Connect with us

Hi, what are you looking for?

LuduNwayOo

နိုင်ငံတကာ

မျောက်ကျောက်ရောဂါ နာမည်ကို တရားဝင် ပြောင်းလဲကြောင်း WHO ကြေညာ

အဲဒီရောဂါဟာ ခန္ဓာကိုယ်က ထွက်တဲ့ အရည်တွေကနေတဆင့် ထပ်ဆင့် ကူးစက်နိုင်ပြီး လိင်တူဆက်ဆံတဲ့ အမျိုးသားတွေမှာ အဖြစ်အများဆုံးလို့လည်း WHOရဲ့ ကြေညာချက်တွေမှာ ဖော်ပြထားပါတယ်။

မျောက်ကျောက်ရောဂါ နာမည်ကို တရားဝင် ပြောင်းလဲကြောင်း WHO ကြေညာ
မျောက်ကျောက်ရောဂါ နာမည်ကို တရားဝင် ပြောင်းလဲကြောင်း WHO ကြေညာ

မျောက်ကျောက် (Monkeypox) ရောဂါကို Mpoxဆိုတဲ့ နာမည် ပြောင်းလဲ အသုံးပြုသွားမယ်လို့ ကမ္ဘာ့ ကျန်းမာရေး အဖွဲ့ကြီး (WHO)က ကြေညာခဲ့ပါတယ်။

အရင် နာမည်ဟောင်းက လူမျိုးရေး ခွဲခြားမှုနဲ့ မနှစ်မြို့မှုဆန်တဲ့ သဘော အဓိပ္ပါယ်တွေ ရှိနေနိုင်ကြောင်း ဝေဖန်မှုတွေကြောင့် WHOက အခုလို နာမည် ပြောင်းလဲခဲ့တာ ဖြစ်ပါတယ်။ Monkeypoxဆိုတဲ့ နာမည်ကို အသစ်ပြင်ဆင် ပြောင်းလဲဖို့ WHOက လအတန်ကြာ အချိန်ယူ စဉ်းစားခဲ့ပြီး နိုဝင်ဘာ ၂၈ ရက်မှ တရားဝင် နာမည်သစ် သတ်မှတ်ခဲ့တာပါ။

မူလက နာမည်ကို စောစောပြောင်းဖို့ စဉ်းစားခဲ့ပေမယ့်လည်း တစ်ကမ္ဘာလုံး အတိုင်းအတာနဲ့ ကပ်ရောဂါ ကူးစက်မှုတွေ ဖြစ်ပေါ်နေတဲ့ အချိန်မှာ သတ်မှတ်လိုက်ရင် အရောရော အနှောနှောတွေ ဖြစ်ကုန်မှာစိုးလို့ စောင့်ဆိုင်းခဲ့တာလို့ WHOရဲ့ ကြေညာချက်မှာ ဖော်ပြထားပါတယ်။ ရောဂါနာမည်ကို အသစ်ပြောင်းလဲ သတ်မှတ်လိုက်ချိန်မှာ အသားတကျဖြစ်ဖို့ အချိန်လိုကြောင်းလည်း WHOက ပြောပါတယ်။

အခုနှစ် အစောပိုင်းက မျောက်ကျောက်ရောဂါဟာ အမေရိကန်နဲ့ ဥရောပ အပါအဝင် ကမ္ဘာ့နိုင်ငံ တော်တော်များများကို ကူးစက် ရောက်ရှိခဲ့တဲ့နောက် ရောဂါနာမည် ဝေါဟာရ အသုံးအနှုန်းနဲ့ ပတ်သက်လို့ ဝေဖန် မေးခွန်းထုတ်မှုတွေ ထွက်ပေါ်လာပါတယ်။ ကျောက်ရောဂါ အနွယ်ဝင်ဖြစ်ပြီး အာဖရိကတိုက်က မျောက်တွေမှာ စတင်တွေ့ရှိလို့ မျောက်ကျောက်လို့ အလွယ်တကူ ခေါ်ဝေါ်ခဲ့ပေမယ့် အသုံးအနှုန်းပိုင်းမှာ ပြဿနာတွေ ရှိနေတာကြောင့် WHOက ပြန်ပြင်ဆင်ခဲ့တာ ဖြစ်ပါတယ်။

