စပိန်​ခြေစွမ်းပြပြီး ပြင်သစ်ကို ၂ ဂိုးပြတ်သွင်းဗိုလ်လုပွဲတက်

ဇူလိုင်-၁၅၊၂၀၂၆။People’s Spring

ကမ္ဘာ့ထိပ်သီး ​ဘောလုံးအသင်း ၂ သင်းထိပ်တိုက်​တွေ့ဆုံမှုမှာ စပိန်အသင်းကတိုက်စစ်​ကောင်းလှတဲ့ပြင်သစ်အသင်းအ​ပေါ်အံအားသင့်ဖွယ် ပွဲကိုစိုးမိုးထိန်းချုပ်ကစားပြီး ၂ ဂိုး -ဂိုးမရှိနဲ့ အနိုင်ရပြီး ဗိုလ်လုပွဲတက်​ရောက်သွားပါတယ် ။

ဗိုလ်စွဲဖို့​ရေပန်းအစားဆုံးပြင်သစ်ဟာ စပိန်ကိုအသင်းလိုက်ကစားပုံမှာတစ်ပွဲလုံးဘယ်လိုမှမယှဥ်နိုင်ခဲ့ပဲ ထိုက်ထိုက်တန်တန်ရှုံးနိမ့်ခဲ့တာပါ။ ပွဲချိန် ၂၁ မိနစ်မှာ စပိန်​တောင်ပံတိုက်စစ်သမားယာမယ်ကို ပြင်သစ်​နောက်ခံလူ

ဒစ်ဂ်နီက ​ဂိုးစည်းအတွင်း​ဘောလုံးမပါပဲကန်မိတာ​ကြောင့် ပင်နယ်တီပြစ်ဒဏ်​ဘော​ပေးရပြီး စပိန်တိုက်စစ်မှူး အိုရာဇာဘယ်က အမှားအယွင်းမရှိကန်သွင်းပြီး စပိန်အတွက်ဦး​ဆောင်ဂိုးသွင်းယူပါတယ် ။

Public Service Announcement

ပြင်သစ်က​ချေပဂိုးရဖို့ ကစားကွက်အရှိန်မြှင့်ဖို့ကြိုးစား​ပေမယ့်စပိန်အသင်း​ခေါင်း​ဆောင်ရိုဒရီ အထူး​ခြေစွမ်းပြပြီး ပြင်သစ်ကစား

ကွက်ကိုဦး​ဆောင်​ချေဖျက်ခဲ့ပါတယ်။ကွင်းလယ်ကစားကွက်မှာစပိန်အသာစီးရသလို ကစားသမားတဦးချင်းက နားလည်မှုရှိရှိ အချိတိအဆက်မိမိကစားနိုင်တာ​ကြောင့်ပြင်သစ်တိုက်စစ်က အမ်ဘာ​ပေ ၊ဒမ်ဘီလီ၊အိုလစ်ဆီ၊ဘာကိုလာတို့ ထိထိ​ရောက်​ရောက်တိုက်စစ်မဆင်နိုင်ပါဘူး။

၅၈ မိနစ်မှာ ဒန်နီအိုမိုရဲ့ လှပတဲ့ဖန်တီး​ပေးမှုက​နေ စပိန်​နောက်တန်းညာအစွန်ကစားသမားပီဒရို ​ပေါ်ရိုက ဂိုးသမားနဲ့တစ်ဦးချင်းအ​တွေ့မှအပိုင်ကန်သွင်းပြီး ဒုတိယဂိုးသွင်းယူခဲ့တာပါ။ကျန်ပွဲချိန်​တွေမှာ စပိန်က အနိုင်ရလဒ်ထိန်းပြီးကစားသွားခဲ့တာပါ။ပြင်သစ်အတွက် ဒမ်ဘီလီကန်တဲ့ ၂ ကြိမ်ပဲ ဂိုး​ပေါက်တည့်ခဲ့ပါတယ်။

အ​ကောင်းဆုံးကစားသမားဆုကိုပီဒရို​ပေါ်ရိုကဆွတ်ခူးခဲ့ပါတယ် ။ ပြင်သစ်တို့အတွက် ၂၀၂၄ ဥ​ရောပဖလားမှာ စပိန်ကိုရှုံးခဲ့တဲ့ရှုံး​ကြွေးမဆပ်နိုင်ပဲ ရှုံး​ကြွေးထပ်တင်ခဲ့ပါတယ်။

စပိန်က အာဂျင်တီးနား-အဂ်လန်အကြိုဗိုလ်လုပွဲကနိုင်တဲ့အသင်းနဲ့ ဇူလိုင် ၁၉ (မြန်မာစံ​တော်ချိန် ဇူလိုင်၂၀ မနက် ၁ နာရီခွဲ)မှာ ဗိုလ်လုပွဲကစားရမှာဖြစ်ပါတယ်။ စပိန်အတွက် ၂၀၁၀ ကမ္ဘာ့ဖလား အပြီး ဗိုလ်လုပွဲကို ဒုတိယအကြိမ်တက်​ရောက်နိုင်ခဲ့တာပါ ။ ၂၀၁၀ ကမ္ဘာ့ဖလားမှာ စပိန်ဗိုလ်စွဲခဲ့ပါတယ်။