'/%3E%3C/svg%3E){kind=small}
Myanmar Now သတင်းဌာနရဲ့ သတင်းထောက် မကေဇွန်နွေးကို နယ်စည်းမခြားသတင်းထောက်များအဖွဲ့ (RSF)ရဲ့ ၂၀၂၁ စာနယ်ဇင်းလွတ်လပ်ခွင့်ဆုအတွက် RSFက အဆိုပြုရွေးချယ်လိုက်ပါတယ်။
လူငယ်သတင်းထောက် မကေဇွန်နွေးဟာ မြန်မာနိုင်ငံမှာ အာဏာသိမ်းမှုကိုဆန့်ကျင်ဆန္ဒပြနေမှုတွေကို တိုက်ရိုက်ရိုက်ကူးထုတ်လွှင့်နေစဉ် ဖေဖော်ဝါရီ ၂၆ ရက်မှာ ဖမ်း ဆီးခြင်းခံခဲ့ရပြီး RSF ရဲ့ ရဲရင့်ခြင်းဆုအတွက် ဆန်ခါ တင်ရွေးချယ်ခံထားရတာ ဖြစ်ပါတယ်။
မကေဇွန်နွေးဟာ ဇူလိုင် ၁ ရက်မှာ ပြန်လည်လွတ် မြောက်လာခဲ့ပြီး အကျဉ်းထောင်အတွင်းမှာ ၁၂၄ ရက် ကြာနေထိုင်ခဲ့ရပါတယ်။
နယ်စည်းမခြားသတင်းထောက်များအဖွဲ့(RSF)ဟာ ရဲရင့်ခြင်း၊ အကျိုးသက်ရောက်မှုနဲ့ လွတ်လပ်ခြင်းစတဲ့ ဆုအမျိုးအစားသုံးခုကို ပေးအပ်မှာဖြစ်ပြီး အဲဒီအတွက် နိုင်ငံပေါင်း ၁၁နိုင်ငံက သတင်းထောက်တွေ၊ သတင်းဌာနတွေကို ဆန်ခါတင်ရွေးချယ်ထားတာ ဖြစ်ပါတယ်။
Public Service Announcement
ဆန်ခါတင်အဖြစ် အဆိုပြုရွေးချယ်ခံထားရတဲ့ သတင်း ထောက် ၆ ဦးအနက် ၄ဦးဟာ အမျိုးသမီးတွေဖြစ်ပါတယ်။ သတင်းဌာန ဒါမှမဟုတ် သတင်းထောက်အဖွဲ့အစည်း ၆ခုကိုလည်း အဆိုပြု ရွေးချယ်ထားပါတယ်။
ဆုရရှိသူတွေရဲ့အမည်စာရင်းကို လာမယ့် နိုဝင်ဘာ ၁၈ ရက်မှာ ထုတ်ပြန်ကြေညာမှာဖြစ်ပါတယ်။
အကြမ်းဖက်စစ်တပ်က ဖေဖော်ဝါရီ ၁ရက် အာဏာ သိမ်းပြီးနောက်ပိုင်း မြန်မာနိုင်ငံမှာ သတင်းသမား ၁၀၀ ကျော်ဖမ်းဆီးခံခဲ့ရပြီး ၄၀ ခန့်ဟာ လက်ရှိအချိန်အထိ အကျဉ်းထောင်တွေထဲမှာ ရှိနေဆဲပါ။ သတင်းဌာန ၉ ခုကိုလည်း ထုတ်ဝေရေးသားဖော်ပြခွင့် ပိတ်ပင်ခဲ့ပြီး အဲဒီပိတ်ပင်ခံခဲ့ရတဲ့ ၉ ခုအနက် ၇ ခုက ဆက်လက်လုပ်ကိုင်နေဆဲဖြစ်ပါတယ်။
