Connect with us

Hi, what are you looking for?

LuduNwayOo

နိုင်ငံတကာ

ပါကစ္စတန် စစ်ရဟတ်ယာဉ် ပျက်ကျပြီး ၆ ဦးသေဆုံး

လတ်တလောမှာတော့ ပါကစ္စတန် စစ်တပ်ဟာ ရဟတ်ယာဉ် ပျက်ကျရာ နေရာက ရုပ်အလောင်းတွေကို ပြန်သယ်ဆောင်ဖို့ စီစဉ်နေပြီး ရဟတ်ယာဉ် ပျက်ကျရတဲ့ အကြောင်းရင်းကို စုံစမ်းစစ်ဆေးမှုတွေ စတင်နေပါပြီ။

ပါကစ္စတန် စစ်ရဟတ်ယာဉ် ပျက်ကျပြီး ၆ ဦးသေဆုံး
ပါကစ္စတန် စစ်ရဟတ်ယာဉ် ပျက်ကျပြီး ၆ ဦးသေဆုံး

ပါကစ္စတန် နိုင်ငံမှာ စစ်ရဟတ်ယာဉ် တစ်စီး ပျက်ကျပြီး လိုက်ပါသွားသူ ၆ ဦးစလုံး သေဆုံးသွားကြောင်း သိရပါတယ်။

အဲဒီ ရဟတ်ယာဉ်ဟာ နိုင်ငံ အနောက်တောင်ပိုင်း၊ ဘာလိုချီစတန် ဒေသမှာ လေ့ကျင့်ရေး မစ်ရှင် တစ်ခုအတွက် ပျံသန်းနေရင်း ပျက်ကျသွားခဲ့တာလို့ စစ်တပ်က ထုတ်ပြန်ပါတယ်။ သေဆုံးသူတွေထဲမှာ ဗိုလ်မှူးအဆင့် အရာရှိ ၂ ဦး ပါဝင်တယ်လို့လည်း စစ်တပ်က အတည်ပြုခဲ့ပါတယ်။

လေယာဉ် ပျက်ကျရတဲ့ အကြောင်းရင်းကိုတော့ တိတိကျကျ မသိရသေးပါဘူး။ စက်တင်ဘာ ၂၅ ရက် ညပိုင်းက ဟာနိုင်ခရိုင်မှာရှိတဲ့ ခေါ့စ်မြို့နားမှာ ပျက်ကျသွားတာလို့ စစ်တပ်ရဲ့ ထုတ်ပြန်ချက်မှာ ဖော်ပြထားပါတယ်။ ဒီဖြစ်ရပ်ကြောင့် လေယာဉ်မှူး နှစ်ဦး အပါအဝင် လိုက်ပါသွားတဲ့ စစ်မှုထမ်း ၆ ဦးလုံး ကျဆုံးခဲ့တယ်လို့ စစ်တပ်က ထုတ်ပြန်ပါတယ်။

လတ်တလောမှာတော့ ပါကစ္စတန် စစ်တပ်ဟာ ရဟတ်ယာဉ် ပျက်ကျရာ နေရာက ရုပ်အလောင်းတွေကို ပြန်သယ်ဆောင်ဖို့ စီစဉ်နေပြီး ရဟတ်ယာဉ် ပျက်ကျရတဲ့ အကြောင်းရင်းကို စုံစမ်းစစ်ဆေးမှုတွေ စတင်နေပါပြီ။

ဘာလိုချီစတန် ပြည်နယ်မှာတော့ စစ်တပ် ရဟတ်ယာဉ်တွေ ပျက်ကျပြီး စစ်မှုထမ်းတွေ အသက်ဆုံးရှုံးရတဲ့ ကိစ္စမျိုးကို ၂ လတာအတွင်း ဒုတိယအကြိမ် ကြုံရတာ ဖြစ်ပါတယ်။ ဩဂုတ်လတုန်းကလည်း ဘာလိုချီစတန်မှာပဲ ရေဘေး ကယ်ဆယ်ရေး လုပ်ငန်းတွေ ဆောင်ရွက်နေတဲ့ စစ်ရဟတ်ယာဉ်တစ်စီး ပျက်ကျခဲ့တာကြောင့် ဗိုလ်ချုပ်တစ်ဦး အပါအဝင် ၆ ဦး အသက်ဆုံးရှုံးခဲ့ရဖူးပါတယ်။

You May Also Like

သတင်း

ရေမိန်တောင်ရွာမှ အိမ်ခြေ(၅၀)နှင့် ရေမိန်မြောက်ရွာမှ နှစ်အိမ်ကို မီးရှို့ဖျက်ဆီးခဲ့ပြီး ညနေပိုင်းတွင် တရားကျေးရွာကိုမီးရှို့ခဲ့ကြောင်း ဒေသခံများက ပြောသည်။

သတင်း

တာချီလိတ်မူးယစ်တပ်ဖွဲ့မှ တပ်ကြပ်သီဟမောင်မောင်သည် သေနတ်ဖြင့် ပစ်ခတ်ခံရပြီး သေဆုံးသွားခြင်းဟု ရှမ်းပြည််နယ်ရဲတပ်ဖွဲ့မှ အရာရှိတစ်ဦးက ပြောသည်။

သတင်း

လတ်တလောတွင် ကောလင်းနှင့်ကန့်ဘလူဒေသ၌ စစ်ကောင်စီစစ်ကြောင်းအချို့ရှိနေပြီး ကိုးထောင်ဘို့၊ ​ဇော်ချောင်း၊ကိုင်းမနှင့် ပန်းဆက်ရွာတို့တွင် ရောက်ရှိနေသည်ဟု ပြည်သူ့ကာကွယ်ရေးရဲဘော်များက သတိပေးထားသည်။

သတင်း

ဒီဇင်ဘာ ၂ရက် ည ၆နာရီခွဲခန့်တွင် စစ်ကောင်စီတပ်နှင့် ရဲစခန်းရှိရာအနီး ဖားကန့်မြို့လယ်ရှိ Jade Cityရှေ့အဝိုင်းပတ်နေရာ၌ မိုင်းပေါက်ကွဲမှု ဖြစ်ခဲ့သည်ဟု ဆိုသည်။