လူအေး/People’s Spring
မကွေးတိုင်း၊ ဂန့်ဂေါမြို့နယ်၊ ဆင်မကျေးရွာကို စစ်ကောင်စီက ယနေ့(အောက်တိုလာ ၅ရက်) နေ့လည်ပိုင်းတွင် လေကြောင်းမှ နှစ်ကြိမ်ဗုံးကြဲတိုက်ခိုက်ရာ အရပ်သားတစ်ဦး သေဆုံးခဲ့သည်။
ဆင်မကျေးရွာကို နေ့လည် ၁၂နာရီ ၄မိနစ်နှင့် ၁၂နာရီ ၃၇ မိနစ်တွင် နှစ်ကြိမ်ဗုံးကြဲတိုက်ခိုက်ခဲ့ခြင်းဟု ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့ဝင်တစ်ဦးက ပြောသည်။
” တိုက်ပွဲမရှိပါ။ အလကားနေရင်း ပစ်ချသွားတာ။ လမ်းသွားလမ်းလာ အရပ်သားတစ်ဦး ခေါင်းမရှိတော့တဲ့အထိ အခြေအနေဆိုးတယ် ဗျာ”ဟု ၎င်းက ပြောသည်။
Public Service Announcement
စစ်ကောင်စီသည် ဂန့်ဂေါခရိုင်အတွင်းရှိ ထီးလင်းမြို့ကိုလည်း ယနေ့ ညနေပိုင်းတွင် လေကြောင်းမှတိုက်ခိုက်ခဲ့ရာတွင်လည်း လူထိခိုက်မှုရှိကြောင်း၊ အသေးစိတ်မသိရသေးကြောင်း ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့ဝင်တစ်ဦးက ပြောသည်။
စစ်ကောင်စီသည် အောင်တိုဘာလဆန်းအတွင်း မကွေးတိုင်း၊စစ်ကိုင်းတိုင်း၊ရှမ်းပြည်နယ်၊ချင်းပြည်နယ်၊ရခိုင်ပြည်နယ်တို့မှ မြို့နယ်အချို့များအား လေကြောင်းမှ နေ့စဉ်ဗုံးကြဲတိုက်ခိုက်နေသည်။
ယနေ့ညနေပိုင်းတွင်လည်း စစ်ကိုင်းတိုင်း ဒီပဲယင်းမြို့ကို စစ်ကောင်စီက ဗုံးကြတိုက်ခိုက်ခဲ့ကြောင်းလည်း သတင်းရရှိသည်။
အရပ်သားများကို ပစ်မှတ်ထား တိုက်ခိုက်နေသည့် စစ်ကောင်စီ၏ အကြမ်းဖက်မှုများရပ်တန့်စေရန် စစ်ကောင်စီထံ စီးဆင်းနေသော လေယာဉ်ဆီ၊လက်နက်ခဲယမ်းနှင့် စစ်သုံးပစ္စည်းများ လွှဲပြောင်းခြင်းမပြုကြရန် စက်တင်ဘာ ၂၆ရက်က ပြုလုပ်ခဲ့သော ကုလသမဂ္ဂအထွေထွေညီလာခံ၏ အပြည်ပြည်ဆိုင်ရာနျူးကလီးယားလက်နက်အလုံးစုံဖျက်သိမ်းရေးနေ့အထိမ်းအမှတ်အစည်းအဝေးတွင် မြန်မာသံအမတ်ကြီး ဦးကျော်မိုးထွန်းက ပြောကြားခဲ့သည်။
