ဇူလိုင်-၂၊၂၀၂၆။People’s Spring
နာမည်ကြီး အင်္ဂလန် ဘောလုံးအသင်းဟာကွန်ဂိုနဲ့ပွဲစဉ်မှာ အဖွင့်ဂိုးပေးပြီး ရုန်းကန်ခဲ့ရပေမယ့် အသင်းခေါင်းဆောင် ဟယ်ရီကိန်းရဲ့ သွင်းဂိုးတွေကြောင့် ၁၆ သင်း ရှုံးထွက်အဆင့်ကို တက်လှမ်းနိုင်ခဲ့ပါတယ်။
အင်္ဂလန်က လူစုံတက်စုံနဲ့ ပွဲထွက်လာပြီး အာဖရိက အသင်းအပေါ် အသာစီးနဲ့ ကစားနိုင်ခဲ့ပေမယ့် ကွန်ဂိုဖက်က ထိုးဖောက်မှု တချို့ကလည်း အင်္ဂလန်ကို ကောင်းကောင်း ခြိမ်းခြောက်နိုင်ခဲ့ပါတယ်။ ကွန်ဂိုဖက်မှာလည်း အင်္ဂလန် ပရီးမီးယားလိဂ် အခြေစိုက် ကစားသမားတွေဖြစ်တဲ့ ယိုအန်နေးဝစ္စာ၊ အေရွန် ဝမ်ဘစ်ဆာကာ၊ အေဆယ်လ် တွမ်ဇီဘီတို့ ပါဝင်ကစားခဲ့ပါတယ်။
အခုပွဲ အစပိုင်းမှာ နည်းနည်း ထိုင်းမှိုင်းနေတဲ့ ဒဏ်ကို အင်္ဂလန်အသင်း ခံစားခဲ့ရပြီး ပွဲချိန် ၇ မိနစ်မှာတင် ဂိုးပေးခဲ့ရပါတယ်။ အဲဒီဂိုးကိုတော့ ဘယ်ခြမ်းကနေ ထိုးဖောက်လာတဲ့ ဘရိုင်ယန် ကင်ဘမ်ဘီ စီပန်ဂါက သူ့ရဲ့ လက်ရွေးစင် အသင်းအတွက် ဗွေဆော်ဦး ဂိုးအဖြစ် အနီးတိုင် ထောင့်ကျဉ်းထဲကို အပြင်းကန်သွင်းသွားခဲ့တာ ဖြစ်ပါတယ်။
Public Service Announcement
ဂိုးပေးလိုက်ရတဲ့နောက် အင်္ဂလန်က တိုက်စစ်ကို ပိုဖွင့်ကစားလာပြီး တစ်ဖက်မှာလည်း ကွန်ဂိုက ဂိုးထပ်ရလုနီးပါး အခြေအနေတွေ ရှိခဲ့ပါတယ်။ဒါပေမဲ့ပထမပိုင်းပြီးဆုံးတဲ့ထိအင်္ဂလန်က ချေပဂိုး မရခဲ့ဘဲ ကွန်ဂိုကပဲ ဦးဆောင်နေခဲ့ပါတယ်။
အင်္ဂလန်အတွက်ချေပဂိုးကိုတော့ပွဲချိန် ၇၅ မိနစ်မှာ အန်တိုနီဂေါ်ဒွန် ဖြတ်တင်ပေးတဲ့ ဘောလုံးကို ဧရိယာထဲကနေ အပိုင်ခေါင်းတိုက်ပြီး ကိန်းက ရယူပေးခဲ့ပါတယ်။ နောက်ထပ် ၁၀ မိနစ်လောက် အကြာမှာ ဂေါ်ဒွန်ပဲ ဖန်တီးပေးတာကို ကိန်းက ကန်ချက်ပြင်းပြင်းနဲ့ ဂိုးရယူပြီး အင်္ဂလန်အတွက် လိုအပ်နေတဲ့ အနိုင်ဂိုးကိုရှာဖွေပေးသွားခဲ့ပါတယ်။အင်္ဂလန် အသင်းရဲ့ အစောပိုင်း ပွဲစဉ်တွေမှာ ထင်သလောက် ခြေစွမ်းမပြနိုင်လို့ ဝေဖန်ခံခဲ့ရတဲ့ တောင်ပံတိုက်စစ်မှူး ဂေါ်ဒွန်ဟာ အခုပွဲမှာတော့ အရန်ခုံကနေ ထလာပြီး ကိန်းရဲ့ သွင်းဂိုး ၂ ဂိုးစလုံးကို ဖန်တီးပေးသွားနိုင်ခဲ့တာပါ။
ကိန်းကအခုသွင်းဂိုး ၂ ဂိုးကြောင့် စုစုပေါင်း သွင်းဂိုး ၅ ဂိုးရှိလာပါတယ် ။ဒါကြောင့်ရွှေဖိနပ်ဆုအတွက် ပြိုင်ပွဲမှာ မက်ဆီ ၊မက်ဘီ ၆ ဂိုး စီနောက်မှာ ၊ ကိန်းက ဟာလန် တို့က ၅ ဂိုးစီ နဲ့ဖိအားပေးနိုင်လာတာပါ ။အဂ်လန်အလိုအပ်ဆုံးအချိန်မှာ အသင်းခေါင်းဆောင်ကဂိုးတွေသွင်းပေးနိုင်ခဲ့တာဖြစ်ပါတယ် ။
အခုပွဲစဉ်မှာ အနိုင်ရခဲ့တဲ့နောက် အင်္ဂလန်ဟာ လက်ရှိပြိုင်ပွဲမှာအထူးခြေစွမ်းပြနေပြီးပွဲတိုင်းနိုင်၊ ပေးဂိုး လုံးဝမရှိသေးတဲ့ ပူးတွဲအိမ်ရှင် မက္ကဆီကို အသင်းနဲ့ ၁၆ သင်းရှုံးထွက် အဆင့်မှာ တွေ့ဆုံတော့မှာ ဖြစ်ပါတယ်။
ကိုးကား FIFA
