Connect with us

Hi, what are you looking for?

LuduNwayOo

နိုင်ငံတကာ

ကာကွယ်ဆေးတွေ တီထွင် အောင်မြင်ပြီး ၁ နှစ်အတွင်း လူ့အသက် သန်း ၂၀ လောက် ကယ်တင်နိုင်ခဲ့

စစ်တမ်းကို ပြုစုရာမှာ နိုင်ငံအလိုက် အစိုးရနဲ့ အာဏာပိုင် အဖွဲ့အစည်းတွေက တရားဝင် ထုတ်ပြန်တဲ့ ကိန်းဂဏန်းတွေကို အသုံးပြုပြီး တရားဝင် ထုတ်ပြန်ချက် မရနိုင်တဲ့ နေရာတွေမှာတော့ ခန့်မှန်း အရေအတွက်ကို အသုံးပြုခဲ့ပါတယ်။

ကိုဗစ်ရောဂါကာကွယ်ဆေး
ကိုဗစ်ရောဂါကာကွယ်ဆေး

ကိုဗစ်ရောဂါအတွက် ကာကွယ်ဆေးတွေ တီထွင် အောင်မြင်ခဲ့ခြင်းက တစ်နှစ်တာ ကာလအတွင်း လူ့အသက်ပေါင်း သန်း ၂၀ လောက်ကို ကယ်တင်နိုင်ခဲ့တယ်လို့ သုတေသန စစ်တမ်း တစ်ရပ်က ဖော်ပြခဲ့ပါတယ်။

ကိုဗစ်ကာကွယ်ဆေးတွေကို အရေးပေါ် အသုံးပြုခွင့် ပေးလိုက်ပြီး လက်တွေ့ ထိုးနှံမှုတွေ စတင်ချိန် ကတည်းက ၁ နှစ်တာအတွင်း ဆေးအာနိသင်ကြောင့် အဖိုးတန် လူ့အသက်တွေ မဆုံးရှုံးအောင် ထိထိရောက်ရောက် ထောက်ပံ့နိုင်ခဲ့တယ်လို့ Lancet ကူးစက်ရောဂါဆိုင်ရာ ဆေးပညာ ဂျာနယ်မှာ ဖော်ပြထားပါတယ်။

ဒီသုတေသန ရလဒ်ဟာ ကမ္ဘာအနှံ့က နိုင်ငံနဲ့ နယ်မြေပေါင်း ၁၈၅ ခုကနေ ၂၀၂၀ ပြည့်နှစ်၊ ဒီဇင်ဘာ ၈ ရက်ကနေ ၂၀၂၁ ခုနှစ်၊ ဒီဇင်ဘာ ၈ ရက်အတွင်း ရယူထားတဲ့ အချက်အလက်တွေအပေါ် မူတည်ပြီး ထုတ်ပြန်ထားတာ ဖြစ်ပါတယ်။ ဒါဟာ ကိုဗစ် ကာကွယ်ဆေးကြောင့် ကပ်ရောဂါ တိုက်ဖျက်ရေးမှာ တိုက်ရိုက်ဖြစ်စေ၊ သွယ်ဝိုက်ပြီးဖြစ်စေ ဘယ်လောက် ထိရောက် အောင်မြင်မှုတွေ ရှိခဲ့သလဲ ဆိုတဲ့အပေါ် ပထမဆုံးအကြိမ် သိပ္ပံနည်းကျ ချဉ်းကပ် သုတေသန ပြုထားတဲ့ ရလဒ်လည်း ဖြစ်ပါတယ်။

