေးခဲ့ပါတယ်။ မုန်တိုင်းကြောင့် ဂူဂျာရတ်နဲ့ အနီးတဝိုက် ပြည်နယ်တချို့မှာ လေပြင်းတွေ တိုက်ခတ်ပြီး မိုးသည်းသည်းထန်ထန် ရွာသွန်းခဲ့သလို အိမ်ခြေ အဆောက်အအုံတွေလည်း ပျက်စီးခဲ့ပါတယ်။ ပြီးတော့ သစ်ပင်တွေ အမြစ်က ကျွတ်ထွက်ကုန်သလို ဓာတ်တိုင်တွေလည်း လဲပြိုကုန်ပါတယ်။

တောက်တဲ့ဟာ ၁၉၉၈ နောက်ပိုင်း ဂူဂျာရတ်နဲ့ အိမ်နီးချင်း မဟာရှာထရာ ပြည်နယ်တွေမှာ ကြုံဖူးသမျှ အားအပြင်းဆုံး ဆိုင်ကလုန်း မုန်တိုင်းအဖြစ် မှတ်တမ်း ဝင်ခဲ့ပါတယ်။ အိန္ဒိယ သမုဒ္ဒရာထဲက ဆိုင်ကလုန်း မုန်တိုင်းတွေကို ဒေသတွင်း နိုင်ငံတွေက အလှည့်ကျ နာမည် မှည့်ခေါ်လေ့ရှိပြီး တောက်တဲ့ကတော့ မြန်မာနိုင်ငံက ပေးထားတဲ့ နာမည်ဖြစ်ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

နယ်စပ်မှာ တပ်တွေ လျှော့ချနေကြောင်း အိန္ဒိယဖက်က ကြေညာပေမယ့် နယူးဒေလီ အခြေစိုက် တရုတ်သံရုံးကတော့ ဒီကိစ္စအပေါ် ဘာမှတ်ချက်မပေးသေးပါဘူး။ အိန္ဒိယနဲ့ တရုတ်တို့ဟာ ကီလိုမိတာ ၃၈၀၀ လောက် ရှည်လျားတဲ့ နယ်စပ်ကို မျှဝေထားပါတယ်။

နိုင်ငံတကာ

ဓာတ်ငွေ့ တာဘိုင် ၄ လုံးနဲ့ လည်ပတ်တဲ့ သင်္ဘောကြီးဟာ အမြင့်ဆုံးမြန်နှုန်း တစ်နာရီ ၃၂ မိုင်နှုန်းနဲ့ တစ်ကြိမ် လောင်စာဖြည့်ပြီးတိုင် မိုင်ပေါင်း ၈၆၀၀ လောက်ထိ ခရီးပေါက်အောင် ခုတ်မောင်းနိုင်မယ်လို့ ယုံကြည်ရပါတယ်။

ဗီဒီယို

အုပ်စုဖွဲ့ မုဒိမ်းကျင့်သူတွေကို ပြန်လွှတ်ပေးမယ့် လုပ်ရပ်ကို မကျေနပ်တဲ့အတွက် ဩဂုတ် ၂၇ ရက်က ဒေလီမြို့တော်မှာ လူတွေ ရာနဲ့ချီ စုဝေးပြီး ဆန္ဒပြခဲ့ကြပါတယ်။ အိန္ဒိယက တခြားပြည်နယ် တချို့မှာလည်း အလားတူ စုဝေးပြီး ဆန္ဒပြတာတွေ ဖြစ်လာကြပါတယ်။

နိုင်ငံတကာ

မတ်လတုန်းက အိန္ဒိယ ဒုံးကျည်တစ်စင်းဟာ ပါကစ္စတန် ပိုင်နက်ထဲ ကျရောက်ခဲ့ပါတယ်။ အိန္ဒိယက ဒါဟာ ရည်ရွယ်ချက် မပါတဲ့ အမှားသက်သက်ဖြစ်ကြောင်း ဝန်ခံခဲ့ပြီး အသေးစိတ် စုံစမ်း စစ်ဆေးမှုတွေ ပြုလုပ်သွားမယ်လို့ ချက်ချင်း ကြေညာခဲ့ပါတယ်။