ရူပါ/People’s Spring
မန္တလေးတိုင်း၊ ဝမ်းတွင်းမြို့နယ်၊ သဘွတ်ကုန်းကျေးရွာမှာ စစ်မှုထမ်းဆင့်ခေါ်ခံရတဲ့စာရင်းထဲ သံဃာတော်နှစ်ပါး ပါဝင်နေကြောင်း Voice Of Wundwin အဖွဲ့က ပြောပါတယ်။
ဝမ်းတွင်းမြို့နယ်၊ သဘွတ်ကုန်းကျေးရွာကို ပြီးခဲ့တဲ့ ရက်ပိုင်းအတွင်း စစ်ကောင်စီက လူဦးရေ(၁၈၉)ဦး ပါဝင်တဲ့စစ်မှုထမ်းဆင့်ခေါ်ခံရတဲ့ စာရင်း ရောက်ရှိလာခဲ့ကြောင်း၊ အဲဒီစာရင်းထဲမှာ သံဃာတော်နှစ်ပါးပါ စစ်မှုထမ်းရမယ့်စာရင်းထဲ ပါဝင်လာကြောင်း Voice Of Wundwin အဖွဲ့က ပြောပါတယ်။
“အဲ့ရွာကို စမထ စာရင်းဆိုပြီး ပြီးခဲ့တဲ့တစ်ပါတ်လောက်က လူဦးရေ ၁၈၉ ယောက်ပါစာရင်းကို စခ တွေလာပေးသွားတယ်တဲ့။ ဒါပေမယ် အဲ့စာရင်းထဲကလူတွေကိုတော့ လာမခေါ်ကြသေးဘူး။ အဲ့စာရင်းမှာက စာဝါလိုက်နေတဲ့ ငယ်ဖြူ သံဃာနှစ်ပါး နာမည်ပါပါနေတာ။”လို့ Voice Of Wundwin အဖွဲ့ဝင်တစ်ဦးက ပြောပါတယ်။
Public Service Announcement
စစ်ကောင်စီ ရဲ့စစ်မှုမထမ်းမနေရ ဥပဒေမှာ စစ်မှုထမ်းဖို့ ကင်းလွတ်ခွင့် ရသူတွေထဲမှာ သံဃာတော်တွေ ပါဝင်တယ်လို့ ဆိုပေမယ့် သဘွတ်ကုန်းရွာ စစ်မှုထမ်းစာရင်းမှာ သံဃာတော် ၂ ပါးပါဝင်နေတာဖြစ်ပါတယ်။
သဘွတ်ကုန်းရွာမှာ စစ်တပ်အာဏာသိမ်းပြီးက
တည်းက အုပ်ချုပ်ရေးမှူးမရှိဘဲ ဘုန်းကြီးကျောင်းက ဆရာတော်ကနေ အုပ်ချုပ်နေကြောင်း၊ ရွာအဝင်တွေမှာ တံခါးပေါက်တွေလုပ်ပြီးကင်းအ
လှည့်ကျစောင့်စနစ်နဲ့အချက်ပေးသံချောင်းတွေနဲ့လုပ်ထားကြောင်း ဝမ်းတွင်းဒေသခံတွေက ပြောပါတယ်။
ဖေဖော်ဝါရီ ၅ ရက် ညက အဲဒီသဘွတ်ကုန်းရွာကို
စစ်ကောင်စီတပ်တွေ ရောက်ရှိလာလို့ သံချောင်း
ခေါက်ပြီးအသိပေးခဲ့ကြောင်း၊ စစ်ကောင်စီတပ်ကလည်း ရွာတံခါးသော့ကိုဖျက်ပြီး ရွာထဲဝင်ကာ စျေးဆိုင်တစ်ဆိုင်ကိုဖျက်ဆီးပြီး ပြည်သူတစ်ဦးကို ဖမ်းဆီးသွားကြောင်း ဒေသခံအချို့က ပြောပါတယ်။
ဒါ့အပြင် နောက်တစ်ရက်မနက်မှာလည်း သဲတောမြို့ပေါ်အလုပ်သွားလုပ်တဲ့ သဘွတ်ကုန်းရွာပြည်သူအချို့ကို စစ်တပ်က ဖမ်းဆီးသွားကြောင်း သိရှိရပါတယ်။
ဝမ်းတွင်းမြို့နယ်မှာ ယခုနှစ်ဆန်းပိုင်းအတွင်းမှာလည်း စစ်ကောင်စီတပ်က လူငယ်တွေကို စစ်မှုထမ်းဖို့ အများအပြား ဖမ်းဆီးနေကြောင်း သတင်းရရှိပါတယ်။
စစ်ကောင်စီက စစ်မှုမထမ်းမနေရဥပဒေရဲ့ နည်းဥပဒေကို ပြီးခဲ့တဲ့ဇန်နဝါရီလမှာ ပြဌာန်းပြီးနောက်ပိုင်း စစ်သားသစ် အဓ္ဓစုဆောင်းမှု ပိုမိုအတင့်ရဲစွာ ပြုလုပ်လာပါတယ်။ စစ်ကာင်စီက နိုင်ငံဟာ ပုံမှန်မဟုတ်တဲ့ အရေးပေါ်အခြေအနေ သတ်မှတ်ရင်စစ်မှုထမ်းဖို့ သတ်မှတ်ချက်ပြည့်မိသူတွေအားလုံးကိုဆင့်ခေါ်နိုင်တယ်လို့ နည်းဥပဒေက ဆိုထားတာဖြစ်ပါတယ်။
