Connect with us

Hi, what are you looking for?

LuduNwayOo

နိုင်ငံတကာ

ထရမ့်ရဲ့ အကောင့်ကို ၂ နှစ် ပိတ်ထားဖို့ Facebook ဆုံးဖြတ်

အမေရိကန် သမ္မတဟောင်း ဒေါ်နယ်လ်ထရမ့်ရဲ့ အကောင့်ကို ၂ နှစ်ကြာ ပိတ်ထားမယ်လို့ Facebookက ထုတ်ပြန် ကြေညာခဲ့ပါတယ်။

အခုနှစ်ဆန်းပိုင်းက အမေရိကန် လွှတ်တော်မှာ ဖြစ်ပွားခဲ့တဲ့ စီးနင်း တိုက်ခိုက်မှုနဲ့ ဆက်စပ်ပြီး ထရမ့်ဟာ အမြင့်ဆုံး အရေးယူ တုံ့ပြန်မှုနဲ့ ထိုက်တန်တယ်လို့ ကမ္ဘာကျော် လူမှုကွန်ရက် မီဒီယာ လုပ်ငန်းစုကြီးက သဘောထား ထုတ်ပြန်ခဲ့ပါတယ်။ ဇန်နဝါရီ လဆန်းတုန်းက အမေရိကန် လွှတ်တော်ကို ထရမ့် ထောက်ခံသူတွေက ဝင်ရောက် စီးနင်းခဲ့ရာက လူ ၅ ဦး သေဆုံးခဲ့ပါတယ်။

ဒီပြဿနာ နောက်ပိုင်းမှာ ကတည်းက Facebookဟာ သူတို့ရဲ့ ပလက်ဖောင်းကို ဝါဒဖြန့်ချိရေးအတွက် ထရမ့်က အသုံးမပြုနိုင်အောင် သမ္မတဟောင်းရဲ့ အကောင့်ကို အချိန် အကန့်အသတ်မရှိ ပိတ်ထားခဲ့ပါတယ်။ ထရမ့်ရဲ့ လုပ်ဆောင်ချက်တွေဟာ Facebookရဲ့ စံနှုန်း စည်းမျဉ်းတွေကို ပီပီပြင်ပြင် ချိုးဖောက်ခဲ့တယ်လို့ ယုံကြည်ကြောင်း Facebookရဲ့ နိုင်ငံတကာရေးရာ ဌာန ဒုတိယ ဥက္ကဋ္ဌ နစ်ခ်ကလက်ဂ်က ထုတ်ပြန်ခဲ့ပါတယ်။

Facebookရဲ့ အမှီအခိုကင်းတဲ့ စုံစမ်းရေး ကော်မတီ တစ်ရပ်က ထရမ့်ရဲ့ အကောင့်ကို ဆက်ပြီး ပိတ်ပင်ထားသင့်ကြောင်း မေလတုန်းက ပြုလုပ်တဲ့ အစည်းအဝေးမှာ ထောက်ခံ ဆုံးဖြတ်ခဲ့ပါတယ်။ ထရမ့်ဟာ ဇန်နဝါရီ လကတည်းက Facebookပေါ်ကနေ ဖယ်ရှား ခံထားရတာပါ။

ထရမ့် ကိုယ်တိုင်ကတော့ သူဟာ လွှတ်တော် စီးနင်းမှုကို နောက်ကွယ်ကနေ အားပေးအားမြှောက် လုပ်ခဲ့ပါတယ်ဆိုတဲ့ စွပ်စွဲချက်တွေကို အတိအလင်း ငြင်းဆိုထားပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ရိုဟင်ဂျာများအပေါ် ကျူးလွန်သော ရာဇ၀တ်မှုများနှင့်ပတ်သက်၍ တာ၀န်ခံမှုရှိစေရေး နိုင်ငံတကာ၏ ကြိုးပမ်းမှုများကို ကူညီထောက်ပံ့မည်ဟု Facebook ကုမ္ပဏီက ပြောကြား ထားသည်။

သတင်း

ဖေ့စ်ဘုတ်သည် ၂၀၁၈ ကတည်းက စစ်တပ်၏ များပြားလှသော လူ့အခွင့်အရေးချိုးဖောက်မှုများ ကြောင့် တပ်မတော်ကာကွယ်ရေးဦးစီးချုပ်မင်းအောင်လှိုင်အပါအဝင် စစ်တပ်နှင့်ဆက်စပ်သော ပုဂ္ဂလိကအကောင့်များနှင့် အဖွဲ့အစည်းများ၏စာမျက်နှာ ၂၀ ကို စတင်ပိတ်ပင်ခဲ့သည်။

နိုင်ငံတကာ

ယူကရိန်းကို ကျူးကျော်မှုနဲ့ ပတ်သက်လို့ ရုရှား အစိုးရကို ထောက်ခံတဲ့ မီဒီယာ တချို့မှာ Facebookက ဆင်ဆာ ဖြတ်တောက်တာတွေ လုပ်ခဲ့တဲ့နောက် ရုရှားက အခုလို တုံ့ပြန်ခဲ့တာ ဖြစ်ပါတယ်။

News

မြန်မာစစ်တပ်နှင့်ဆက်နွှယ်သည့် စီးပွားရေးလုပ်ငန်းများ၊ အကျိုးအမြတ်တူ စီးပွားရေး လုပ်ငန်းများအနေဖြင့် အကြမ်းဖက်အားပေးလုပ်ရပ်များကို ရပ်တန်းက ရပ်ကြရန် လိုအပ်ကြောင်း လူ့အခွင့်အရေး တက်ကြွလှုပ်ရှားသူ မသဥ္ဇာရွှန်းလဲ့ရည်က တိုက်တွန်းသည်။