ဒီနေ့ လှုပ်ခတ်ခဲ့တဲ့ အင်အားပြင်းငလျင်ကြောင့် နေပြည်တော်နဲ့ မန္တလေး လေဆိပ်တွေ ပိတ်သိမ်းထားကြောင်းနဲ့ လေယာဥ်ခရီးစဥ်တွေ ဖျက်သိမ်းကြောင်း အပြည်ပြည်ဆိုင်ရာ မြန်မာလေကြောင်း(MAI)က ဒီနေ့ ထုတ်ပြန်ကြေညာပါတယ်။
ဒီနေ့ မတ်လ ၂၈ရက်ကစလို့ နောက်ထပ် အသိပေးချက် မထုတ်ပြန်မချင်း နေပြည်တော်နဲ့ မန္တလေးကို ပျံသန်းပြေးဆွဲမယ့် လေကြောင်းခရီးစဥ်အားလုံးကို ဖျက်သိမ်းလိုက်ကြောင်း MAI က အသိပေးထားပါတယ်။
ခရီးသည်များနဲ့ လုပ်ဖော်ကိုင်ဖက်များ ဘေးကင်းလုံခြုံတဲ့ အခြေအနေရှိပြီး သက်ဆိုင်ရာ အာဏာပိုင်များဆီကနေ အတည်ပြုချက်ရတာနဲ့ လုပ်ငန်းလည်ပတ်မှုများကို ချက်ချင်းပြန်လည်စတင်မယ်လို့လည်း MAI က ဖော်ပြပါတယ်။
Public Service Announcement
ငလျင်လှုပ်ခတ်အပြီး မန္တလေးအပြည်ပြည်ဆိုင်ရာလေဆိပ်အတွင်းပိုင်းအခြေအနေ၊ ငလျင်လှုပ်ခတ်နေချိန် လေယာဥ်ကွင်းအတွင်း အခြေအနေ။ ဓာတ်ပုံ – CJ ငလျင်လှုပ်ခတ်အပြီး မန္တလေးအပြည်ပြည်ဆိုင်ရာလေဆိပ်အတွင်းပိုင်းအခြေအနေ၊ ငလျင်လှုပ်ခတ်နေချိန် လေယာဥ်ကွင်းအတွင်း အခြေအနေ။ ဓာတ်ပုံ – CJ ငလျင်လှုပ်ခတ်အပြီး မန္တလေးအပြည်ပြည်ဆိုင်ရာလေဆိပ်အတွင်းပိုင်းအခြေအနေ၊ ငလျင်လှုပ်ခတ်နေချိန် လေယာဥ်ကွင်းအတွင်း အခြေအနေ။ ဓာတ်ပုံ – CJ ငလျင်လှုပ်ခတ်အပြီး မန္တလေးအပြည်ပြည်ဆိုင်ရာလေဆိပ်အတွင်းပိုင်းအခြေအနေ၊ ငလျင်လှုပ်ခတ်နေချိန် လေယာဥ်ကွင်းအတွင်း အခြေအနေ။ ဓာတ်ပုံ – CJ
လက်မှတ်ဖြတ်ထားပြီးတဲ့ MAI ခရီးသည်များအနေနဲ့ လေဆိပ်များပြန်ဖွင့်အပြီး တပတ်အတွင်း ရက်ပြောင်းလဲမှု အခမဲ့ တကြိမ်ပြုလုပ်တာ၊ ဒါမှမဟုတ် ပြန်အမ်းငွေအပြည့်ပြန်လည်ထုတ်ယူတာ ပြုလုပ်နိုင်တယ်လို့ အသိပေးထားပါတယ်။
ဒီနေ့ နေ့ခင်း ၁၂နာရီ ၅၀ခန့်မှာ မန္တလေးမြို့နဲ့ စစ်ကိုင်းမြို့တို့ကို ဗဟိုပြုကာ ရစ်ချ်တာစကေး ၇ဒသမ၇ အင်အားပြင်းထန် ငလျင်နဲ့ နောက်ဆက်တွဲ ငလျင် ၃ခု လှုပ်ခတ်ခဲ့ပြီး မန္တလေးမြို့ အပါအဝင် မြန်မာနိုင်ငံအလယ်ပိုင်း မြို့တွေ၊ ရှမ်းပြည်နယ်တို့မှာ ပျက်စီးဆုံးရှုံးမှုများစွာနဲ့ လူသေဆုံးမှုတွေ ဖြစ်ပေါ်ခဲ့တာပါ။
အဲဒီအင်အားပြင်းထန်ငလျင်ကြောင့် အာဏာသိမ်းစစ်ကောင်စီက စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ရှမ်းပြည်နယ် အရှေ့မြောက်ဒေသ၊ နေပြည်တော်ကောင်စီနယ်မြေနဲ့ ပဲခူးတိုင်း ဒေသ ၆ခုကို သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေအရ အရေးပေါ်အခြေအနေ ကြေညာခဲ့ပါတယ်။
