ဆဏ်း / People’s Spring
စစ်တပ်အမာခံထောက်ခံသူ ယုန်လေး ရိုက်ကူးထားသော အော်ရီဂျင်နယ်ဂန်းစတား ၃ ရုပ်ရှင်ကို ယခုလ(အောက်တိုဘာ)အတွင်း ရုံတင်မည်ဖြစ်သည်။
အော်ရီဂျင်နယ်ဂန်းစတား ၃ ရုပ်ရှင်သည် ပုံမှန်တန်းစီ စနစ်ဖြင့်ပြသပါက ရုပ်ရှင်ရုံများပြန်လည်ဖွင့်သည့် ၂၀၂၂ တွင် စတင်ရုံတင်ရမည်ဖြစ်သော်လည်း ယင်းအချိန်က ယုန်လေးကို ပြည်သူများက လူမှုရေးပြစ်ဒဏ် Social Punishment ပြုလုပ်ထားသည့် အချိန်ဖြစ်သောကြောင့် ရုံမတင်ခဲ့ပေ ။ ထိုနောက် ၂ နှစ်အကြာစောင့်ပြီးမှ ရုံတင်ရန် စီစဥ်လာခြင်းဖြစ်သည်။
Public Service Announcement
ယခုနောက်ပိုင်းတွင် ယုန်လေးက ပရဟိတအလုပ်များကို လုပ်ပြကာ ပြည်သူရှေ့သို့ ပြန်ထွက်လာပြီး လက်ရှိကြုံနေရသည့် ရေဘေးတွင်လည်း လှူဒါန်းပြနေသည်ကိုတွေ့ရသည်။ထိုအပြင် ဇာတ်
ကားကိုလာရောက်ကြည့်ရှုပါကရေဘေးအတွက် လှူဒါန်းမှုဖြစ်မည်ဟု ယင်းရုပ်ရှင်တွင် ပါဝင်သရုပ်ဆောင်ထားသည့် မိုးယံဇွန်က အနုပညာအသားပေးဖော်ပြနေသောမီဒီယာများ၌ ဖြေကြားထားသည်။
“အကြမ်းဖက်စစ်တပ်နဲ့ပေါင်းစားနေတဲ့အနုပညာရှင်တွေ ။ ဒီအထဲမှာ ဒိန်းဒေါင် တို့ ယုန်လေးတို့က ထိပ်ဆုံးကပါတယ်။ ဒီလူတွေကို ဘယ်တော့မှ မေ့လို့မရဘူး။ ပြည်သူတွေအနေနဲ့ Social Punishment ပြတ်ပြတ်သားသားလုပ်ရမယ်။Boycott ပြင်းပြင်းထန်ထန်လုပ်သင့်တယ်။အရင်တုန်းကလည်း လုပ်ခဲ့တယ်။ ပြည်သူတွေညီခဲ့တယ်။ဒါကြောင့် ဒီကောင်တွေလူတောမတိုးခဲ့ဘူး။ အခုရေဘေးကိုအကြောင်းပြပြီး လူမှုကယ်ဆယ်ရေးဘာညာ ဗန်းပြပြီး လူကြားထဲပြန်တိုးဝင်ဖို့ လူထုမေတ္တာခံယူဖို့ ကြိုးစားနေတာတွေ့ရတယ်။ပြည်သူတွေအနေနဲ့ လုံးဝစိတ်ယိုင်လို့မရဘူး။ ဒီလိုကောင်တွေကိုဆက်ပြီး Boycott လုပ်ထားရမယ်။ SP လုပ်ထားရမယ်။” ဟု စမ်းချောင်းပင်မသပိတ်စစ်ကြောင်း ဥက္ကဌ ကိုပီတာကြီးကပြောသည်။
ထို့ပြင် ယုန်လေးကို Social Punishment ပြုလုပ်ရန် နှစ်ကြိမ်တိတိ သတိပေးခဲ့ဖူးသည့် ရေဘဝဲ ပြည်သူ့အကျိုးပြု လူငယ်အဖွဲ့အစည်း ဥက္ကဌ ကလည်း “လူထုအနေနဲ့ကလည်း ယုန်လေးဆိုရင် Public Enemy ပြည်သူ့ရန်သူအနေနဲ့ မြင်နေပြီဆိုတာ ကောင်းကောင်းနားလည်ထားပါတယ်။အနု
ပညာရှင်တစ်ယောက်ကိုကြည့်တာနဲ့ လူထုအနေနဲ့ ဒီလူကဘယ်သူ ဘာလုပ်ခဲ့တယ် ဘာလုပ်နေလဲ ဘာလုပ်ဦးမှာလဲဆိုတဲ့ဆုံးဖြတ်ချက်က သူ့ရဲ့ အသိတရားပဲဖြစ်ပါတယ်။ လူထုကိုယုံကြည်ပါတယ်။”ဟုပြောသည်။
ယင်းဇာတ်ကားကိုစာနယ်ဇင်းမိတ်ဆက်ပွဲ ပြုလုပ်ခဲ့သော်လည်း ပြည်သူများ လူမှုရေးပြစ်ဒဏ် ပြုလုပ်ခံထားရသည့် ယုန်လေး၏ အင်တာဗျူးများမီဒီယာများ၌ မတွေ့ရပေ။
ယုန်လေးသည် အာဏာမသိမ်းမီ အချိန်ကတည်းက အာဏာသိမ်းခံရသည့်ပုံစံဖြင့် Music Video ရိုက်ကူးပြခဲ့သောကြောင့် ယင်းအချိန်ကတည်းက ဝေဖန်မှုများခံခဲ့ရခြင်းဖြစ်သည်။
အာဏာသိမ်းစကာလတွင် ပြည်သူများဘက်မှ ပါဝင်သယောင်နေခဲ့သော်လည်း နောက်ပိုင်းတွင် အာဏာသိမ်းစစ်ကောင်စီ၏ ပွဲများတွင် တတ်တတ်ကြွကြွပါဝင်ပေးနေသူတစ်ဦးဖြစ်သည်။
ယုန်လေးသည် ၎င်းကိုယ်တိုင်သာမကအာဏာသိမ်းပြီးစတွင်ဆန္ဒပြပွဲ နှင့် နွေဦးတော်လှန်ရေးတွင် ခတ္တပါဝင်ခဲ့သည့် ပိုင်တံခွန် ၊ G Fatt တို့အပါအဝင် အခြားအနုပညာရှင်များကိုလည်း စစ်ကောင်စီ၏ပွဲများသို့ ဖိတ်ကြားခဲ့သူဖြစ်သည်။