Public Service Announcement

Public Service Announcement

မျောက်ကျောက်ဟာ အာဖရိက အလယ်ပိုင်းနဲ့ အနောက်ပိုင်းမှာ စတင် ပျံ့နှံ့ခဲ့ရာက နောက်ပိုင်းမှာ အရှိန်လျော့ ပျောက်ကွယ်သွားပါတယ်။ ဒါပေမဲ့ မေလနောက်ပိုင်း ကမ္ဘာတလွှားက နိုင်ငံပေါင်း ၁၁၀ လောက်မှာ မျောက်ကျောက် ကူးစက် ခံရသူ ၈၁၁၀၇ ဦးထက်မနည်း ရှိခဲ့ပြီး ၅၅ ဦး သေဆုံးခဲ့တယ်လို့ WHOက ထုတ်ပြန်ပါတယ်။

အဲဒီရောဂါဟာ ခန္ဓာကိုယ်က ထွက်တဲ့ အရည်တွေကနေတဆင့် ထပ်ဆင့် ကူးစက်နိုင်ပြီး လိင်တူဆက်ဆံတဲ့ အမျိုးသားတွေမှာ အဖြစ်အများဆုံးလို့လည်း WHOရဲ့ ကြေညာချက်တွေမှာ ဖော်ပြထားပါတယ်။

ဆက်စပ်သတင်းများ

နိုင်ငံတကာ

ဆေးသိပ္ပံ ပညာရှင် အတော်များများက WHO အနေနဲ့ တိုင်းရင်းဆေးတွေကို သုတေသနပြု လေ့လာချင်တယ်ဆိုတဲ့ စိတ်ကူးကို လက်ခံပေမယ့် အခုလို ညီလာခံမျိုး ဦးဆောင်ကျင်းပပြီး ယူဆောင်နိုင်မယ့် အကျိုးရလဒ် အပေါ်မှာတော့ အကြီးအကျယ် သံသယ မေးခွန်းထုတ်နေကြပါတယ်။

နိုင်ငံတကာ

၂၀၂၁ ခုနှစ်၊ ဇန်နဝါရီလတုန်းက ကပ်ရောဂါကြောင့် သေဆုံးသူ အရေအတွက်ဟာ အပတ်စဉ် ၁ သိန်းကျော်ထိ ရှိခဲ့ပြီး အမြင့်ဆုံး အဆင့်ကို ရောက်ခဲ့ပါတယ်။ ဒါပေမဲ့ အခုနှစ် ဧပြီလ ၂၄ ရက်ထိ အခြေအနေအရ အပတ်စဉ် သေဆုံးသူ ဦးရေဟာ ၃၅၀၀ အောက်ထိ...

ဗီဒီယို

ကြက်ငှက်တုပ်ကွေး ဗိုင်းရပ်စ်တွေထဲက H5N1 မျိုးကွဲဟာ လူသားတွေဆီ ကူးစက်မှု နှစ်ခုကို ဖော်ထုတ် တွေ့ရှိခဲ့တဲ့နောက် ဒီကိစ္စကို WHOက ကမ္ဘောဒီးယား အာဏာပိုင်တွေနဲ့ အနီးကပ် ညှိနှိုင်း ကိုင်တွယ်နေပါတယ်။ အဲဒီ ကူးစက်လူနာ နှစ်ဦးစလုံးဟာ မိသားစု တစ်ခုတည်းက ဖြစ်ပါတယ်။

ဗီဒီယို

သတင်းတစ်ခုက WHOဟာ ကိုဗစ်ရောဂါ ဖြစ်ပွားစေတဲ့ Sars-Cov-2 ကိုရိုနာဗိုင်းရပ်စ်ရဲ့ မူလအစကို စုံစမ်းဖော်ထုတ်မယ့် အားထုတ်မှုတွေကို စွန့်လွှတ်လိုက်ပြီဖြစ်ကြောင်း ဖော်ပြလာတဲ့နောက် ဖေဖော်ဝါရီ ၁၅ ရက်မှာ ဒေါက်တာ တက်ဒ်ရော့စ် အက်ဒ်ဟာနွမ် ဂီဘရီယီးဆက်စ်က အခုလို တုံ့ပြန်ခဲ့တာပါ။