အဲဒီ တစ်နှစ်တာအတွင်း ကာကွယ်ဆေးတွေသာ မပေါ်ပေါက်ခဲ့သေးဘူးဆိုရင် ရောဂါကြောင့် သေဆုံးသူ ၃၁.၄ သန်းလောက်ထိ များနိုင်မယ့် အလားအလာ ရှိခဲ့ကြောင်း၊ ကာကွယ်ဆေးတွေ အချိန်မီ ထိုးနှံမှု ခံယူနိုင်ခဲ့တဲ့အတွက် အဲဒီထဲက လူ့အသက် ၁၉.၈ သန်းလောက် ချမ်းသာရာ ရခဲ့ကြောင်း သုတေသီတွေက ဆိုပါတယ်။ တစ်နည်းအားဖြင့် ကာကွယ်ဆေး ရှိခြင်းနဲ့ မရှိခြင်းကြားမှာ သေနှုန်းကို ၆၃ ရာခိုင်နှုန်းထိ လျှော့ချနိုင်ခဲ့တဲ့ သဘောပါပဲ။

စစ်တမ်းကို ပြုစုရာမှာ နိုင်ငံအလိုက် အစိုးရနဲ့ အာဏာပိုင် အဖွဲ့အစည်းတွေက တရားဝင် ထုတ်ပြန်တဲ့ ကိန်းဂဏန်းတွေကို အသုံးပြုပြီး တရားဝင် ထုတ်ပြန်ချက် မရနိုင်တဲ့ နေရာတွေမှာတော့ ခန့်မှန်း အရေအတွက်ကို အသုံးပြုခဲ့ပါတယ်။

လက်ရှိ အချိန်ထိ ကမ္ဘာ့ ကျန်းမာရေး အဖွဲ့ကြီး (WHO)က စုစည်းထားတဲ့ တရားဝင် စာရင်းအရ ကိုဗစ်ကြောင့် ကမ္ဘာတလွှားမှာ သေဆုံးသူ ၆.၃ သန်းကျော် ရှိခဲ့ကြောင်း သိရပါတယ်။ ဒါပေမဲ့ ကိုဗစ်ကြောင့် တိုက်ရိုက်ဖြစ်စေ၊ သွယ်ဝိုက်ပြီးဖြစ်စေ အမှန်တကယ် သေဆုံးခဲ့တဲ့ အရေအတွက်ဟာ ၁၅ သန်းထက်မနည်း ရှိလိမ့်မယ်ဆိုတဲ့ အယူအဆတွေလည်း ရှိနေပါတယ်။

You May Also Like

နိုင်ငံတကာ

တရုတ်လက်အောက်ခံ မြို့ပြနိုင်ငံငယ်ရဲ့ အစိုးရ အဖွဲ့က လီရဲ့ ဆေးစစ်ရလဒ် အဖြေဟာ Positive ဖြစ်ခဲ့ကြောင်း နိုဝင်ဘာ ၂၁ ရက်မှာ အတည်ပြု ထုတ်ပြန်ပါတယ်။

နိုင်ငံတကာ

ရှိုက်သွင်းရတဲ့ ကာကွယ်ဆေးကို တရုတ် ဆေးကုမ္ပဏီ CanSino Biologicsက တီထွင်ခဲ့ပါတယ်။ ဒီဆေးဟာ လူသားတွေအတွက် ဆိုးကျိုး မရှိသလောက်နည်းတဲ့ တုပ်ကွေးဗိုင်းရပ်စ် တစ်မျိုးကို အခြေခံပြီး တီထွင် ထုတ်လုပ်ထားကြောင်း သိရပါတယ်။

သတင်း

NUG အစိုးရ၏ ကျန်းမာရေးဝန်ကြီးဌာနကလည်း ​မြန် မာနိုင်ငံတွင် ရက်သတ္တနှစ်ပတ်အတွင်း ကိုဗစ်ရောဂါကူးစက်ပြန့်ပွားမှု နှစ်ဆတိုးလာသည်ကိုတွေ့ရကြောင်း ကမ္ဘာ့ကျန်းမာရေးအဖွဲ့(WHO)၏စာရင်းများကို ကိုးကားပြီး သတိပေးသည်။

သတင်း

စစ်​ကောင်စီလက်​အောက်တွင် ကျန်းမာ​ရေး​စောင့်​ရေး​စောင့်​ရှောက်မှုစနစ်ပျက်ယွင်း​နေပြီး ကိုဗစ်ကူးစက်မှုအ​ခြေအ​နေမှန်ကိုသိရှိရန်ခက်ခဲသည်။