Connect with us

Hi, what are you looking for?

LuduNwayOo

နိုင်ငံတကာ

တရုတ်ဟာ မကောင်းဆိုးရွား အင်ပါယာကြီး ဖြစ်လာနေပြီလို့ အမေရိကန် ဒုတိယ သမ္မတဟောင်း စွပ်စွဲ

လောလောဆယ်မှာ တရုတ်ဟာ မကောင်းဆိုးရွား အင်ပါယာကြီး မဖြစ်သေးကြောင်း၊ ဒါပေမဲ့ အဲဒီ အဆင့်ထိ ရောက်လာအောင် နေ့တိုင်းလိုလို အပတ်တကုတ် ကြိုးစား တည်ဆောက်နေကြောင်း၊ ကွန်မြူနစ် တရုတ်ဟာ ဆိုဗီယက် ပြည်ထောင်စုထက်တောင် အမေရိကန်အပေါ် ဘက်ပေါင်းစုံက ခြိမ်းခြောက်လာနိုင်ကြောင်း ဒုတိယ သမ္မတဟောင်းက သတိပေးသွားခဲ့ပါတယ်။

တရုတ်ဟာ မကောင်းဆိုးရွား အင်ပါယာကြီးတစ်ခုအသွင် တဖြည်းဖြည်း ကူးပြောင်းလာနေတယ်လို့ အမေရိကန် ဒုတိယ သမ္မတဟောင်း မိုက်ခ်ပန့်စ်က စွပ်စွဲ ပြောကြားသွားခဲ့ပါတယ်။

ဒေါ်နယ်လ်ထရမ့်ရဲ့ အစိုးရ လက်ထက်မှာ ဒုတိယ သမ္မတ အနေနဲ့ တာဝန်ယူခဲ့ဖူးတဲ့ ပန့်စ်က နိုင်ငံတကာ အသိုက်အဝန်း အနေနဲ့ တရုတ်ရဲ့ ခြေလှမ်းကျယ်မှုတွေကို မျက်ခြေမပြတ် လေ့လာနေသင့်ကြောင်း သတိပေးသွားပါတယ်။ ပြီးတော့ စစ်အေးခေတ် ဆိုဗီယက် ပြည်ထောင်စုလိုပဲ အမေရိကန်ကို တရုတ်က ခြိမ်းခြောက်လာနိုင်တယ်လို့ ပန့်စ်က ဆိုပါတယ်။

ပန့်စ်က လက်ရှိ အမေရိကန် သမ္မတ ဂျိုးဘိုင်ဒန် အနေနဲ့ တရုတ်နိုင်ငံဆိုင်ရာ မူဝါဒတွေမှာ ပိုပြီး ဖိဖိစီးစီး၊ တင်းတင်းမာမာ ကိုင်တွယ်ဖို့လည်း တိုက်တွန်းသွားပါတယ်။ အမေရိကန်ရဲ့ ကြွယ်ဝမှု၊ လုံခြုံရေးနဲ့ တန်ဖိုးထားရတဲ့ အရာတိုင်းအတွက် ကမ္ဘာပေါ်မှာ အကြီးကျယ်ဆုံး ခြိမ်းခြောက်မှုကတော့ တရုတ် ကွန်မြူနစ်ပါတီ ဖြစ်လာပြီလို့ ပန့်စ်က ပြောကြားသွားပါတယ်။

လောလောဆယ်မှာ တရုတ်ဟာ မကောင်းဆိုးရွား အင်ပါယာကြီး မဖြစ်သေးကြောင်း၊ ဒါပေမဲ့ အဲဒီ အဆင့်ထိ ရောက်လာအောင် နေ့တိုင်းလိုလို အပတ်တကုတ် ကြိုးစား တည်ဆောက်နေကြောင်း၊ ကွန်မြူနစ် တရုတ်ဟာ ဆိုဗီယက် ပြည်ထောင်စုထက်တောင် အမေရိကန်အပေါ် ဘက်ပေါင်းစုံက ခြိမ်းခြောက်လာနိုင်ကြောင်း ဒုတိယ သမ္မတဟောင်းက သတိပေးသွားခဲ့ပါတယ်။

ထရမ့် လက်ထက်က အမေရိကန် အစိုးရဟာ တရုတ်အပေါ် တင်းမာတဲ့ မူဝါဒတွေ ကျင့်သုံးခဲ့သလို လက်ရှိ သမ္မတ ဘိုင်ဒန်ကလည်း အဲဒီ သဘောထားကို ဆက်ပြီး ဆုပ်ကိုင်ထားဆဲပါ။ ဒါပေမဲ့ တရုတ်ဟာ လက်ရှိ အမေရိကန် အစိုးရသစ်နဲ့ ပတ်သက်ရင် ပျော့ကွက်တွေကို ရှာဖွေနေမှာဖြစ်ပြီး ဘိုင်ဒန်က ပိုပြီး ပြတ်ပြတ်သားသား ကိုင်တွယ်မှုတွေ လိုအပ်တယ်လို့ အကြံပြု တိုက်တွန်းသွားခဲ့ပါတယ်။

You May Also Like

နိုင်ငံတကာ

အမေရိကန်ရဲ့ ပင်တဂွန် စစ်ဌာနချုပ်က လက်တင် အမေရိက ဒေသမှာ ပျံဝဲနေတဲ့ နောက်ထပ် တရုတ် မိုးပျံပူဖောင်း တစ်လုံးရဲ့ လားရာကိုလည်း စောင့်ကြည့်နေတယ်လို့ ပြောပါတယ်။ ဒါပေမဲ့ ဘယ်နေရာမှာ၊ ဘယ်နိုင်ငံမှာ ရှိနေတာလဲ ဆိုတာကိုတော့ တိတိကျကျ မထုတ်ပြန်ပါဘူး။

သတင်း

AviChinaဟာ ၂၀၂၁ ခုနှစ်၊ ဒီဇင်ဘာလတုန်းက မြန်မာစစ်တပ်အတွက် အပေါ့စားလေယာဉ်တွေ ပို့ဆောင်ပေးခဲ့ပြီး Bharat Electronicsကတော့ ၂၀၂၁ ခုနှစ်၊ ဇူလိုင်လတုန်းကမြန်မာနိုင်ငံမှာအဝေးထိန်းလက်နက်ရုံတစ်ခုတည်ဆောက်ပေးခဲ့တယ်လို့သိရပါတယ်။

နိုင်ငံတကာ

တရုတ်နှစ်သစ်ကူးကို အကြောင်းပြုပြီး ဒေသတချို့မှာ ရောဂါ ဖြစ်ပွားနှုန်း တိုးလာတာမျိုး ကြုံကောင်း ကြုံရနိုင်ကြောင်း၊ ဒါပေမဲ့ နောက်တစ်ကြိမ် ကိုဗစ်ကူးစက်မှုလှိုင်း အကြီးအကျယ် ရိုက်ခတ်တာမျိုးကတော့ လာမယ့် လပိုင်းတွေအတွင်း မဖြစ်နိုင်လောက်တော့ကြောင်း ဝူက မှတ်ချက် ပေးခဲ့ပါတယ်။

သတင်း

ရန်ကုန်မှာမနေ့က တရုတ်သံရုံးက ပြုလုပ်တဲ့ တရုတ်နှစ်ကူးပွဲ ကိုတက်ရောက်ခဲ့တဲ့ စစ်ကောင်စီ ခေါင်းဆောင်က တရုတ်နိုင်ငံကိုအသိပေးလိုက်တာလည်းဖြစ်ပါတယ်။